رجعت هاجر لبيتها وطبعا رند راحت لبيتها هم
هاجر : هلو ماما
ام هاجر: شبيج وجهج اصفر هاجر صاير شي وياج
هاجر : لا بس تعبانة واريد اروح لغرفتي انام
ام هاجر : اني لهسة مامتغدية منتظرتج وانتِ تجين ومباشرة لغرفتج!؟ ميصير هيج !؟ انتِ مقصرة بحقي هواي يعني بنتي الوحيدة دقايق متكعد وياي!
هاجر: اسفة ماما حبيبتي بس ولله نفسيتي تعبانة ومتتخيلين شكد نتعب هناك ولله وبالي متشوش
ام هاجر: شنو صاير وياج ؟يمكن اكدر اساعدج !
هاجر: لا ماما عمري ماكو شي صدكيني لو صايرلي شي اكيد احجيلج ، بابا وين ؟
ام هاجر: رجع من الدوام راح نام خطية تعبان كُلش
هاجر: بلة شمسوية اكل
ام هاجر: مسوية دولمة حــامضة من هاي الي انتِ تموتين عليها
هاجر: اصعد ابدل وانزل حتى ناكل
ام هاجر : شنو رأيج من تكملين اكل نروح اني وياج لبيت خالتج مريم صارلج هواي مرايحة غيري جو وطلعي من مود المظاهراة
هاجر : ماما حبيبتي نطلع اوك بس ماريد اروح لبيت خالتي مالي خلك اريد نطلع بس اني وياج وافرچ ابغداد واونسج بس ماريد احد ويانه ولا اريد اروح اشوف احد
ام هاجر: احسج صايرة انطوائية مو مثل قبل متحبين تكعدين بالبيت
هاجر: ههههههه ماما اني كل يوم داطلع ترة يعني متغيرت بس الفرق انو هالطلعات بيها شغل وتعب ومسؤلية مو مثل الطلعات الاعتيادية
