صارت هوسة كُلش جبيرة وتدخلو بيها شباب المظاهرة
رند: الوووعمو علي تعال بسرعة النة
ابو هاجر : شصاير رند؟ هاجر بيها شي !!؟
رند : عمو اجه وائل لساحة التحرير وشافنه اني وهاجر ودكتورعمر يم المفرزة سمّع هاجر كلام محلو وتعارك ويا دكتورعمو ودكتور هشام وتضاربوا وصارت هوسة وهاجر كُلش خايفة ودتبجي
ابو هاجر : هسة جايكم بنتي ابعدي هاجر عن هالهوسة
وهديها مسافة الطريق واكون يمكم
ام هاجر : شبيها هاجر ؟؟!
ابو هاجر : هذا وائل رايح لساحة التحرير ومتجاوز عليها هي وزملائها الدكاترة وصايرة عركة و لازم اروح هسة
ام هاجر : كتلك يارجال خلي حدّ لأبن اخوك من قبل يدخل نفسة
بــ هاجر وانت ولايمك
ابو هاجر: مو وقتها تلوميني روحي بدلي بسرعة
طلع ابو هاجر وام هاجر من البيت وراحوا لساحة التحرير وجانت اعصابهم تعبانة
ولما وصلوا لساحة التحرير شافوا مجموعة شباب ملتمين
راح ابو هاجر يركض على المفرزة
ابو هاجر : وائــل!!
وائل : عمو هذا الحقير دخل نفسه بيني وبين هاجر
ابو هاجر ماتحمل هالموقف والناس جانو ملتمين على عركتهم فقد اعصابة و ضرب وائل راشدي
وائل : تضربني !؟ واني جاي حتى اخذ هاجر من هالمكان الي مليان حرامية وناس تعبانة !؟
هشام : احترم نفسك والزم لسانك تاج راسك شباب التحرير
ابو هاجر : وائل روح منا
وائل: ماشي رايح بس هشام خلص خليتك ابالي
هشام : الرجال ميهدد الرجال گول وفعل وانت ماالك شي يمي
انت تجاوزت على هاجر وعلى كل الموجودين تريدني اسكُتلك !؟
ابو هاجر : وين هاجر !؟
عمر :جوة بالمفرزة تعبت شوية ورند وياها اطمن
ام هاجر : ماما حبيبتي
هاجر من شافت امها ضلت تبجي بحرگة
ام هاجر : لا حبيبتي لا تبجين اني يمج
هاجر وهي دتبجي : شفتي وائل شسوة بيه فشلني كدام العالم واني ممسوية شي تهجم علية كأنو مسوية جريمة ليش هيج ماما
ام هاجر: ولله ابوج راح يوكفة عند حده ومايدخل بيج منا ورايح اهدأي يلة كومي حتى نرجع للبيت ، رند اليوم باتي يمنه علمود هاجرماشي!؟
رند: بس اخابر بابا وانطي خبر انو حبات يمكم اليوم
ام هاجر : تمام ، يلة ماما كاافي بجي هسة ينحل الموضوع
