ابو هشام : الله يقويك ابني
هشام : امين يارب ، بابا اني اسف مدافرغ للبيت مثل قبل وهامل امي ومحمد وفهد
ابو هشام : معذور هشام أنت دتقدم وقتك لبلدك وهذا شي عظيم بحق نفسك وبحقي لذلك لا تتأسف بالعكس استمراني فخور بيك دتنقذ حياة الابرياء والمظلومين ماكو اعظم من هذا الشي
هشام : حبيبي بابا، الله يحفظكم الية
ابو هشام: روح بدل وارتاح مبين عليك كُلش تعبان
هشام: اي والله حيل تعبان ومشتاق انام بغرفتي
ابو هشام : باجر لا تروح من الصبح ، ابقى لحدما تكعد امك حتى تشوفك وتچيك وضعها
هشام : بدون متحجي بابا اني ناوي ابقى يمها باجر وااروح العصر لساحة التحرير
ابو هشام : يلة ابني روح ارتاح بغرفتك
هشام : تصبح على خير بابا
ابو هشام : وانت من اهل الخير
هشام بهذا اليوم جانت نفسيتة كُلش تعبانة ومقهور من هاجر وبنفس الوقت مشتاق يسمع صوتها
هشام : كل عقلها العب عليها والله مو صاحية تباوع بعيوني وتشوف حبي الها وتصرفاتي وياها وتكول العب اووووف يا هشام صدُك ماعندك حظ
أما رند جانت مقهورة كُلش من كلام هشام وقررت تخابر
لــ عمر وتسولفلة على كل الي صار
عمر: الوروو هلو رند
رند: هلو عمر ، فارغ !؟
عمر : اي فارغ ، شبيج
رند: اني عرفت سبب مشكلة هشام وهاجر
عمر : شنو السبب
رند: بس توعدني متحجي ومتبين لهشام ولهاجر انت تعرف بشي
عمر: دحجي رند شبيج تعرفيني كُلش زين مراح احجي وجربتيني
رند: هشام جرح هاجر كُلش بكلامة وعاملها بطريقة متليق بيها ،
هشام غلط وحقها متباوع بوجهة بعد
عمر : شنو مسوي هشام ترة قلقتيني
رند: راح ادزلك سكرين شوت لمحادثتة هو وهاجر وشوف صديقك شنو كاتب
عمر : دزي بلة
رند: افتح الواتس اب وصلك هسة
عمر : ثواني خلي اقرة المسج ،
هاي شنو ؟! مستحيل هذا مو كلام هشام
رند: لا عمر هذا هشام الي داز المسج للأسف انصدمنة كُلنة بي
عمر : ترة هشام صديقي واخوية ومحد يعرفة بكدي مستحيل يكول هالكلام اكو شي غلط والله
رند: هذا هو سبب عصبية هاجر اليوم وحقها تعصب لان الكلام يدمر الاعصاب ، تدري من حجيت وياها قبل شوية بس تبجي وماعرف شنو اسوي
