هاجر : اعرف ولله كل الي دتحجي صح بس اني ماكدر اتصرف من كيفي واروح مرة ثانية بدون علمهم خلي يجي بابا ونشوف
صارت ساعة ٣:٣٠ العصر ورجع ابو هاجر للبيت
ابو هاجر : هلو بناتي الحلوات شلونكم
رند : هلو عمو شلونك دننتظرك حتى نروح لساحة التحرير
هاجر : اي بابا متحضرين حتى نروح
ابو هاجر : زين ممكن ابدل واكل لگمة قبل لا نروح لو نروح واني جوعان ؟
رند : هههه لاعمو اكل براحتك ننتظرك
تغده ابو هاجر وراح يبدل حتى ياخذ البنات جانت ام هاجر بهالاثناء ابيت اختها
هاجر: بابا اليوم ماما تبقى لليل ابيت خالتي مريم
ابو هاجر: اي خابرتني من جنت بالشغل كالت بما انو راح تطلعون واني ماريد ابقى وحدي بالبيت راح اروح يم مريم وباليل ارجع للبيت
رند: عمو تدري اليوم شكلو مفارز طبية بساحة التحرير ؟
ابو هاجر : اي سمعت اليوم بهذا الموضوع ، يله بنات نطلع اني جاهز
وبهالاثناء جان هشام بساحة التحرير يساعد المتظاهرين وسوو مجموعة خيم واكو مجموعة اطباء حضرو جزء من المسلتزمات الطبيه الي يحتاجوها
وصلوا رند وهاجر وابو هاجر لساحة التحرير طبعاً جانت الاجواء وطنية لدرجة انو بعين كل متظاهر دمعة وطن
ابو هاجر: ابد ما جنت متخيل هيج الوضع هنا
رند: عمو لعد احنه ليش دنكولكم ضروري نجي لان مثل مدتشوف الكل دتشارك صغير وكبير
هاجر: امشي خلي نروح نشوف هذي المفرزة
وصلت هاجر للخيمة الي هشام بيها طبعا جانو مجموعة متظاهرين موجودين ديسولفون ويا هشام وديخططون شلون راح يرتبون الوضع وشلون راح يتواجد يمهم بدون مايأثر على دوام المستشفى
بهالاثناء ابو هاجر راح يسلم عليهم ويشاركهم الحديث
ابو هاجر : السلامُ عليكم
هشام : وعليكم السلام عمو
والمتظاهرين ايضاً سلموا على ابو هاجر
وضلوا يسولفون ويا على الوضع اما هاجر ورند شافو مجموعة بنات يم الخيمة جانوا البنات ديوزعون اكل على المتظاهرين
رند: خلي نساعد البنات هاجر ؟
هاجر : بس خلي انطي خبر لبابا انو حنوزع ويا البنات حتى خاف نبتعد شوي ميضل باله
رند: يله روحي كُليلة
راحت هاجر لأبوها حتى تستأذنة طبعا ابوها جان ديسولف ويا هشام
هاجر: السلام عليكم
هشام صفن على هاجر من سلمت عليه
هشام : وعليكم السلام
