Charisse POV
May jetlag yata ako. Kakarating lang namin ni Sir Lorence dito sa Hongkong at pagod na pagod ako kahit nakaupo lang naman kami sa eroplano. Naka-check-in kami sa hotel. Sosyal nga ng kwartong kinuha ni Lorence para sa'ken. Magkatabi lang 'yung kwarto namin.
Naupo ako sa malambot na kama at matamang pinagmasdan ang luggage ko. Grabe! First time kong mag-out-of-the-country. Tapos dahil pa sa meeting. Kumusta naman kaya ang mga dress na binili saken ni Lorence. Kase, may maiiksi at fitted. Feeling ko 'pag suot ko 'yun, hindi ako magmumukhang secretary eh. Baka mapagkamalan na akong boss. Pati ang mga heels, pamatay! Ang tataas pa. Di naman ako makatanggi dahil sabi nga ni Sir Lorence, para sa company 'yun.
Nahiga ako sa kama. Bigla nalang pumasok sa isip ko ang mukha ng lalaking payatot pero may abs, mala-tingting ang katawan pero hot, singkit ang mata pero gwapo at malandi pero sweet. Hays. Nagkasagutan na naman kami last time. Wala na talagang pag-asa, kahit hello! Ako lang naman ang umaasa eh. Kase ako, nagmamahal ng totoo unlike him, ginawa lang akong laruan.
*phone rings*
Sino namang tatawag sa'ken eh nandito ako sa Hongkong? Overseas call? Aba mayaman sa load.
Tiningnan ko ang phone ko at sumimangot ako. Kaya naman pala kaya akong tawagan kahit nandito ako sa Hongkong.
"Ye--"
[WHERE THE HELL ARE YOU?!]
Masakit sa tainga ang sigaw nya ha. Psh. "Bakit mo ba ako sinisigawan? Saka nasa Hongkong ako." Sagot ko. Hindi ko siya ituturing na boss ngayon kase sinisigawan nya ako.
[WHAT?! HONGKONG?]
Nag-poker-face ako kahit 'di naman nya makikita itsura ng mukha ko. "Hindi. Kingkong. Psh. Narinig mo naman 'diba? Hongkong. Kailangan ko pa bang i-spelling?"
[At bakit nandyan ka?! You're my secretary. Fvck! You leave my company just to go to Hongkong?]
Wala ba syang alam sa business tour? "Sir Luke." Panimula ko saka huminga ng malalim. Ang OA kase magreact nitong tingting na'to eh. "May business tour po dito sa Hongkong at kasama ko po si Sir Lorence." Mahinahon kong sabi kahit nanlalaki na ang butas ng ilong ko sa inis.
[Si Lorence ang kasama mo?!]
"Natural. Alangan namang ikaw. As you can see, nandyan ka sa Pilipinas." Pamimilosopo ko.
[Charisse. Fvck.]
Narinig ko ang malalim nyang pagbuntung-hininga. Ano na naman bang nagawa at nagmumura na naman sya? Charisse Alano ang pangalan ko at hindi 'Charisse Fvck' Psh!
"Kung wala na po kayong sasabihin, ibababa ko na---"
[No please. No.]
Juice colored. Pasalamat ka Palermo nakakapagtyaga pa ako. Kung hindi kanina pa kita binabaan. Di ko gustong makausap ka, kala mo ba. Ewan ko ba sa sarili ko. Galing magpanggap eh--na akala mo walang nangyari, walang problema, walang heartbreak, na okay lang kahit hindi. Pwede na akong mag-artista nito.
