البارت الأول
وردايتي
وردة وردة
هاا ماما دغسل الملابس شرايدة؟
الباب تندك يمه روحي فتحيها
وردة :اووف بس وردة بالبيت تفتح الباب شغلوني بواب عدكم احسن 😒
ام وردة : فتحي الباب لا اكوم اكص لسانج 😡
وردة : اهلا وسهلا اي بيت ابو وردة تفضلوا شرايدين ؟
بنيتي أني عمج علي وهذا وليدي حسن..
عمي علي منو ؟!!
الأم : منو ع باب وردة شو طولتي 🤔
وردة : ماما هذا واحد يكول اني عمج علي تعالي شوفي يمكن متوهم بالبيت
الأم : اهلا..شذكرك بينه لازم عندك شي وجاي هسة
العم علي : يعني شلون نظل ع باب تره جايين من طريق طويل
الأم : تفضلوا..
نور : يمه كملت الخبز كولي لوردة تروح تجيبه من السطح مو بس تكعد تاكل
وردة : ع اساس اكل بكدج
الأم : كافي سكتن فضحتنه كدام الناس
حسن : مبين متعباتج خالة
الأم : رويسيه كفيلك الله .. اكول ابو حسن ابنك شكله ينحب ولا طالع عليك انت وأمه ال....
حسن : ال شنو خالة ؟
الأم : هههههه لا هيج يمه دكول ال حبابة صدوك شخبارها
حسن: الله يرحمها
ام وردة : يااا ربي يرحمها شلون توفت
ابو حسن : حادث..جانت رايحة تخطب لحسن وانكلبت السيارة بيهم وحسن مثل متشوفين ع اثرها لبس نظارات لان عيونه شوية تأذت
وردة : هههه بس لايكاتله
ام وردة : فوتي سوي جاي لعمج وبلا استضرافج هذا
وردة : شبيج ماما لاحكين ع جاي مو خاف تفوتني قصة عمي اللي طلعلنا فجأة
العم : ميفوتج شي بنيتي وراح تشوفونا هواية منا وجاي
نور : اني ولا مرة سمعت ابوية يكول عندي أخ
وردة : يجوز متبري منه ههههه
ابو حسن : ههههه بنيتي حيل مرحة وتنحطين بالكلب ولا يكول هاي أمج
ام وردة : شنو قصدك ؟
حسن : انتوا متتذكرونه بس اني اذكركم وقبل لنشيل اني مرة جيت وية امي دتبارك لامجن ع ولادة وردة لحد الآن اتذكر بوقتها ضربتج راجدي وظليتي ساعة تبجين ومحد يدري ليش تبجين واني اضحك عليج
وردة : كون تنكسر هالأيد
الأم : تأدبي وحسني الفاظج وكومي سوي جاي لعمج لان خاف يتعطلون اكيد يريدون يرجعون
ابو حسن: شنو هاي طردة ام وردة
الأم : انت تعرف اخيتك شنو وشلون جانت حاطتك بنص عيونها
ابو حسن : والنعم منج
ام وردة : بس اني خايفة من ابو وردة اذا يجي ويشوفك
ابو حسن : ام وردة مصارين البطن هم تتعارك واحنه اخوان..
وردة : ليش ماما شنو بابا يكرهه
ام وردة ماما سالفة قديمة ومال كبار لتتدخلين
حسن : لا خالة من حقها تعرف.. واني هم بابا من حقي اعرف انت جبتني لهنا واني مااعرف ليش جاي بعد كل هالسنين
ام وردة : وليدي والله اني اخاف ع عمك الضغط عنده عالي وادنى موقف ينتكس علينا وتعرف احنه بس نسوان وما عدنا ولد خاف يصير ميصير
حسن : اني ابنج خالة صدوك جذب انتوا اهلنا
ام وردة : الله يحفظك يمه
ابو وردة : ام وردة وينج نسيت اوراق الامتحان مال الطلاب وجاي اخذهن
ابو حسن : هلا خوية
ابو وردة : هذا انت؟ ام وردة منو سمحلج ادخلي
ابو حسن : خوية اني لحيت عليهم ودخلت لازم نتراضى..العمر مكضي والحياة قصيرة ما كافي زعل
ابو وردة : شوف اني ما طارد بشر من بيتي بس هالمرة راح اسويها
حسن : اهدأ عمي تره ابوية مريض وتعبان وما رايد شي بس يتواصل وية اهله اني مااعرف شنو الموقف اللي خلاكم تتكاطعون كل هالسنين بس اللي اعرفه ابوية هسة متندم
ابو وردة ابني انت تعرف ابوك شنو سوة؟ تعرف شنو الظلم اللي انظلمنا اني وعمتك ام اسماء؟
حسن : والله عمي كل شي ما اعرف بس اللي اعرفه ابوية ندمان
ابو حسن: (يبجي) سامحني خوية وارضى علية قبل لا اموت
ابو وردة : يدفعه.. وخر عني اني ما عندي اخوان بعد ولتتمسكن علية اني مو ابوية الله يرحمه وتقشمره بكلمتين
ابو حسن : خوية حقك بكل اللي تكوله بس سامحني اني غلطان وأعترف وهم اعترف اني ظلمتكم انت واخيتي ام اسماء
حسن : عمي لخاطري سامحه تره انت بمقام ابوية اذا ابوية راح مالي غيرك بالدنيا
ابو وردة : عندك امك وخوالك
حسن : امي راحت لدار حقها
ابو وردة: الله يرحمها
ام وردة : ابو وردة اهدأ مهما يكون الناس دايسين بساطك
ابو وردة : لج نسيتي اللي سووا بينه نسيتي بيوم جنت اريد اسويلج العملية ورحت عليهم اريد فلوس واحد من المحلات الإيجار شنو جاوبوني نسيتي لو اذكرج؟
ام وردة : ما ناسية والمسامح كريم الله يسامح احنه منو ومنسامح
ابو وردة : لحد الآن صوتك يرن بأذني من تكلي انت ما الك شي عندي ابوية كتب المحلات بأسمي والبيت بأسمي يعني انت كل شي ما الك عدنا كتلك خوية اعتبرهن دين المرة راح تموت اريد اسويلها العملية تتذكر من كتلي خلي تموت عود نزوجك غيرها قحط نسوان
ابو حسن : يبجي كافي خوية
ابو وردة : هو هذا اللي تريديني أسامحه ام وردة
وردة ونور وحسن..مصدومين من اللي ديسمعوا
ام وردة : تفضلوا استريحوا وهسة يجيكم الجاي وتشربوا وتهدون شوية وبعدها تعاتبوا
ابو وردة: اني راجع للمدرسة اودي الأوراق وأجيكم الكلام بعده ما خلص والنفوس بعدها ما تصافت..
#زهراء-الزهيري
