البارت التاسع والعشرون..
وردايتي
حسن ينصدم من خبر زواج وردة..👇👇
بس مضطر يسكت ما في اليد حيلة
تنجمع العائلة وية حسن..👇👇
ابو وردة : وليدي باجر لازم تروح لدوامك..
حسن : لا عمو
ابو وردة : ليش لا..؟
حسن : لإن راح اسافر.. (حسن اخذ قرار بينه وبين نفسه يسافر لإن ما بقى عنده شي.. ابو وأمه ماتوا.. حبيبته راح تتزوج بعد يومين.. قرر يسافر عسى ولعل ينسى..)
وردة تنصدم بس متحجي تكتفي بالنظرات..😥
ابو وردة : شوكت تسافر؟
حسن : باجر
ابو وردة : شوكت لحكت تكمل إجرائات السفر وانت الصبح طالع من السجن..؟؟!
حسن : جماعتي ما قصروا.. اليوم اتصلت بيهم وكل شي صار جاهز
ابو وردة : زين وين تسافر؟
حسن : بصراحة عمو بعدني ما مقرر..
ابو وردة : الله يقدملك اللي بي الخير وليدي.. والله اني ما اريدك تسافر اريدك تبقى يمنه
حسن : بس السفر يريحني.. كل شي خسرت عمو وما ظل عندي بعد شي اخسره.. الدنيا اخذت مني كل عزيز.. (يباوع على وردة)
نور : بابا اليوم العصر يجي محمد خطيبي ياخذنه اني ووردة للسوك محتاجات اغراض
ابو وردة : على راحتجن بابا بس لتتأخرن.. صدوك انتي شوكت نفرح بيج ست نور اختج انخطيت وراج وراح تتزوج قبلج
نور : خلي محمد يكمل الدراسات مالته ووراها ان شاء الله نتزوج
ابو وردة : الله يسعدجن بنياتي.. ويسعد حسوني وليدي وياجن
حسن يستأذن منهم حتى يروح يرتاح بغرفته..
يدخل ابو وردة للغرفة على حسن..👇👇
حسن ديبجي..👇👇
ابو وردة : شبيك ابني.. استغفر ربك ابوك مات الله يرحمه كافي ارحم نفسك..
حسن : اوووف عمي
ابو وردة : سلامتك وليدي احجيلي شبيك لتعتبرني عمك اعتبرني ابوك
حسن : عمي اني ما دبجي على أبوية..
ابو وردة : لعد ليش دتبجي..؟؟!
حسن : عمي اني أحب وحدة.. وهاي الوحدة راح تروح من إيدي..
ابو وردة : وين تروح؟
حسن : تتزوج..
ابوية جان ناوي يخطبلياها قبل ليموت بس صار اللي صار.. الله لا يوفقج اسماء
ابو وردة : اسماء شعليها..؟؟!
حسن : هي السبب بكل شي
ابو وردة : شلون يعني كافي بجي وفهمني شنو اللي صار..؟؟!
حسن : عمو اسماء حطتني كدام الأمر الواقع لو تخطبني لو ما انطيك فلوس تعالج ابوك وتفك الدين مالتك
ابو وردة : معقولة..؟!!!!
حسن : كلتلها اني ما احبج احب غيرج وولا اهتمت وكالت إلا تخطبني.. واني جنت دشوف ابوية بين الحياة والموت والطبيب كل شوية يتصل بية هو من جهة وخوالي من جهة يردون فلوسهم لو يذبوني سجن.. اتخيل عمي ابوية ديموت واني انسجن منو إله..؟ انت ما بيك قصره بس أني اعرف انتوا عايشين على كد حالكم ويله مكفين عيشتكم لهالسبب اضطريت اخذ اسماء
ابو وردة : زين واللي تحبها حاجيلها كل هذا الحجي..؟ تعرف ظروفك..؟
حسن : عمي اللي احبها هي وردة..
ابو وردة : (يتعصب)..شنووو وردة بنتي.. انت تحجي صدوك لو تتشاقة..؟؟!
حسن : لا عمي احجي صدوك واني من حبيتها من البداية جان قصدي شريف واريد اخطبها بس صار اللي صار.. واني من حجيتلك هسة حسبتك أبوية مو عمي لان ابوية ما جنت اضم عليه شي ابد.. وحتى هو جان يدري احب وردة
