البارت الثامن عشر
وردايتي
ترجع اسماء وامها للبيت...
نور : حسن.. باباااا .. ماماااا تعالوا وينكم عمو ماادري شبي
يطلع حسن يركض من الغرفة...👇👇
شكو نور شبي ابويه
ابو وردة : ابني روح جيب سيارة وتعال بسرعة خلي ناخذه للمستشفى مو كلتلكم وضعه مو تمام عاندتوني وطلعتوا...
ياخذون ابو حسن للمستشفى...
الدكتور : المتبرع جاهز؟
حسن : ضروري العملية دكتور؟
الدكتور : شنو اللي كلنا نرجع نعيده؟؟ ابوك حالته حيل تعبانة .. والكلية واصل إلها الكانسر(السرطان).. اني بغرفتي من المتبرع يكون جاهز تعال انطيني خبر
حسن يدوخ من التفكير من جهة يفكر بأبو اللي ديموت كدام عينه.. ومن جهة يفكر بحبيبته اللي ميريد يخسرها..
حسن : يااارب ساعدني شسوي.. ماريد ابوية يروح مني..وبنفس الوقت ماريد اتزوج اسماء يااارب ماااحبها وكرهتها من قبل شوية حاجتني بلغة التهديد .. اني طول عمري ما محطوط بهيج موقف طول عمري ما متهدد .. احسها دتستغل الوضع في سبيل ارتبط بيها...
تمر ساعة ونص من حسن وابو راحوا للمستشفى ..(يعني باقي نص ساعة فقط على الوقت اللي حددته اسماء لحسن )
بهالأثناء اسماء تتصل على نور...👇👇
اسماء : هلو نور
نور : اهلاً..
اسماء : نور بسرعة رسليلي رقم حسن ..هو قبل شوية نطانياه من جنه كاعدين بالغرفة أني وياه ..بس نمسح الرقم لان جهازي اتفرمت
نور : بهالسرعة هاي جهازج تفرمت؟؟
اسماء : هذا تحقيق لو شنو؟؟؟...رسليلي الرقم هسة انتظرج
نور : مو اخاف حسن...
اسماء تقاطعها...👇👇
مو اخاف حسن شنو ههههه ميقبل؟؟ شبيج نور ترى حسن خطيبي شنو بعدج ما مستوعبة احنه انخطبنا؟؟😏😏
نور : لا عيني مستوعبة انخطبتوا على اساس يعني مسوين إنجاز ههههه ...يله عيني باي هسة ادزلج الرقم بمسج
نور ترسل رقم حسن لأسماء...
اسماء قبل لتخلص الساعتين تتصل بي حتى تذكره ع
بالإتفاق..
اسماء تتصل بحسن...
اسماء : الووو حسن..
حسن : شرايده؟؟؟ 😑😑
اسماء : الساعتين راح يخلصن...😏
حسن : على فكرة انتي بطرانة... أني بيا حال
اسماء : لتحجي وياية بهذا الأسلوب رجائاً ..واسفة عالازعاج.. بس خليها إبالك بعد هذا الاتصال متسمع صوتي بعد .. وعود روح شوف منين اتدبر فلوس العملية لأبوك وفلوس الدين مالتك...
الممرضين يركضون يتجهون على غرفة ابو حسن...
حسن يتخبل هاي شبي ابوية ... يسد الموبايل وية اسماء وهي بعدها دتحجي (يسده بوجهها)..😁😁
يروح حسن على الدكتور...👇👇
دكتور شكو شنو اللي صار؟؟؟
الدكتور : راح توكف الكلية السرطان دمرها.. المتبرع وين؟؟ جاهز موو؟؟
حسن :بس ...
الدكتور يقاطعه...👇👇
بس شنووو؟؟؟ ابوك ديموت جوة يا أخي شنو هالبرود..
جهزلي المتبرع بسرعة وبدون نقاش..اني داخل لصالة العمليات
