البارت الرابع والعشرون
وردايتي
ثاني يوم العرس..
تصير الساعة بالوحدة الضهر وحسن نايم ميكعد..
اسماء تقلق عليه..
تروح اتدك الباب..👇👇
حسن حسن اكعد خوما بيك شي
حسن يصحى على صوت اسماء..
اوووف كل يوم اصحى على صوت وردايتي اليوم صحيت على صوت الغراب
يطلع حسن يباوع على اسماء وميحجي..
اسماء : ماكو صباح الخير؟
حسن : ترى دنيا الضهر
اسماء : متكول لروحك تارك زوجتك بليلة عرسها وحدها ونايم بغير غرفة
حسن : هذا الموجود
اسماء : يعني شنو قصدك نبقى هيج؟!!
حسن : ميعجبج؟؟ نتطلك؟
اسماء : و يا ترى عندك تنطيني الحاضر والغايب عندك مية وخمسين مليون؟
حسن : لج كافي استفزاز كاااافي خبلتيني مو تزوجتج بعد شتردين؟؟؟ مو اهم شي اني اكون إلج ما اكون لغيرج؟
اسماء : بس هاي مو عيشة حسن اني بغرفة وانت بغرفة لك اني حلالك
حسن : كتلج هذا الموجود .. وتحملي نتيجة أفعالج
يتركها ويرجع يدخل للغرفة..
يبقون على هذا الحال يومين..
اسماء تسمع حسن يخابر فجأة يعلى صوته..
تروح اسماء عليه..
ام اسماء وياه على الخط..👇👇
حسن :عمه يعني شبي بس فهميني
ام اسماء : والله يمه تخربط وووو....
حسن : وشنو عمه ابوية بي شي؟
ام اسماء : نقلنا للمستشفى حالته فد مرة دتسوء
حسن : عمه أني جاي..
يسد الموبايل..
اسماء : وين رايح؟
حسن : حضري روحج احنه راجعين؟
اسماء : وين راجعين كل عقلك؟!
حسن : لج ابويه متخربط وناقلي للمستشفى
اسماء : اي وذا رجعت انت يعني شتسويله..؟
حسن : انتي صاحية بابا..؟
اسماء : شنو تريدنه نقطع شهر العسل ونرجع..؟؟ ما ارجع لو تنكلب الدنيا
حسن : مااااشي ابقى وحدج هنا ..اني راجع
اسماء : هيج بسهولة تتخلى عني وتروح..؟
حسن : لج ابوية مريض وتعرفين شنو مرضه يعني على ساعة يروح مني تريديني اسمع بي متخربط وابقى هنا؟
اسماء : اذا هو ابوك فأني زوجتك وهم إلي حق عليك..
حسن : هههههه اسماء شوية رجعي بالزمن ليورى.. اني ليش تزوجتج؟؟ تزوجتج على مود ابوية ما تزوجتج لسواد عيونج .. وشكد لحيت عليج اتداينيني فلوس وبعدين ارجعهن انتي ما قبلتي الا اتزوجج خليتيني كدام الأمر الواقع.. انتي جبرتيني اخذج ..فلتتخيلين بيوم راح اكدر احبج واكون إلج زوج..
يتركها ويروح يجهز غراضه..
اسماء : زين يجوز هاي حجه سوتها ام وردة حتى نرجع؟ حتى تقطع علينا شهر العسل.. ادري بيهن حاقدات كل شي يسون امهات الغيرة طول عمرها هي وبناتها يغارن مني..
حسن : ههههههه على فكرة امج هي اللي جانت تحجي وياية وكالتلي مو خالتي ام وردة.. يا ترى امج هم تغار منج ههههه
اسماء تتعصب وتطلع تروح لغرفتها حتى تجهز أغراضها..
يرجعون حسن واسماء..
بالطريق..
اسماء : خلي نرجع لبيتنا عود اريد اشوف ماما اشتاقيت إلها.. مو ترجعني لغير مكان
حسن : امج ببيت عمي ابو وردة..
اسماء (تكلب خلقتها وتظل ساكتة)..
يوصلون لبيت ابو وردة
تندك الباب..
ام اسماء : يمه هلا بأحلى عرسان بالدنيا .. تهلهل
وردة ونور بالغرفة..
وردة : اكيد جوي العرسان..🙄🙄
نور : كومي دنسلم حتى لتكول اسماء البومة مضغوطات منها
يطلعن نور ووردة..
حسن يظل صافن على وردة ميحجي ولا كلمة..
ووردة هم صافنة عليه..
اسماء تنتبه عليهم..👇👇
تلزم إيد حسن.. ( حتى تغيض وردة)
وردة بهاللحظة تجي عينها على إيد حسن وتشوفه لابس الساعة مالتها..
اسماء : يله حبيبي خلي ندخل نرتاح جوة.. الليل كله سهرانين وهسة جان ورانه طريق طويل كولش تعبنا
حسن ينصدم منو سهران الليل كله..🤔
حسن : لا يا ارتاح لازم اروح اشوف ابوية..
يدخلون جوة..
حسن يروح على وردة..👇👇
حسن : وردايتي
وردة تباوع عليه ومتجاوبه..
حسن : وردايتي
وردة : صح اني وردة اسم على مسمى بس مو وردايتك.. أني وردة من النوع الثمين وصعب على الرخيص يملكني.. وخاصة اذا هذا الرخيص طلع ميقدر النعمة اللي جانت بإيده
ام اسماء : ها حسن باركت للعروسة..
اسماء : حبيبي كل لحظة يكلي مبروك ما مصدك صرت مرته
ام اسماء : لا بنيتي مو قصدي عليج.. 😅
حسن : لعد على منو قصدج..؟؟؟؟
ام اسماء : على وردة
حسن : وردة..؟؟؟؟(بصوت عالي)..
ام اسماء : اي وردة .. خطبها اخو خطيب نور والكل موافقين.. هم زين جيتوا انتوا اليوم.. لإن بالليل المهر مالتها...
#زهراء_الزهيري
