البارت الثالث عشر
وردايتي
يرجعون وردة وحسن ونور للبيت...
بالليل...👇👇👇
وردة ونور بالغرفة..👇
نور : انتي شنو ما ناوية تغيرين ملابسج مال الطلعة؟
وردة : لا عاجبني اليوم انام بيهن ...تحجي بداخلها( شلون اغيرهن وعطر حسن بيهن)..❤😍
نور : هذا شنو السوار اللي لابسته؟
وردة : هذا هيج عجبني واشتريته..
نور : شنو حجيتوا انتي وحسن سولفيلي..
وردة : ولا شي عادي سوالف عادية
نور : يعني متريدين تكوليلي أي شي 🙄
وردة : شبيج نور ما صار شي.. اصلاً أني ردت بس ارجع للبيت ..تدرين بية ما أطيقه لهذا المخلوق اللي إسمه حسن ..
نور مستغربة ...😳😳
ومنو جبرج ترحين..؟
ومنو سواها الطلعة مو انتي لو أني متوهمة..؟
وردة : أني سويتها على مودج انتي وخطيبج خطية من زمان ما طالعين ..وتحملت هذا اللي إسمه حسن وثقل دمه كله لخاطرج اختي حبيبتي
نور : وردة دتشوفين شنو بالسكف يم البنكة؟
وردة : لااا شنو لتخوفيني؟؟
نور : فيل ديطير من ورى الكذب مالتج ..كاااافي نامي وسكتي كافي تمثلين دور الأخت الحنونة علية .. تره اني فاهمتج بس ساكتة اريدج انتي تسولفيلي ماريد اضغط عليج
نجي على حسن ..👇👇👇
حسن نايم بفراشه..والساعة بإيده ميقبل ينزعها.. ولازم السبحة ويشتم بيها.. يحجي وية السبحة..👈احس عطر وردة بيج 😍
ويتذكر كل لحظة صارت بالطلعة مالتهم..كل كلمة كالها لوردة..كل نظرة صارت بينهم ..ويباوع على ابو 😥..ويكول بداخله الله يحفظك إلي بابا وتشوف زواجي اني و وردة ..اكيد راح تكون اكثر انسان فرحان إلي من كلبه ..يغمض عيونه وينام ..يسمع صوت ابو يون ويتألم من الوجع
يزيد الونين..حسن يقلق على ابوه..بس ينقهر عليه ميكدر يكعده ..😥
يزداد الونين اكثر واكثر..
حسن خايف بداخله..اكعده لابويه لولا
ابو حسن : حسن وليدي اكعد ..رااااح اموت الحكلي
حسن يفز من مكانه..👇👇
اسم الله عليك يابه شبيك شنو يوجعك احجيلي يا بعد روحي..ريت الألم بية ولا بيك
ابو حسن : روح صيحلي عمك بسرعة..
حسن يروح بسرعة يدك الباب على عمه..عمووو اكعد فدوة ابويه ماادري شبي تخربط ومااعرف شنو اسوي وحدي
وردة ونور يسمعن صوت حسن..ويطلعن من الغرفة
الكل يلتمون يم ابو حسن ..👇👇
ابو حسن يزداد عنده الألم ويكوم كوة يتنفس..
ويصيح كلياتي راح توكف راااح اموت
خوية ابو وردة سامحني
وردة : انتوااا شبيكم ليش واكفين وصافنين..؟؟.. امشي حسن جيب سيارة خلي ناخذ عمو على المستشفى
حسن يجيب سيارة ويرحون يودون ابو..(ما عدا البنات يظلن وحدهن بالبيت)
بالمستشفى...👇👇👇
