لبارت العاشر
وردايتي
في السوق ....👇👇
وردة ونور يدخلون هواية محلات و وردة ما مستقرة على رأي شنو تاخذ هدية لحسن.. تريد شي حلو وبنفس الوقت يكون وياه على طول...
اشتروا البنات النفاخ والنشرات والحلويات والعصائر..ووصوا على كيكة مكتوب بيها اسم حسن ووياها عبارة "كل عام وانت بخير"..
بالسوك التقوا باسماء وامها... سلمن عليهن...👇👇
ام اسماء : شعجب طالعات للسوك شعدجن..🤔🙄
نور : عمة مو باجر...
قاطعتها وردة ....ماكو شي عمة ضايجين وطلعنا نغير جو ..ونشتري كم غرض محتاجي.. 😒
اسماء تباوع ع اغراض اللي بأيد نور و وردة.. 👀
اسماء : شنو باجر عدكم عزيمة هلكد مشتريات اغراض..😏
وردة : اعتقد ما سألناج على الكم الهائل من الاغراض اللي مشتريتها انتي.. 🙄
(نور تريد تنهي النقاش)..👇👇
يله عيني من رخصتكم لازم نروح.. الوقت تأخر
يرجعن نور و وردة للبيت...👇👇
حسن ما موجود بالبيت..
وردة : ماما اشترينا هواي غراض بس لازم نضمهن حتى ميشوفهن حسن .. واشتريت هذا العصير نوعية جديدة كلت خلي نجربة .. صدوك هو وينه حسن ؟؟
ام وردة : حسن راح...
وردة : شنووو.. (توكع زجاجة العصير من إيدها وتنكسر).. والعصير يملي المكان...
حسن يدخل فجأة للبيت...👇👇
هاي شكو يا ستار ..يله يله طار الشر..
وردة تظل صافنة على حسن وتباوع على أمها...
وردة : ماما مو كلتي حسن راح ؟
ام وردة :راح يتمشى ورجع
حسن : (بصوت ناصي) ..وانتي انقهرتي لإن رحت ..بحيث زجاجة العصير وكعت من ايدج ؟
وردة : (ايضاً بصوت ناصي) .. ليش انت تسوى باكيت عصير ابو الربع حتى اوكع زجاجة عصير مثل هاي على مودك؟
حسن يتركها ويروح...
يبقى يفكر..هاي شبيها؟؟ ليش هيج متقلبة المزاج..ساعة احسها تحبني وساعة تكرهني وما طايقتني.. اتمنى اتقرب منها اكثر بس بهاي تصرفاتها دتبعدني عنها.. 😒😒
اليوم الثاني...
تحضيرات عيد الميلاد..👇👇
يتفقن نور وردة على تجهيز الحفلة وقت المغرب لان بالليل يسوون المفاجأة لحسن..
حسن يكعد من النوم مزاجه متعكر وميحجي أي كلمة وية الكل..
يتريك ..ويتغدى ومينطق ولا كلمة ..الكل مستغربين حالته ... إلا أبوه
وردة تروح على عمها تسأله..👇👇
عمو شبي حسن اليوم؟؟
ابو حسن : بنيتي هاي اول سنة تمر على حسن بيوم عيد ميلاده وأمه ما موجودة وياه ..كولش يحتاجها بمثل هيج يوم .. واكيد ديفكر هالسنة أمه ما موجودة السنة الجاية اني هم ما موجود ..تعرفين انتي مرضي على ساعة اودعكم..تنزل دموعه ..😥😥
وردة : تحضنه لعمها..كافي عمو الله عليك لتحجي هيج.. وحسن نحطه بعيونه..واحنه اليوم مجهزيله مفاجأة بالليل واوعدك راح يتغير مزاجه..
ابو حسن : بنيتي راح اوصيج وصية واني اليوم باجر رايح من الدنيا
وردة : اسم الله عليك عمو..كول شنو وصيتك
ابو حسن : دير بالج على حسن ..انتي بالذات ...!!!
وردة : زين ليش أني بالذات ..؟؟!!!!!
ابو حسن : بعدين الأيام تثبتلج ليش انتي بالذات...
حسن يبقى كاعد وحده يتذكر امه ..وينج يمه لحد الآن محد عايدني..لحد الآن محد اتمنالي أمنية حلوة.. ولا احد ذكرني بهدية بسيطة ..حتى ابوية ناسي هذا اليوم ..والانسانة الوحيدة اللي رف كلبي عليها وحبيتها تعاملني معاملة ابد مو حلوة.. تمنيت تعرف اليوم عيد ميلادي دشوف شنو رح تكلي هم راح تعايدني وتكون حنينة علية مثلج ؟!..😭😭😭
تجي وردة على حسن...👇👇
شبيك اليوم مغيم... 😒
حسن : ما بيه شي
وردة : براحتك لتحجي اصلاً اني صوجي تنازلت وسألتك..
حسن : وردة تعرفين اليوم شنو ؟
وردة : اي اليوم خميس ؟
حسن : لا مو قصدي شنو من الايام قصدي اليوم اكو ذكرى او مناسبة لشي محد كلج؟؟
وردة : يكلولي على شنو ؟
حسن : لا هيج سلامتج ماكو شي.. الله يرحمج يمه
وردة : شنو اني ذكرتك بأمك الله يرحمها؟
حسن : ذكرتيني بيها؟؟ ليش أني ناسيها حتى أذكرها؟؟
وردة: لعد شبيك من حجيت وياية تذكرتها؟
حسن : محد ياخذ مكانها بكلبي..
وردة : ليش اني بكلبك ؟؟
حسن : يهمج هذا الشي ؟
وردة : اي يهمني
حسن : بشنو يهمج اذا اني ما اسوى عندج باكيت عصير ابو الربع...!!
حسن يتركها ويطلع....
يصير وقت المغرب...👇👇
البنات يبدن يجهزن للحفلة...
النفاخ والنشرات والحلويات وهاي الأمور بغرفة الضيوف بدون لا حسن يدري بيهن..
بالليل كمل تجهيز الحفلة 🍬🍭🍪🎂🍰🍹🍷🍴🍽🥄🔪🎉🎉🎼🎵🎤...
حسن راد يدخل للغرفة...👇👇
نور : لا حسن لتتدخل وردة جوة دتغير ملابسها..
حسن : تغير ملابسها هنا بغرفة الضيوف؟!!
نور : ههه اي
حسن : اوك اسف ما جنت ادري
نور : حسن عادي تروح تشتريلنا اغراض من السوك
حسن : هسة بهذا الوقت؟!!
نور : اي عفية محتاجيهن ضروري ..تنطي ورقة صغيرة ..يروح يجيب الاغراض
نور و وردة يجهزون نفسهم للحفلة... ملابس وميك آب..
وردة تلبس فستان قصير لون وردي..( لان تعرف حسن يحب اللون الوردي)...
حسن يجيب الاغراض ويرجع..
يدخل للبيت ماكو احد .. يصيح عليهم واحد واحد ماكو اي شخص بالبيت ..يستغرب هذولي وين راحوا
فجأة يسمع صوت من غرفة الضيوف يصيح 👇👇
حسن .. حسن
يدخل حسن للغرفة يلكاها الغرفة ظلمة
فجأة.. 👇👇👇
تنفتح الأضوية.. والكل يصيحون كل عام وانت بألف خير...🎉🎉🎼🎵🎤
#زهراء_الزهيري
