البارت الخامس والعشرون
وردايتي
حسن ينصدم من سمع وردة انخطبت..يحجي بداخله(بهالسرعة انخطبتي لج ليييش .. ليش واني لا ليلي ليل ولا نهاري نهار من وراج)
اسماء تفرح لإن وردة انخطبت..
حسن يتعصب ويطلع من البيت يروح للمستشفى حتى يشوف ابو..
المغرب
يرجعون ابو حسن للبيت.. (حالته تحسنت من شاف حسن)
حسن يطب للبيت كاره روحه..
يروح يكعد وحده بالغرفة..
تجي اسماء..👇👇
اسماء : مقهور؟
حسن : ممكن تتركيني وحدي..؟
اسماء : أنساها اليوم راح تصير لغيرك .. مثل ما انت صرت إلي
حسن : كله بسببج
اسماء : ما ضربتك على إيدك .. كان بإمكانك ترفض تاخذ الفلوس مني وتروح اتدبر فلوس من غيري .. بس انت ما صدكت بسرعة وافقت
حسن : ما موافق على مودج أني.. وافقت على مود ابوية لان حالته جانت دتسوء كدام عيني فإضطريت اخذج..
اسماء تروح تكعد يم امها يظلن يسولفن..👇👇
ام اسماء : كومي بنيتي سويلي كلاص جاي شو أحس راسي يوجعني..
وردة تعطش تروح للمطبخ تشرب مي..
نور واكفة يمها بالمطبخ ديسولفن..👇👇
نور تضحكها..👇👇
وردة تكوم تضحك
اسماء دتروح للمطبخ تشوف وردة من بعيد واكفة بالمطبخ وتضحك.. عبالها حسن يمها
اكيد اسماء ما راح تسكت..جتها فكرة..👇👇
قبل لتوصل باب المطبخ سوت روحها راح تخرب..
وردة جتي ركض عليها لزمتها..👇👇
وردة : نور روحي جيبيلها مي بسرعة..
اسماء : اوووف وردة تسلمين هم زين جيتي لزمتيني لان خاف حامل
وردة : حامل؟
اسماء : اي صحيح هو صار بس يومين وهذا الثالث جيناكم بي بس واحد كل شي يتوقع.. واني وحسن البارحة ظلينا نحجي بموضوع الأطفال وفديته حبيبي يكلي اتمنى يجيني طفل منج ويكون يشبهج..
وردة : الله يرزقكم بالذرية الصالحة.. لازم اروح للصالون تأخرت..
وردة ونور يروحن للصالون..
حسن يطلع من الغرفة تصير ام وردة كدامه يسالها..👇👇
خالة وين البنات..؟
ام وردة : راحن للصالون..
وردة ونور يرجعن من الصالون..
وردة طالعة ملاك.. لابسه فستان ابيض قصير وشعرها مفتوح بتسريحة شعر بسيطة .. وميك آب يجنن طالعة كمر وكل من شافها صلى على النبي (اللهم صل على محمد وآل محمد)..
الحفلة..👇👇
يجي الشيخ حتى يعقد قران وردة على أحمد..
حسن كاعد عينه على وردة وينظرلها بنظرة عتاب..
وردة تباوع عليه ورافعة خشمها.. تبين مرتاحة لإن ردت اعتبارها بهاي الخطبة.. بس من الداخل كولش مقهورة..
وعاشت نفس شعور حسن.. حبيبها كدامها وراح تصير لغيره.. (شعور جداً صعب)
احمد : وردة شبيج احسج بغير عالم مو ويانة ابد..
وردة : ما بيه شي مجرد إرباك
أحمد : بس تدرين هسة اني محسود؟
وردة : ليش محسود؟
أحمد : لإن ملكة جمال كاعدة يمي..
