البارت الثاني عشر
وردايتي
تنتهي حفلة عيد الميلاد...
يروح حسن ينام...يخلي راسه على المخدة .. يبقى يفكر بوردة .. وشلون جانت طالعة مثل الكمر بالحفلة..
ويكول ما جنت اتوقع راح تجيبلي هدية لان احسها متطيقني..
يتذكر هديتها... ويكوم بسرعة يجيبها.. يلبس الساعة بإيده ويكول هاي الساعة مستحيل أنزعها أو اغيرها.. ويطلع السبحة اللي جابتها وردة يبوسها ويخليها جوة المخدة مالته وينام...
ثاني يوم من الصبح تجي وردة حتى تشيل الفراش ..
تتفاجئ ..😳😳
تلكي السبحة اللي جابتها إله جوة راسه .. تكول بداخلها معقولة يترك هدية اسماء الغالية ويخلي هديتي جوه راسه ..!
وردة تحط السبحة على الميز بالغرفة..
يجي حسن بسرعة ملهوف يدور على السبحة ..
يلكي الفراش ماكو .. عزززة وين راحت السبحة .. لا ياالله وينها ..
تجي عينه على الميز..
يلكي السبحة كدامه..ياخذها ويكول معقولة وردة شافتها جوة المخدة من شالت الفراش مالتي ..؟ هسة شنو كالت... شكدددد عيب... 🙊
يمر كم يوم على وجود ابو حسن وحسن ببيت ابو وردة..
والمشاحنات بين وردة وحسن مستمرة ..يكتمون اللي بداخلهم ويضهرون شي ثاني تماماً..
بالليل حسن نايم يوصله مسج من نور..
حسن باجر اني وخطيبي نطلع تجي ويانه انت ووردة حتى شوية نغير جو..
حسن يفرح بداخله 😍 .. طبعاً موافق اذا الطلعة ببها وردايتي ❤ خلي ارسل إلها مسج اكلها اكيد اجي وياكم..
حسن ..يااااا ربي شلون ..
خلص الرصيد شكد عيب ما راح اكدر اجاوب البنية..
يله على باجر الصبح احجي وياها...
يجي الصبح ..👇👇
حسن : صباح الخير نورة ..ترى البارحة بالليل رصيدي جان خلصان ما كدرت اجاوبج على المسج (الرسالة)
نور : تجاوبني على شنو ؟
حسن : على المسج شبيج دكلج أي عادي اجي وياكم حتى بالمرة اتعرف على خطيبج..
نور : خطيبي؟ ..هاي شبيك حسن
وردة تتدخل بسرعة..👇👇
اي خوش حسن لعد حظر نفسك العصر نطلع..😅
نور مصدومة ..😳😳😳 هاي شديصير؟؟
وردة تجر نور من ايدها.. يله نور تعالي خلي نحضر الريوك لان جوعانة 😅
نور : هاي شبيج شنو اللي صار قبل شوية ؟؟ على اي مسج حسن ديحجي؟؟ ووين نطلع؟
وردة : نطلع اني وياج وحسن وخطيبج 😉
نور : وين نروح؟
وردة : لأي مكان المهم نطلع.. تغيير جو شبيج
نور : ومنو يكول اهلج يقبلون؟
وردة : ما دام حسن ويانه يقبلون.. يعني مو بس انتي وخطيبج طالعين حتى يكون عدهم إعتراض..روحي اتصلي بخطيبج وانطي خبر .. وادعولي لان راح اخليكم تلتقون 😅
