وردايتي

البارت السابع والعشرون

البارت السابع والعشرون

                                وردايتي

حسن بالسجن..

اسماء ترجع للبيت تبجي من الموقف اللي صار وياها..الكل طردوها.. وفوك القهر وردة ضربتها راجدي(هي هاي اللي موتتها وحركت اعصابها)..

اسماء يرن موبايلها رقم امها..👇👇
اسماء : الوووو ماما ليش هيج سويتي (تحجي وتبجي)..
نور : اسماء اني نور مو امج.. عمتي كالتلي اتصل بيج واكلج هي ما راح ترجع للبيت بعد.. تكول خلي تبقى وحدها..اذا ما راحت سحبت الدعوة على حسن لا اني امها ولا اعرفها.. ولبيتنا متجين لان محد يريدج..

اسماء : زين نور تعالي انتي باتي يمي..
نور : لج انتي كل عقلج صلفة هو اني طايقتج حتى اجي يمج بعد كل اللي سويتي إلج عين تطلبين هالطلب..

اسماء : نور سمعيني..
نور تغلق الموبايل بوجهها..

وردة تتصل على خطيبها أحمد ..
وردة : هلو أحمد شلونك..
أحمد : لا والله هم زين تذكرتي تسألين..
وردة : أحمد هسة مو وقت هالحجي.. اني اتصلت حتى احجي وياك بموضوع..
أحمد : كولي حياتي
وردة : تعرف محامي مضبوط؟
أحمد : ليش شنو راح تخلعيني ههههه (يقصد ترفع عليه قضية خلع حتى تفسخ الخطبة)
وردة : كولش ظريف انت تدري
أحمد : لعد شتسوين بالمحامي؟
وردة : ابن عمي حسن زوجته رفعت عليه قضية تريد حقوقها لان طلكها
أحمد : اي ومينطيها حقوقها شبي ترى البنية من حقها..
وردة : صحيح كلامك بس هو حاليا ماعنده..وتعرف ابو صارله يومين من ميت..تخيل جوي الشرطة أخذوا من نص الفاتحة مال ابو كدام العالم..

أحمد : ياعيني وانتي شدعوة هلكد مقهورة ومتأثرة
وردة : انت شبيك شكد مستفز دكولك ابن عمي وابو مات وما إله أحد بالدنيا غيرنا
أحمد : اعصابج شبيج ترى ما كلت شي.. وبالنسبة للمحامي تدللين عود اسألج جماعتي واخابرج
وردة : اوك اشكرك..

ام اسماء تبقى مصره على موقفها ومتقبل ترجع للبيت..
ام وردة : خيتي ام اسماء استهدي بالرحمن وكومي رجعي للبيت يم بنيتج الدنيا ليل صارت ميصير تبقى بنية شابة وحدها بالبيت..

ام اسماء : خليها تتأدب.. لو تموت ما ارجع اذا متسوي الأريده وتسحب الدعوة من هالمسكين..مستحيل أتخلى عنه انتي تدرين ابو قبل ليموت باسبوع بس يوصيني على حسن ويكلي انتي عمته يعني امه الثانية ديربالج عليه هاي وصية خيتي ام وردة ولازم ارضي ضميري..

اسماء تبقى وحدها بالبيت..👇👇
هاي اول مره بحياتها باقية بالليل بوقت متأخر..👇👇
خايفة ومرعوبة..👇👇
تقفل كل الأبواب والشبابيك.. وتبقي الأضوية مال كل البيت مشتغلات.. وتشغل التلفزيون بصوت عالي..
تحط راسها على المخدة..تغمض عينها.. تسمع صوت باب دتنفتح على كيفها..(يتهيألها..من الخوف)..
تسمع صوت بزازين ديتعاركن يم الشباك..(يزداد الرعب والخيال يطور عدها تتخيل البزونة راح تتحول غوريلا وتدخل عليها).. 😅
تجيب موبايلها بعد متتحمل تريد تتصل بأمها..الخوف راح يموتها..
تتصل..👇👇
ام اسماء تشوف رقم اسماء..👇👇
تنطيها رفض..وتغلق الجهاز...