البارت التاسع
وردايتي
وردة لحد الآن كاعدة وحدها بغرفتها...
تدخل عليها نور ...👇👇
نور : حزري باجر شنو ؟؟؟
وردة : يمكن خميس ..
نور : ههههه مو قصدي شنو من الأيام .. قصدي باجر اكو مناسبة
وردة : شنو مناسبة ما اتذكر هيج تاريخ ..🤔
نور : باجر عيد ميلاد حسن 😉
وردة : صدووووووك .. لازم نسويلة مفاجأة..اكلج شنو اجيبله هدية..؟؟ .... زين شنو البس؟ شوفي عاجبني باجر اخلي شعري مفتوح شتكولين أحلى موو؟ صدوك لازم نحضرله كيكة حلوة ونكتب اسمه عليها ..😍😍
نور ساكتة ومصدومة من رد فعل وردة .. ومتعرف على اي سؤال تجاوب 😳😳😳
وردة : شنو رأيج الميك آب اخلي فاتح لو غامق؟؟
امممم لو اخلي لون وردي 😍 لان حسن يحب اللون الوردي 😍🙈
نور تشعر بالصدمة اكثر ... 😳😳
يحب الوردي؟ زين شمدريج؟؟؟
وردة : شنو يا لون وردي ؟ اني كلت لون وردي ؟؟ هسة ما علينا انتي شنو مفكرة تجيبيله هدية ..اني يجوز اجيبله ساعة لا لا يجوز اجيبله محبس فضة لو اجيبله عطر ؟؟ بس لااااا يكلون العطر فراك ...
نور : وانتي متردين تفاركي؟
وردة : على فكرة تره وجوده بحياتي مو مهم.. 😏
نور : ههههه جداً واضح ..كافي سوالف واسئلة كومي خلي نحضر اشياء وترتيبات لحفلة باجر
ام اسماء تودعهم وترجع للبيت..
(ام اسماء ببيتها)..👇👇
وينج اسماء تعالي..
اسماء اهلا ماما شلون صار خالو
ام اسماء : هسة ما علينا بخالو علينا بابن خالو..
اسماء : حسن 😍
ام اسماء : اي حسن .. اليوم جاي لبيت خالج على مود ابو ديشوفه..
اسماء : زين ماما لعد كومي خلي نروح هسة (أسماء تكوم توكف تريد تروح لبيت خالها بنفس اللحظة)
ام اسماء : لج كعدي وين رايحة شوية ثكلي..
اسماء : شنو قصدج ماما .. 🙄🙄
ام اسماء : ترى انتي بنتي واعرفج وفاهمتج..انتي عينج على الولد ..😑
اسماء : شنو هالحجي ماما ليش تخجليني ..😁
ام اسماء : يااا يمه وهاي انتي من شوكت صايرة تخجلين 🤔😏
اسماء : ماما حسن هم سألج علية .. 🙈
ام اسماء : اي طبعا سألني(هو اصلاً ما سأل بس امها كذبت عليها ما رادت تكسر بخاطرها)..
اسماء : زين شنو كال احجيلي .. 😍
ام اسماء : هسة ما علينا اسماء يمه انتي الولد عاجبج وهالشي مبين عليج..
اسماء : بصراحة ماما اي عاجبني ومو عيب هو ابن خالي
ام اسماء : بس الولد اصغر منج ..!!!
اسماء : وذا يعني اني ما مبين علية اصلا مبين هو أكبر مني.. واني حلوة وناعمة وميبين علية الكبر ..😏😏
ام اسماء : طبعا يمه منو بحلاتج وبندارتج وهو وين يلكي مثل بنيتي ..هسة كوليلي شنو قررتي تجيبيله هدية
اسماء : هذا الموضوع يرادله تخطيط وتفكير ..😉
ام اسماء : اووف منج من تحطين شي براسج ..😅
اسماء : هههه تربيتج ماماتي ..😊
نرجع لبيت ابو وردة ...👇👇
وردة ونور يبدن يحضرن لحفلة باجر ويجهزن المفاجأة لحسن (بدون ليدري طبعاً)
وقت العصر ...👇👇
يتجهزن نور ووردة حتى يروحن للسوك..يشترن هدايا لحسن.. ويشترن لوازم التحضيرات لعيد الميلاد ..
حسن : هاي وين رايحات
وردة : رايحات للسوك ..شكد اكو ناس فضوليين بالدنيا اوووف...
نور : تأدبي شوية
حسن : نور يحتاج اوصلكم
وردة : ليش ناوي تصير الحارس الشخصي مالتنا 😏
حسن : الأطفال ميصير يطلعون وحدهم للسوك وانتي طفلة خاف تتيهين بالسوك
نور : ههههه لا راح الزمها من ايدها وامشي
وردة : على فكرة كمية التفاهة مالتكم فوول
حسن : يله نور خلي اوصلكم
نور : اوكي عادي تعال ويانه
وردة : لاااا طبعاً ميجي ...(بصوت عالي)
(حسن يستغرب من كلامها ورد فعلها..هاي شبيها وياية..ليش مرة تصير رقيقة ومرة تتحول لإنسانة مستفزة وما عدها ذوق بالكلام)...🤔
وردة تاخذ نور من ايدها على جهة...👇👇
وردة : شبيج نور انتي غبية ؟
نور : ليش شكو ؟؟
وردة : انتي شلون تردي يروح ويانه واحنه طالعات على موده نشتريله هدايا وأغراض عيد ميلاده
نور : يااااا نسيت والله راح عن بالي ..
تعالي عندي فكرة
حسن واكف يتفرج عليهن وميحجي ولا كلمة ..بس يفكر بداخله هاي شنو ديحجن..وليش وردة رفضت اروح وياهن شنو السبب ؟؟!
نور : يله حسن احنه رايحين مع السلامة..
حسن : انتظري نور شبيج مو كلتلكم أني اوصلكم
نور : لا حسن مو نسيت محمد خطيبي راح يجي ويانه للسوك محتاجة كم شغلة اريد اشتريها واخذت وردة وياية لإن ذوقها حلو
حسن : ليش وردة هم عدها ذوق..؟ 🤔🙄😅
وردة : ذوقي يجنن..لحد ما عرفت انت ابن عمي.. 😅
للكاتبة..
#زهراء_الزهيري
