وردايتي

البارت الثامن

البارت الثامن

وردايتي

وردة تخجل من الموقف اللي صار ... لان وكعت الجاي على حسن ..

حسن يضحك ويكلها عادي عادي لتهتمين ما صار شي...

وردة تترك المكان وتطلع ...(خجلانة) 🙈🙊🙊

ابو حسن : حسن ابني تعال اريد احجي وياك بموضوع
حسن : تفضل بابا...

ابو حسن : وليدي انت ابني الوحيد وأني اريد اطمن عليك واشوفك فرحان قبل لا اموت..😥😥

حسن : اسم الله عليك عيني يابه ليش هيج تكول.. ان شاء الله ربي يطول بعمرك ويخليك سند إلي بهاي الدنيا ..
ابو حسن : الموت علينا حق ابني..

حسن : اعرف بابا بس ليش هيج دتحجي والله كطعت كلبي ..ليش تريد تقهرني..😥

ابو حسن : بس اني الموضوع اللي صحتك دحجي وياك على موده راح يفرحك ما راح يقهرك ..🤔
حسن : اي ياالله هذا الكلام الحلو.. كول يابه سمعني..

ابو حسن : كلبك دينبض؟
حسن : طول عمري كلبي ينبض بابا شبيك ههههه

ابو حسن : لاااا لتسوي روحك ما مفتهم قصدي
حسن : بصراحة بابا ما فهمت قصدك ..🤔🤔🤔

ابو حسن : انت ابني وقطعة مني.. واعرفك من ترتاح ومن تكون فرحان.. ودشوف لمعة بعيونك هاي اول مره اشوفها ..😉

حسن يبتسم ويظل ساكت..

ابو حسن : حبيتها بابا ؟؟
حسن : (يرتبك) ... شنو بابا ..منووو..المن حبيت شدتحجي؟

ابو حسن : وردة
حسن : يسكت ..وابتسامته تملي وجهه ..👇👇
بابا شبيك لا يا حب.. انت تعرف ابنك مال هاي السوالف

ابو حسن : طول عمرك مو مال هالسوالف.. بس هالمرة وكعت بالحب..ابني واعرفه..منو اللي كلك اني تخربطت وجيت بسرعة .... وردة مو؟؟

حسن يرتبك اكثر وميعرف شنو يرد على ابو.. ويبتسم ويدنك راسه ويكول.. اي بابا وردة ...🙈🙊
ابو حسن : الحب مو حرام وليدي..وخاصة إذا الحب جان نقي والنية صافية...

حسن : طول عمري مااكدر اضم عليك شي.. وذا اضم عليك اي سالفة تعرفني من عيوني .. وهالمرة هم فضحتني عيوني 😅

وردة تجي وشايلة بيدها كوب جاي ثاني..👇👇
تفضل حسن واسفة على اللي صار قبل شوية ..🙈

حسن ياخذ كوب الجاي..ويباوعلها ويكول : فاضحني حبك بعيوني..😉😉
ابو حسن : هههههه
وردة تنصدم من اللي دتسمعه
وايدها تكوم ترجف وهي شايلة كوب الجاي..
حسن ياخذ الكوب بسرعة دير بالج ماريد احترك مرة ثانية ههههههه

تخجل وردة مرة ثانية وتترك المكان...

تروح وردة للغرفة.. خجلانة ..ومصدومة من اللي سمعته من حسن...وليش عمها ابو حسن يضحك
.شنو اللي ديصير)؟؟! 🤔🤔

تجي ام اسماء دتشوف أخوها لان عرفت بي مريض..

الكل مجموعين يسولفون.. (ما عدا وردة)
ابو حسن : هم زين اني تخربطت اليوم حتى حسن يجي
ام وردة : بس هو ميدري انت تخربطت..

حسن : اي خالة ما ادري مو كلتلكم كلبي وجعني حسيت ابوية بي شي...بس ليش هيج تكول بابا ليش فرحت من جيت اليوم ؟

ابو حسن : لان باجر عيد ميلادك ..من عمرك سنة لحد هذا عمرك ما مر يوم عيد ميلادك وانت بعيد علية (دمعت عيونه) ..ويجوز هاي اخر سنة اني وياك بعيد ميلادك ..

العائلة كلها ظلوا يترجون ابو حسن يسكت ويبطل من هذا الكلام ..

حسن تدمع عيونه ويترك المكان...

ام وردة : خوية ابو حسن الله يطول بعمرك وتشوف احفاد احفاده..ليش هيج تحجي مو الولد خطية ينقهر ..وتعرف ما إله غيرك بالدنيا

ابو حسن : انتوا اهله من بعدي..اني من رجعت هسة لولايتي بعد كل اللي سويته.. تدرون ليش؟؟ .. بسبب حسن.. لان ماريده يبقى وحده .. بعت البيت بسبب مرضي والعلاج ومصاريفه
..وجانت عندي قطعة أرض ومحلات سجلتهن بأسم المرحومة ام حسن.. ومن توفت طلع خال حسن مسوي توكيل بيع وشراء بينها وبينه..
وماخذ القطعة والمحلات.. شفتوا ربكم شلون جازاني مثل ما سويت وياكم صار وياية..
فعلاً كما تدين تدان ..
لا بقى عندي أملاك ولا فلوس ..
والله بلاني بهذا المرض الخبيث اللي ما إله أي علاج..
هذا الظالم من يفتري وياخذ حقوق غيره هاي تاليته ..
وابني حسن هم انظلم وياية لا بيت ولا أملاك.. وحتى راتبه ديصرفه علية وعلى علاجي..
صار خمس سنوات من ترك الكلية وراح ألتحق بهذا دوامه حتى يوفرلي فلوس علاجي ...
سامحوني على كل شي سويته ما باقيلي غير أيام بهالدنيا..
واوصيكم اوصيكم بحسن لتكرهوا على كرهي.. ترى هالولد فقير وانتوا اهله وعزوته.. وما إله غير الله وغيركم بهالدنيا

نور : عمو عمر الدم ميصير مي..
وهذا ابن عمنا وسندنا بالدنيا ..بابا الله ما رزقه بولد ..وهسة عوضه بحسن هو يكون ابنه..

ابو وردة : فعلاً بنيتي كلامج صحيح وحسن بعيوننا كلنا..

ام اسماء : أني هم الله ما رزقني بولد وحسن هسة ابني ..اطمن ابو حسن ابنك بدال البيت عنده بيتين وعائلتين ..
واحنه مسامحيك والله يسامحك..

نور : كافي ترى كلبتوها دراما ..كولولي شنو نحضر باجر على مود عيد ميلاد حسن ..ولازم نسويله مفاجأة حلوة...

للكاتبة..
#زهراء-الزهيري