وردايتي

البارت الثالث والعشرون

البارت الثالث والعشرون

                            وردايتي

عرس حسن..

يكعد حسن الصبح ما طايق روحه.. ما نايم من الليل غير ساعة وحدة.. عيونه وارمات من البجي..

وردة اصلاً ما نامت.. للصبح عيونها مفتوحة وتون وتبجي..

نور لا تكدر تكلها كافي ولا تريد تواسيها لإن حقها بكل شي تسوي..

تندك الباب تجي اسماء..👇👇
تدخل وتسلم..
اسماء : جيت اشوفك حبيبي صحيح كم ساعة وراح نكون سوى بس ما تحملت اشتاقيتلك..
ام وردة : الله يديمكم لبعض حبيبتي..
اسماء : تسلمين عمري يوم لبناتج يرزقهن مثل حسن وبالأخص وردة.. صدوك على طاري وردة وينها؟؟ جيت اخذها وياية للصالون

نور : لا مستحيل وردة متروح لإن مريضة ولازم ترتاح
اسماء : ترى ما راح تسوي شي بس تكعد يمي .. وتشاركني فرحتي.. شنو رأيك حسن؟
حسن : لا متروح وياج.. مثل ما كالتلج نور هي مريضة وتحتاج ترتاح

اسماء : يله براحتكم.. هم زين عندي صديقات ويوكفولي بهيج يوم .. لإن الأقارب هالأيام محد يوكف لأحد..
حسن : (بصوت ناصي) ههههه شوف منو ديحجي على الوكفات وية الاقارب..
اسماء : شنو قصدك..؟
حسن : قصدي على وكفتج وية خالج بالشدة مالته..😏

نور تسمع الكلام اللي ديصير بين حسن واسماء..وتكول بداخلها(شنو يعني وكفاتها وية خالها..؟ وليش حسن يحجي وياها بطريقة إستهزاء.. شنو اللي ديصير..؟)

تطلع اسماء من الغرفة تتعمد تروح توكف يم غرفة وردة وتصيح خالة ام وردة أني رايحة للصالون ما استاهل منج هلهولة..😜

ام وردة : شعدنا احنه غير عروستنا الحلوة .. تهلهل

وردة بالغرفة وحدها..دموعها تنزل..👇👇
كسرت كلب بنتج يا يمه هالهلهولة..

ابو حسن عرف باللي صار بقاط حسن مال العرس ..وصه على قاط ثاني بس هالمرة اخذ احتياطاته(غسل وكوي)..

الزفة بالأربعة العصر..

وردة صعدت فوك وحدها ما ظلت جوة بغرفتها بس ابد ما طلعت من الغرفة..

نور صعدت فوك على وردة..👇👇
تحاول تفتح الباب بس الباب مقفولة.. لج وردة وينج ليش قافلة الباب خوما بيج شي خوما سويتي بروحج شي
وردة : نور روحي ولتخافين عليه
نور : بس فتحي الباب خلي اشوفج
وردة : كتلج روحي اتركيني وحدي.. وذا احد سألج كوليلهم مريضة ونايمة فوك

نور تنزل جوة وتفكر اكيد وردة حابسة روحها بالغرفة وموتت روحها من البجي.. وحتى محد يكلها روحي للعرس..

وردة وحدها بالغرفة..👇👇
لابسه حجاب وكاعدة على المصلاية تصلي وتبجي.. ولازمة القرآن بيدها.. تطلب من رب العالمين ينطيها القوة والصبر ..وتكول هذا امتحان من ربي لازم اتجاوزه.. بس يااارب ياااارب اريدك توكف وياية بهاليوم اريد قوة منك..تظل ساجدة ودموعها تنزل وتدعي ربها..