البارت الثامن والعشرون (انتبهوا نزلت بارتين مو واحد)
وردايتي
حسن يرجعه الشرطي للسجن وهو ما طايق روحه..يكول بداخله( يكلي وردايتي يااااربي لك هاي وردايتي إلي.. وانكسرت إيدك اللي لزمت إيدها)..
كولش إنزعج حسن من موقف أحمد خطيب وردة..
المحامي بعد أربع ساعات يتصل بيهم يكوللهم على مبلغ الكفالة.. طبعا ماعدهم يدفعون المبلغ.. يظلون مقهورين لكن ما في اليد حيلة..
يمر اسبوع وحسن بالسجن..
ابو وردة يكول راح أروح اليوم ازور حسن..
وردة تفرح بداخلها وتكول اكيد اني هم اروح وية بابا..
وردة تروح على نور..
وردة : اليوم بابا راح يروح على حسن وراح اروح وياه..
نور : نطيتي خبر لخطيبج..؟
وردة : ضروري..؟
نور : طبعاً ضروري لإن هسة انتي بحكم زوجته.. يعني ميصير تطلعين من البيت بدون إذنه..
وردة : تمام
وردة تتصل على أحمد خطيبها..
وردة : الوو أحمد
أحمد : هلا بوردايتي
وردة : شنوو
أحمد : وردايتي..🤔
وردة : اترجاك أحمد بعد لتكلي هاي الكلمة.. ممنوع ثاني مرة اسمعك تكول وردايتي
أحمد : ليش..؟؟🤔
وردة : بدون ليش..
أحمد : على راحتج حبيبتي بعد ما أعيدها.. بس شعجب خابرتيني مو عوايدج..؟؟ 🤔🤔🤔
وردة : مو اريد اطلع ونور كالت لازم تكلين لخطيبج..
أحمد : ويعني إلا نور تكلج..؟ يعني لوما كايلتلج نور متتصلين وتاخذين إذني؟
وردة : مااعرف يعني بعدني ما متعودة على هيج شي..
أحمد : لا يا حلوة منا وجاي تعودي..بس ما كلتيلي وين تردين ترحين..؟
وردة : أروح اشوف حسن
أحمد : شنووو
وردة : هاي شبيك لتصيح
أحمد : شلون ما اصيح بابا شيوديج للمركز
وردة : على فكرة ما راح اروح وحدي..قبل شوية بابا كال راح اروح اليوم أزور حسن واني كلت أروح وياه
أحمد : ماكو روحه ومتطلعين باب البيت
وردة : زين ليش..؟ شبيك
أحمد : انتي ما شفتي هذاك اليوم المركز كله زلم وشباب بكل مكان.. اصلاً أني تندمت اخذتجن انتي ونور وياية.. هيج أماكن مو مال بنات افتهمي
وردة : بس...
أحمد يقاطعها..👇👇
أحمد : لا بس ولا تحجيلي قصة كتلج ممنوع ترحين..ويله باي عندي شغل
وردة تروح على نور..👇👇
وردة : ما قبل الحقير..😒
نور : منو حقير؟
وردة : أحمد غير
نور : اكو وحدة تغلط على رجلها؟ ترى حرام عليج والله
وردة : لج ما قبل افهمي ما قبل
نور : اي عادي ليقبل خطيبج ومن حقه
وردة : اكلج عندي فكرة..🤔
نور : شنو هي..؟
وردة : أني راح اروح وية بابا هو أحمد شمدري..؟ وذا سألج كوليله ما راحت
نور : لا وردة لا ابد لتتعلمين على هيج شي ميصير تطلعين من البيت وانتي زوجج مانعج والله ترى حرام واني ادري بأختي حبيبتي متحب تسوي شي حرام..
وردة : اريد اشوفه نور فهميني..
نور : ماكو داعي تشوفي.. وتذكري انتي ارتبطتي..انخطبتي..يعني حالياً انتي على ذمة رجال(شرعاً وقانوناً).. انسي حسن.. ودائماً تذكري اللي سواه بيج..وتذكري حالتج اللي جانت تصعب على الكافر بيوم اللي خطب..
