البارت الثالث
وردايتي
العائلة كلها بصدمة من سمعوا بخبر مرض ابو حسن..
وردة ونور : الله يشافيك عمو.. كافي تبجي والله كطعت كلبنا
ام اسماء ..إن ربك لبالمرصاد..
ام وردة : ام اسماء الشماته بالعدو متصير مو النوب بالأخ
ام اسماء : هذا الظالم من يفتري لعد شنو يتوقع متدور الدنيا بي ؟؟
ابو وردة :(حزين بداخله جداً)..يترك الجميع ويروح يكعد وحدة بالغرفة
حسن يستأذن من الجميع يطلع من البيت لان ميتحمل يشوف دموع أبو..
ام وردة : خوية ابو حسن كوم ارتاح بالغرفة..
وردة تدخل على ابوها للغرفة فجأة.. تلكي ابوها يبجي .. تطلع بدون ليحس بيها
(وردة عزيزة أبوها.. يحبها أكثر من كل شي بالدنيا..وهي نقطة ضعفه.. ودلوعته.. ودائماً تعرف شلون تغير مزاجه وترضي)
وردة : نور شنو رأيج اعزف بالكيتار ..؟؟
نور : ياريت.. لان بابا كولش تعبان ومقهور.. واكيد راح يرتاح من يسمع العزف مالتج
وردة تبدي تعزف.....🎻🎻🎻🎻
ابو وردة : يمسح دموعه ويكول "يارب فرح بنتي مثل مادتحاول تفرحني"
تستمر وردة بالعزف..🎻🎻🎻
يدخل حسن للبيت..
ام اسماء : ام وردة كولي لبنتج خلي تسكت كافي تره دخنه واحنه ما ناقصين..
حسن بسرعة يتدخل.. بالعكس عمة خليها تعزف العزف يريح الأعصاب..وما شاء الله عليها عزفها كولش حلو ومضبوط وناطيته حقه.. وأبوية كولش يحبه للعزف ويرتاح من يسمعه
ام وردة : عمك هم يحبه للعزف وهو اللي علمها لوردة تعزف
ام اسماء : طلعوا اخواني اذانهم موسيقية وما ادري 😏
نور تروح على وردة(تستفزها)..👇
إجه حسن ويكول على العزف مالتج أبد مو حلو..ولو تبطل يكون افضل.. لان ظلمته للكيتار بعزفها
وردة : وهو هذا شنو فهمه بالموسيقى وبالعزف..هذا تلكي يسمع اغاني تافهة مثله ابو نظارات.. ما اسكتله إلا اكوم أرزله..
نور : لج تعالي وين رايحة اتشاقة وياج..بالعكس كولش مدح العزف مالتج يكول كولش حلو..
وردة : (تجاوبها بإبتسامة عريضة)...والله صدوك هيج كال 😍😍
نور : شدعوة عيني هلكد فرحتي وعيونج كامت تلمع 😉
وردة : لا عادي اصلاً رأيه ميهمني 🙄
نور : ههههه واضح .. صدوك نسيت اكلج احمد اخو محمد خطيبي هم سألني عليج وسلم عليج هواية 😉
وردة : انتي متجوزين من هذا الموضوع أبد..افهمي بابا اني ما ارتبط اذا ما أعيش قصة حب أسطورية 😍
نور : ظلي عايشة بأحلامج الوردية
وردة : اهووو هاي أسماء بنت عمتج المسمومة دتتصل شتريد مني هاي الحاقدة 😒😒
نور : انطيني أني أجاوب..هلو أسماء شلونج ليش ما جيتي وية عمتي فاتتج الأحداث اللي صارت والشي الأهم طلع عدنا أبن عم حلو 😂
(وردة تنظر نظرة عصبية لنور)
نور تنهي المكالمة وية اسماء وتسأل وردة شبيج تباوعيلي؟ خايفة أسماء تنعحب بي وتاخذة 😂
وردة : على فكرة انتي تافهة .. اتركيني وحدي أريد أكمل عزف
حسن يسأل على أبو وينه..
ام وردة : روح للغرفة يمه تلكي نايم
حسن يدخل الغرفة الخطأ..👇👇👇
هاي انتي.. 😒
وردة : هذا انت.. 😒 ع فكرة هاي غرفتي
حسن : كئيبة مثلج..
وردة : رأيك أخر همي ..
حسن : اني انطي رأيي بس للناس المهمين اما انتي فاوجهلج مجرد كلام
وردة : ليش معقولة انت تعرف ناس مهمين ؟؟ ههه
حسن : كل اللي بحياتي مهمين ما عدا مخلوقة شفتها اليوم
وردة : وذا مو مهمة ليش متعب روحك ودتحجي وياية ؟!
حسن : والله صحيح كلامج اصلاً حرامات يضيع وقتي بالكلام وياج ..يطلع ويسد الباب
وردة : (بصوت عالي) .. مستفزززز
حسن يرجع يفتح الباب مرة ثانية .. ع فكرة عزفج جان كولش حلو (وردايتي)..
وردة : وردايتك؟
حسن : لا لا لتصدكين غلطة مطبعية 😅 يطلع مرة ثانية ويسد الباب...
#زهراء-الزهيري
