البارت الثاني
وردايتي
وردة صعدي للسطح جيبي الخبز راح ييبس
وردة : ما بيه حيل خلي نور تصعد
نور : والنبي ما اصعد مو كافي اخبز وحدي وانتي مثل الأميرة تخافين ع اصابعج الموسيقية خاف يحتركن ويخرب شكلهن..
ام وردة : ولجن كافي استحن كولن اكو ضيوف
وردة : عمو ابو حسن راح اروح اكمل الدولمة لتحجي شي إلا اجي ما اريد تفوتني سالفة 😂
ابو حسن : ههههه مو تدلل وردة الحلوة
حسن : اسمع بابا مسوين دولمة 😒
ام وردة : هي وردة بشنو فالحة غير بس بالدولمة بس للأمانة دولمتها تجنن
ابو حسن : مو المشكلة حسن ميحب الدولمة
وردة : ع فكرة حسن اكو مطعم قريب علينا 😅
حسن : ههه ظريفة 😒😒😒
ام وردة : فتحت عيونها على وردة (تخنزر عليها) طبي جوة فضحتينا .. وحسوني هسة اني اسويله غدة من ايدي
حسن : تسلمين خالة ما اريد اكلفكم ع كولة بنتج الظريفة اكو مطعم قريب
وردة : اي والله تسوي فضل وعود جيبلي لفة وياك 😂
وردة ونور بالمطبخ..👇👇
نور : لو ادري عندي هيج ابن عم حلو جان ولا انخطبت لمحمد 😂
وردة : منو حلو؟ هذا الكائن اللي كاعد بره؟
نور : اي حلو وأحلى منج هم عيني مارلين مونرو 😏😒
وردة : اي حلو هو و"نظارات جدتي" اللي لابسهن ههههه
بس بداخلها تكول ( اصلا كلمة حلو قليلة بحقه 🙈)
(وردة من نوع متحب تضهر مشاعرها حتى لأقرب الناس إلها )
ابو وردة رجع من الدوام وجايب اخته "ام اسماء" وياه
دخلت ام اسماء لا سلام ولا كلام... (مثل منكول داخلة عراكة)
ام اسماء : تعرف اكثر بشر حقدت عليه بالدنيا هو انت..(توجه كلامها لأبو حسن)..👇
تعرف مرت علينا أيام وليالي أني وبنتي اليتيمة ننام بدون عشه لوما اخوك ابو وردة والناس الخيرة جان لكونا ميتين جوع..
تركت اخوك وهو ما عنده غير الراتب اللي حتى ميكفي للعيشة وزوجته جانت مريضة ومحتاجة عملية..
بعت بيت ابونا بفلس ونص.. وبعت المحلات.. واخذت زوجتك وإبنك وما فكرت باللي وراك..أكلت حقوقنا وهسة جاي؟ ليش جاي ؟ تريد نسامحك؟ والله وسفة علينا بعدنا نكول عدنا أخ..
ام وردة : خيتي أهدي وكعدوا سمعوا اكيد جاي وعنده قصة وره جيته
حسن : عمه لخاطري أهدي وخلي ابوية يتفاهم وياكم تره القهر راح يموته هلكد ما يلوم بروحه وهو مريض
ام اسماء : عمه العماك منين جيت عمتك 😂
وردة : هههههه فديتج عمه
(حسن يباوع لوردة بنظرة غضب 😡😠 لو بيده يموتها)
ابو حسن : خيتي ام اسماء متنلامين بكل كلمة كلتيها بس اني غلطت وغلطتي جانت جبيرة واني إنسان مو ملاك وكلنا نخطئ
ام اسماء : كل هذا كلامك ميبرد كلبي ولا كلب اخوك
ام وردة : استهدوا بالرحمن وكعدوا تغدوا وان شاء الله تتصافى النفوس وانتوا أخوة
ع غده..👇👇
ابو حسن : عاشت ايدج بنيتي وردة ع دولمة كولش طيبة
وردة : بالعافية عمو
ام اسماء : بس متجي لدولمة اسماء بنتي وأكلها..🙄😏
وردة : اي عمة بنتج منال العالم متلحكها 😂
حسن : بس بصراحة الدولمة طيبة.. اني ما احبها وهاي أول مرة اكلها بس عجبتني
وردة : تره عادي حتى لو كايل مو طيبة رأيك ميهمني
(وبداخلها تكول الف عافية 😍)
نور : (بصوت ناصي) خلي عندج ذوق شوية وكوليله تسلم
(حسن سمعها )
حسن : مناخذ ع كلامها بعدها طفلة
وردة : (تكتفي بنظرة عصبية)
خلص الغده..👇👇
الكل كاعدين بمكان واحد (جلسة عتاب)..
.
ابو حسن : اني كل هالسنين عشت ما فكرت باللي سويته..ما فكرت اني ظالم بشر..وماخذ حقوقكم..عشت بترف أني وعائلتي ..ام حسن الله يرحمها جانت تذكرني تكلي انت حالياً الله مفضل عليك ليش مترجع الحقوق لأصحابها.. باجر ورانه حساب.. بس اني عشت بس لنفسي صرت أناني.. أعترف..
ابو وردة : شلون نطاك كلبك تصرف من فلوس الك بيهن شركاء وانت ماخذهن بس إلك..وين جان ضميرك كل هالسنين؟؟
ام اسماء : ما فد يوم ذكرت اختك واخوك..ما اشتاقيت لأيامك وياهم..ما كلت جان يجمعنا سقف واحد .. ما حنيت لطفولتنا اللي عشناها.. شنو انت من كلب عندك؟؟!!!
(ام اسماء توجه كلامها لحسن)..👇
وانت من كبرت وين جنت عن ابوك ما سألت وين عمي وعمتي؟
وردة : جان نايم 😂
حسن : ينظرلها لوردة ويكلها بصوت ناصي👈( حسابج بعدين) ..
يوجه كلامه لعمته 👈 اني سألته وكلي عمك وعمتك سافروا وانقطع التواصل وياكم مااعرف بهذا اللي صاير كله وما عرفت بي غير من جيت اليوم وية ابوية لبيت عمي ابو وردة
ابو وردة : ابو حسن من الأخير ليش جاي شتريد من عدنا بعد؟؟ .. اللي جنت تريده هو ورث ابوك وماقصرت أخذته ورحت..
حسن : عمي ابوية تمرض ويحتاجله علاج هواية وحتى البيت اللي جنه عايشين بي بعناه وسياراتنا بعناهن واني تركت الكلية مالتي وحاليا اداوم بالجيش حتى اكدر أوفر العلاج لأبوية ومثل متعرفون ابوية كاسب وماعنده راتب تقاعد يعينه بكبرته.. ومن قرر يجي عليكم ما رايد فلوس منكم رايد بس تسامحوا القهر راح يموته والمرض دياكل بي
ام وردة : خير خوية ابو حسن شنو مرضك اللي محتاجله كل هالمصاريف طمنه عليك
ابو حسن :( يبجي)..ميكدر يحجي
حسن : طلع عنده السرطان...
#زهراء-الزهيري
