البارت السادس والعشرون
وردايتي
اسماء تطلب من حسن يرجعون للبيت وياخذون ابو حسن وياهم.. حسن يوافق ويرجعون..
حسن : اسماء الطابق الثاني يكون إلي وإلج منبقى جوة
اسماء : بس أني متعودة على غرفتي وغرفتي جوة
حسن : اوك ابقى انتي بغرفتج واني اصعد فوك..تدرين بية بهالموضوع ماعندي مانع..🙂🙄
اسماء : شنو قصدك؟
حسن : قصدي واضح.. تردين الكل يدرون اني وياج ننام كل واحد بغرفة والله عادي اني مستعد اكول هالشي للكل بس على مودج ساكت..
اسماء تتعصب وتروح تجهز الطابق الثاني..
تمر عشر أيام حسن وأبو يم بيت ام اسماء..
ابو حسن دتسوء حالته يوم بعد يوم..
حسن ميترك ابو ابد وصارله اسبوع يبات جوة يم ابو بالغرفة..
اسماء انزعجت من هذا الموضوع لإن امها بدت تسألها زوجج ليش مينام يمج..؟؟
وهي متريد احد يعرف بهذا الشي حتى لو امها..
مر شهر على زواجهم..
حسن مدينطيها مجال تحجي وياه لا ليل ولا نهار..
كلما تجي تريد تحجي وياه يكلها مو وقتج هسة لازم اروح يم ابوية.. لما خلاها تكرهه لأبو..
حسن راح لبيت عمه ابو وردة كل كم يوم يروحلهم.. وردة مرات تتعمد متطلع تسلم..لو اذا طلعت تحاول تغيضه وتتصل بخطيبها كدامه..
اسماء راحت على خالها حتى تحجي وياه بموضوع لان الوضع ابد مديعجبها وجتها فكرة..
حسن رجع لبيت اسماء دخل بدون ليدك الباب كبل راح على ابو ديفتح الباب سمع صوت اسماء بقى واكف..
اسماء : خالو اريد احجي وياك بموضوع..
ابو حسن : كولي بنيتي
اسماء : سمعت اكو دار مسنين كولش راقي وحتى بي قسم خاص لمرضى السرطان..
حسن تخبل من اللي ديسمعه عيونه كامت تجدح نار..
ابو حسن :والمطلوب بنيتي..؟؟
اسماء : كلت ناخذك لدار المسنين تعيش وهم على مودك هناك العناية اكثر...
لحد هنا حسن بعد ميتحمل يصبر اكثر هاي الحقيرة شنو دتكول لابو..
يدخل حسن يضرب الباب برجله ويتوجه على اسماء يضربها راجدي ويكلها لا يا حقيرة لا يا ماعندج رحمة
حسن جانت ضربته كولش قوية بحيث اسماء وكعت على الأرض..
حسن : انتي طالق طالق طالق
ابو حسن : لا وليدي لااااا لااا..
ابو حسن يختنك يكوم كوة يجر النفس.. تبدي انفاسه تختفي لحد ما يفارق الحياة..😥
مات أبو حسن..😥😥😥
حسن يتخبل يكوم يدك على راسه ويبجي ويضرب على وجهه..
لك ليش يابه عفتني ورحت إلمن عفتني واني ماعندي غيرك بالدنيا شلون اتحمل الحياة بعد وانت ماكو امي راحت وعافتني وهسة انت رحت ليش يابه ليش يا نظر عيني ابد ما جنت اب إلي جنت صديقي طول عمرك ما زعلتني وجنت سند إلي كسرت ضهري يابه
