🍃Young Love🍃 (Unicode + Zawgyi) [Completed]

Part-20

Melbourne သို့လာရာ ခရီးတစ်လျှောက်  Ji Jiတစ်ယောက် စိတ်လှုပ်ရှားလွန်း၍ ခြေဖျားလက်ဖျား တွေပင်  အေးစက်ကာ ရင်တွေပါတုန်နေခဲ့သည်။

Sydney နှင့် Melbourne မှာ ကားနှင့်သွားလျှင်တော့ (8)နာရီကြာမြင့်ပေမဲ့ လေယာဉ်ဖြင့် ဆိုလျှင်တော့ 1 နာရီ နှင့် 25 မိနစ်သာ ကြာမြင့်သည်ကြောင့် ဘယ်လောက်မှမဝေးသော ခရီးပင်.......

သူကိုယ်တိုင် ဦးစီးပီး သေချာစီမံခန့်ခွဲပေးခဲ့သည့် Sydney မြို့တွင်  ကျင်းပခဲ့သော Wedding ပွဲမှာ တကယ့်ကိုကြီးကျယ်ခမ်းနားခဲ့သည်လေ ။

အချစ်များနှင့် ပြည့်စုံ လိုက်ဖက်လျှက်ရှိသော မင်္ဂလာမောင်နှံမှာလဲ Park Jimin ကို အထူးတလည်ကို ကျေးဇူးတင်နေခဲ့ကြသည် ။

Ji ၏စိတ်ကူးဉာဏ် နှင့် ကျွမ်းကျင်မှု တို့ပေါင်းစပ်ကာ ဖန်တီးပေးခဲ့သော မင်္ဂလာအခမ်းအနားအပြင်အဆင်မှာ ခမ်းနားလွန်းသည့်အပြင် သတို့သမီး စိတ်ကြိုက် Korea နိုင်ငံမှာသာ ပွင့်ဖူးသော ပန်းများနှင့် အလှဆင်ထားသော အခမ်းအနား , Ji ၏ အကောင်းဆုံး လက်ရာတွေထဲက တစ်ခုဖြစ်တဲ့ မင်္ဂလာပန်းစည်းလက်ကိုင်မှာ လှပပီးကျက်သရေရှိလွန်းသည်ကြောင့် အလွန်တရာ ချီးမွမ်းခံရကာ Park Jimin ကိုနောက်ပွဲများတွင် ဆက်သွယ်နိုင်ရန် တကူးတက လာမိတ်ဆက်သူများကလဲ အများအပြားပင်..........

သက်တန့်ရောင်တွင် အချိန်အကြာဆုံးနှင့် နောက်ဆုံးအဖြစ်ကျန်ရှိနေခဲ့သည့် အရောင်မှာ ခရမ်းရောင် ဖြစ်သောကြောင့် ဒီအချစ်မောင်နှံ ၂ဦး၏ အချစ်ခရီးလမ်းမှာလည်း ဖြူစင်လှပသည့်ဘဝ နှင့်  နောက်ဆုံးထွက်သက်ထိတိုင် ခရမ်းရောင်လိုအချစ်များ ပိုင်ဆိုင်နိုင်စေရန် စိတ်ကူးဖြင့် အဖြူရောင်နှင်းဆီပွင့်လေးများကိုမှ ခရမ်းရောင်ပန်းကလေးများဖြင့်ရောယှက်ကာ သတို့သမီးလက်ကိုင်ပန်းစည်းလေးကို Ji၏စိတ်ကူးဖြင့် ပုံဖော်ပေးခဲ့သည်လေ။