شَتات الرُّوح💜🌬
*هبه بابگر*
*2*
ف العصرية ريم قاعدة مقفولة ف غرفتها من الصباح لانو ناس سوسن مشوا قيلوا مع اخو محمد وهي قالت م فاضية بتجي بعد المغرب كدا علما بأنها ف السنة الأخيرة بتقرا علم نفس جامعة الخرطوم هي الوحيدة القرأت أدبي
مؤتمن قاري معمار وخالد هندسة اتصالات
قاعدة ف المطبخ وبتاكل بمزاج كدا ومظبطه عصير
خالدجاء متسحب براحه هبش من كتفها:هييي
ريم كحت:يخ حسبي الله داير تشرقني جيت من وين انت اسي كنت نايم نومة اهل الكهف وحلفت م تصحى
خالد:يخ صحتني الحجه دي قالت تعالوا وبعديها ضربت وحده فردتي والنوم طاااار🌚
ريم بصوت فضيل:ياااااااااااارااااجل ودي منو السمحه دي
خالد قعد وخالف كراعو:والله زي م تقولي كدا بيست وبرتاح ليها وزي اختي كدا
ريم:زيي اختك قلت لييي
خالد خطف منها السندوتيش:عندي اخت واحده انا بس
ريم بكواريك:يخخخخ جيبو انا م لحقت آكلوووو ي خالد يخخ
خالد:اجهزي عشان طالعين نحنا
.....
عند ناس محمد في بيت اخوهو
وليد : مؤتمن عامل كيف والله طولت منو
محمد:والله ي وليد ي اخوي الولد دا حيرني يتذكرنا بمزاجو ولما يضرب يشكي ليك من الضغوطات
وليد:حال الغربه وبعدين هو شغلو متعب يخ
محمد:الدم عمرو م ببقى موية يخ ال3سنين دي لا جاء زيارة ساي يشوف ابوهو ولا ناس بيتو وانا حالتي معتبرو عمود البيت
قطع نقاشهم
رييم:عمو ي عموو شوق والله
وليد:يبتت ي طافشة انت وين من قبيل
ريم:والله تقول شنو مسئولياتت وكدا
وليد:تحرمك مننا لكن
ريم باستو ف راسو: حقك علينا يخ امسحها ف وش خالد دا
خالد:اننننننن ظريفة
محمد:بطلي غلبه وامشي شوفي دعاء بتعمل ف شنو
ريم قبّلت لقت دعاء ف وشها
دعاء:يا مفتررررريه
ريم:مرأة اخووووي يااا
دعاء:م تذكريني كفاية حبوبتك اسي جابت السيرة
ريم:مؤتمن مزعلك ولاشنو
دعاء:ي ريتت لو زعلني
ريم:قولي م تشحتفي روحي
دعاء:تواصلي معاهو قلّ شديد ي ريم وبقى م بسأل ولابرسل خالص خالص
ريم:دعاء انت عارفة مؤتمن دا حتى ابوي متضايق منو
دعاء:انا موقفة حياتي عشانو ي ريم كم زول اتقدم لي وانا رفضت وانت عارفة لشنو
ريم:استغفر الله بس اصبري بأدبو ليك اناا
حبوبه امنه جات:بتوسوسوا ف شنو يبنااات
دعاء:لالا ي حبوبه خلاص قايميينن
ريم سرحت مسافة ف دعاء وقالت ف سرّها:العمر ماشي ومؤتمن م بحس
---
وليد اخو محمد وعندو دعاء وولدو مصطفى ومرتو اسمها ساااميه
يتبع..
أنت تقرأ
شتات آلروح .. 💓
Romanceروايه سودانيه ..- دائماً أنتِ في المُنتصف .. أنتِ بيني وبين كتابي بيني وبين فراشي وبيني وبين هدوئي وبيني وبين الكلام ! 💛
