شتات آلروح .. 💓

البارت 25

شتّات الرُّوح💜
*هبه بابکر*
*25*

بعد مرور شهرين والحياة رجعت لطبيعتها بعد ما اتلم شمل اسرة محمد
ف يوم قرروا يعملوا لمة عائلية عشان المشاغل كترت واللقاءات قلّت

مؤتمن بتكلم مع سوسن
مؤتمن:الجايي منو الليلة
سوسن:ناس سامية وخطيبة خالد وكلمت دعاء لكن ما اظنها تجي
مؤتمن عاين لأمو مسافة:لي
سوسن:راجلها مشغول وهي زاتها حامل ماشاء الله
مؤتمن وبعاين ل ريم الكانت جايه عليهم:ماشاء الله والله
ريم:مؤتمننن يحلو انت
مؤتمن:تأمرييي يا مصلحجيه انت
ريم:دايرة امشي لصحبتي ومع اللمه دي عيد ميلاد خالد ف دايراك تعززني
سوسن:بتحبوا الفارغة زي عيونكم
ريم:والله لو ما الاء ما كان اتذكرت العيد ميلاد
مؤتمن وكان واقف جمب الباب
مؤتمن:حأغيّر راييي
ريم:لالا جيتتت
طلعوا ومؤتمن طول الطريق سرحان
ريم:حنخش لينا ف عمود بسرحتك دي
مؤتمن ابتسم وما قال شئ

*عند كنان*
كان ياداب راجع من الشغل بعد ما لقى ليهو واسطه من راجل اختو المغترب عشان يكسب زمنو ويوفر قروش ل روحو وامو
ام كنان:والله حنيت عليك
كنان:وانا مبسوط من نفسي شديييد
ام كنان:عملت شنو الليلة
كنان:حترجعي البيت خلاص خطر  ماف
ام كنان:نفسي اعرف هو ف شنو
كنان:كانت ف مشكلة بيني وبين صحبي واسي صحبي سافر نهائي دي الأخبار الوصلتني وغير كدا اني ظبطت البيت ووسعتو واشتغلت فيهو ف الفترة دي
ام كنان:والله ماعارفة اقول ليك شنو غير ربنا يديك بت الحلال
كنان:قاااعده
ام كنان:راجي شنو طيب
كنان:بعد ما اموري تمشي ف الشغل وتتحسن
ام كنان:خير البر عاجله انت اسي امورك واضحه
كنان:افكر ف الموضوع وما استعجل

*عند ناس محمد*
المغرب جاء والبيت كان  اتملا والجوطه
ميامن بتتكلم مع ريم
ميامن:اللمه دي ناقصه زول
ريم:ساره صح والله فاقداها
ميامن عاينت لريم بطرف عينها:اتغابي لسه
ريم:الناس بقت صعبة وكعبه
ميامن:وفي ناس متضايقة
امنه بتعاين ليهم من بعيد
امنه علّت صوتها:واقفين زي ازيااار السبيل كدا اتحركوا اعملوا حاجة
ريم:ارح حبوبه دي لما تقوم كعبه
ميامن:ماشة اتونس معاها انت امشي شوفي شغلتك

*عند مؤتمن*
كان قاعد ف الشارع مع حسام وبتونسوا
جاء خالد ومعاهو الاء
حسام صففر:البشوفك كاتل حيلك وعامل مسكين مايشوف عيونك اسي
الاء ابتسمت بخجل ودخلت طوالي
خالد:بقيت بتاع تشغيلات
حسام:لقيتني كيف بالله
خالد:خطر يا معلم
وهم بتونسوا جاء محمد طالع اي زول عدّل وقفتو وبقوا بتكلموا بإحترام
مؤتمن:جيت ف وقتك عشان توقف المهزله دي
محمد:وين انتوا ماقاعدين مع الناس
حسام:والله ياخال دايرين نشم هواء لغايت ما الاكل يجهز
محمد:اااييي قربنا

ف عربية وقفت قدامهم وجات نازلة منها دعاء وراجلها

محمد:اووووو ماشاء الله ماشاء الله منورننا
راجل دعاء"مهند":نورك طاغي يااخ،كيف الحال
محمد:الحمد لله تمام بس منتظرين شوفتكم

مؤتمن بقى مركزز شدييييد
دعاء بعد اتكلمت مع خالها عاينت للواقفين وعينها وقعت على مؤتمن طوالي نزلت راسها
محمد:اتفضلوا ما نوقفكم
مؤتمن ماقدر ينزل عينو نهائي
حسام لكزو:اركززز يا ود ما كدا حرام زاتو
مؤتمن بتنهيدة:استغفر الله العظيم
"استغفروا💕"

‏ما هو باين في العيون , وين حنهرب منو وين ؟!🖤🔗

دخلوا عشان يتعشوا وكانت لمة ظريفة وفي نهايتها عملوا مفاجأتهم لخااالد
الفرح شديييد ب الاء ووجود الاء ف حياتو..

يتبع...