شتّات الرُّوح💜
*21*
عند مؤتمن وهو مركز ف اوراق وخاتي كباية الشاي جنبو رجَّع راسو ل ورا على الكرسي واتذكر حسام وكلو كلمة قالها ليهو ف حق اهلو وتقصيرو معاهم
مؤتمن مع نفسو:انا شقاااي دا كلو عشانهم ما عشاني انا
اخد ليهو تنهيده وبعدها واصل شغلو
*عند محمد بتكلم مع خالد*
خالد:خير ي أبوي جايبني من الشغل بدري كدا
محمد:صاحب مؤتمن دا جاايي علي لازم نشوف الولد مالو
خالد:مؤتمن!!بالله هو عندو صحبو هنا
محمد:م دا المحيرني اخوك يكون هبب مصيبة
خالد:ااي اصلو بعد شاف روحو تاني بركب ف الراس ويجبب بلاوي
محمد:انت بتصبر فيني اسي ولا بتزيد علي
قوم نادي لي اختك اصلها حنينه وبتفهمني
خالد:كااابي الجرس امي م عارفة ولا شنو
محمد اتمحن:بقى كلامك كتير وبعدين امك لو كلمناها بتجي واقعة لينا اصلك عارفها قلبها رهيف
خالد:نمشي ننادي دكتورة ريم
خالد طلع ل ريم
خالد:اصححي ابوووي عايزك
ريم:ماااقادرة
خالد:دا النوم الكتييرر يومك كلو ف السرير
ريم:جسميي واجعنني شدييييد
خالد:ريم بطلي حركاتك ديي بكلم ليك ابوي بقول ليها م نازلة
ريم صنقرت على حيلها بتعب:اخخخ
خالد :للدرجة دي؟اوديك الدكتور
ريم:لا
اثناء م بتكلموا باب الغرفة فتح وجات داخله ميامن وسارة
ميامن وبتكورك:دايرة تجلطيني صح الليل كلو م قادرة انوم بسببك وكمان تلفونك مقفول
بعد انفعالها لقت خالد بعاين ليها مخلوع
ميامن حكت رأسها:اااا خالد كيفك ومبروك ياخ
خالد:الله يبارك فيكم وعقبالكم كدا
ريم بقت تعاين ل ميامن نظام اسكتي م تفتحي خشمك
خالد:استأذنكم
ريييم:فضحتينا خشمك م بتتبلى فيهو فوله
قعدوا جنبها وحاوطوها
ميامن بصوت برئ:خاتيه انا الخايفه عليك
ريم:جيتوا ف وقتكم والله
سارة:طبعا كنان م خلاني انوم الليل كلو يضرب
ريم:مالوو م تقولي لي مشى ل مدثر
سارة:اتصلي شوفي ريم امشي ل ريم للصباح ف الحالة دي لمن ضربت لميامن وجيناك
ميامن:جعلني ريم😉
ريم بتحدر ليهم:غيروا الموضوع كفاية رعب امبارح
سارة:والله ي ريم من غيرك كنت حأكون ف خبر كان
اعفي لي كان فهمي عنك كلو غلط كنت معميه عن اي شئ
ريم:دا كلام تقولي ي سارة م بيناتنا ياخ كلنا بنسند بعض
تلفون سارة رنّ
عاينت ل ريم وفتحت الاسبيكر
سارة :يا شفقه
كنان:بشرري
سارة:زي الحصان م عندها عوجه
كنان بعد نفس عميق:جات سليمة الحمد لله
شكرا تعبتك معاي
سارة:ف الخدمه نحنا
انتهت المكالمة
ريم:اتخارجوا من هنا
انتوا عارفين نتيجتنا حتطلع بكرة
ميامن:اييي غيري الموضوع
سارة:انام ناجحه كلو من عمايلي
ميامن:م تقولي كدا كلنا بنغلط وبنرجع ونحنا م حنخليك
*في التايم لاين وكلامنا عن مجتمع البنات والخساسه الحاصله وبقت شماعة لكل مشاكلنا..
نحنا البنختار البكملونا والبشبهونا ويكون لينا صحبه صالحه يعتمد عليها ونحنا البنفرض احترامنا وتبادل ثقتنا مع بعض عشان نقدر نعبر ل برَّ الامان..
فتش جواك وحولينك عن اصحاب تدخرهم بعدين ف اخرتك قبل دنياك..
كلنا فينا بذرة خير بس محتاجين اليمسك بإيدنا لطريق النور ونحنا مطمئنين..
وحيكون فينا الخير بعد ما نتخلص من مصطلحات حتشوه قلوبنا وعلاقاتنا..
واعيد واكرر ماف انسان كعب..بس ف إنسان جاهل نقطة الخير ف نفسو
ايدنا في ايدي بعض وحنعبر*💕
تحت عند محمد بعد ما جاهم حسام
محمد:شرفتنا ي ولدي
حسام:شرف الله قدرك ياحاج
محمد:من قبيل منتظرينك انا وخالد وترتنا والله
حسام:والله ياحاج الموضوع كلو انو مؤتمن دا بقى م طبيعي يعني م عندو هم غير نفسو وشغلو حاجة بقت لا تطاق للدرجة انا اتخليت عن الشراكة معاهو ونزلت السودان ولازم نحنا نحل المشكلة دي ف اقرب وقت
محمد:كيف لكن والله فترنا
حسام:فكرتي انو...
يتبع
أنت تقرأ
شتات آلروح .. 💓
Romanceروايه سودانيه ..- دائماً أنتِ في المُنتصف .. أنتِ بيني وبين كتابي بيني وبين فراشي وبيني وبين هدوئي وبيني وبين الكلام ! 💛
