شتّات الرُّوح💜🌬
*هبه بابگر*
*12*
خالد مشى قعد مع مصطفى واتونسوا جاهم وليد
وليد:ملمومين ف الافراح ان شاء الله
خالد:وين انت ي عمي بتصل عليكم م بترفعوا
وليد:والله مشينا انا وابوك ل واحد صاحبنا عيّان وتاني اخدنا لفات على باقي الاهل
خالد:ااي الجو مساعد استغليتوا الفرصة
وليد:اااي والله كمان عارف ابوك مجاملاتو كتييرة
خالد:حتتعععب شديييد معاهو
وليد ضحك:م يسمعنا بس
ريم وين الليلة م شايفه
خالد:اسي عاوز اشوفها
خالد قام واتصل عليها
ريم:انت الرصيد دا بتلقى واقع
خالد:يعني خلاص عاجبني اخسروا فيك تعالي لي برره سريع
ريم:م بعمل ليك قهوة والله خلاص تعبت
خالد قفل في وشها
ريم جات
ريم:احكي الشمار اها
خالد:اسمعيني فحم في
ريم:ااي ف لشنو
خالد:دايرة اظبط لي قعدة حلوه مع الجو دا
ريم:واااي يخ دي شنو الافكار الرهيبة دي،طيب م تطلعنا وتكون م قصرت
خالد:زولك رهيب من يومو
لالا امي تعبانه احسن نتلمى ونهدي النفوس مع بعض
ريم وفرحانه:
طيب ارح ننجز وانا حأمشي ل دعاء
خالد مشى فرش الفرشات وهو ومصطفى داخلين ومارقين شايلين ف الحاجات الحيعملوا فيها الشيّه والمواعين
ريم:دعاء التحليّه كلها عليك انا شغل ضواقه بس
دعاء: حأبهرك الليلة دا شغلي يخ
مصطفى كورك ل ريم:يااا م منك فايدة
ريم:الشيّه جهزت ولا لسة
مصطفى:هو بتين نحنا ختيناها
امنه:بالله شوف البت تخلي دعاء تشتغل براها
مصطفى:امشي اعملي شطه بالدكوه م تفضحينا وتشرطي عينا
دعاء:جيبي الكستر داك
ريم:مصطفى شوف شغلك ب وين خليني اركز ف دكوتي دي
بعدها جاطوا واي زول داخل ومارق بطلع ف الاكل
محمد:الله يجعل الايام كلها مغيّمه عشان تَعِزُّونا كدا طوالي
ساميه:عيني بارده عليكم م شاء الله
ريم بتضرب ف خالد:م تختف اللحمه م علّموك اداب الاكل
خالد:امشي شوفي الباب فيهو منو
مشت فتحت الباب وكوركت
ريم:ميااااااااااااااااامن
ميامن: يا مااااسورة
ريم:ياخ والله انت امك داعيه ليك اصلا اللمه ناقصاك
ميامن:حنّك الناموس دا
ريم:نآكل وتديني خبر الجامعة
اتلموا كلهم وقعدوا
سوسن وبتعاين ليهم بحنيّه كدا وفرحه
سوسن:منورانا ي ميامن
ميامن:بنوركم والله
خالد وقاعد جنب الشيّه م اتحرك منها
خالد:لو عاوزين زيادة كلموني
ريم جاتوا
خالد:اديني قطعتين من البسبوسه يا الاء
ريم:ارفع صوتي واقول الاسم القلتو ولا اسكت
خالد وقال الغنيه البتقول:
"حيّرت قلبي معااااك
خليتو بيييك مشغوول❤
يااا احلى من ضماااك ماا بصِح عذاابوو يطوول
وطوول ليالي نوااااك،
حيييرت قلبي معاااااااك❤"
العائلة كلها بقت تصفق و مصطفى صَفَّرر
دعاء ولثانيه خطر ليها شريط مؤتمن والغنيه لامست قلبها
دعاء بتشتت:صوتكك رهيب م شاء الله
امنه:الليلة بسحروك م شاء الله
خالد:لمتكم بالدنيا والله
وتمى باقي اليوم واتصوروا كم صورة
وكانت لمه محتاجين ليها شديييد رغم انو اي زول بضحك وخافي وجعوا
بس
بكرة الفرح يتقالدك
و تقول.. كفاي!!💙
يتبع..
أنت تقرأ
شتات آلروح .. 💓
عاطفيةروايه سودانيه ..- دائماً أنتِ في المُنتصف .. أنتِ بيني وبين كتابي بيني وبين فراشي وبيني وبين هدوئي وبيني وبين الكلام ! 💛
