شتّات الرُّوح💜
*18*
ريم:مدثر انت واعي ف البتعمل فيهو دا
وفكّت يدها
مدثر:ممكن تروقي كدا وتسمعيني
ريم:لالا شكرا وفر كلامك ل روحك
ومشت بدون ما تسمع كلامو
لقت ميامن واقفه ومعاها سارة
ميامن كانت بتحدّر لي ريم
ريم:بتعايني لي كدا مالك؟
سارة:كنا بنشاهد في الفيلم بتاعكم انت ومدثر من قبيل حبيبة
ريم عضت على شفايفها:سارة كبري عقلك دا وم تخلي فهمك عقيم وبعدين بجازكم انتوا الاتنين م تكرهونا يخ
سارة:ريم ابعدي احسن ليك
ميامن:هييي ابردوا يخوانا
ريم:انا بعيدة انت الحقي روحك احسن قبل م تحصل حاجات لا يحمد عقباها
ميامن بصوت عالي:رييييم خلااااص
سارة:لا خليها تواصل اشوف ف راسك ف شنو
ميامن:بتفاهم معاك بعدين ي سارة م وقتو
وساقت معاها ريم
ميامن:انت حتودينا ف ستين داهيه تصدقي
ريم:ينرفزوا
ميامن:عايني داك كِنان اناديهو يحليلو واقف براهو
ريم:اوووووعك لااا
ميامن م اشتغلت بيها
ميامن:كِنااان
كِنان عاين ليها واشر وجاء عليها
كِنان:كيفكم ي شباب
ميامن:كويسين الحمد لله،وين مختفي كدا
كِنان:والله مشغوليات براا الجامعة وفي البيت وكدا
ريييم واقفه خجلانه من كلام امبارح القالتو
كِنان عاين ل ريم:لو طالعين م أأخركم
ريم:انا زاتي خالد واقف لي برا يلا موفقين
طلعت لخالد لقت راكبه معاهو الاء
ريم:العربية عاملة شعاع وحياتك
الاء:ريييم.ي لطيفة نفسي اقعد معاك والله
ريم:الجايات كتار يخ شكلك ف الطبيعه اسمح من الصور
خالد:قمر متحرك ف اي حته❤
الاء:اخوك البَكَّاش دا
ريم: م بتستاهلي والله
خالد:تحترمي نفسك ولا انزلك اصلا لو م طلبت مني الاء م كان جيتك
ريم:خلاص ي عنتر ابن شداد اتخارجوا.وما تجيبوت لي نفسيات على العليّ
*ف بيت ناس وليد*
دعاء يادداب جات راجعة من المستشفى لقت أمها وأبوها قاعدين
وليد:تعاالي عاوزك ف موضوع مهم
سامية:اسي م وقتو خلي البت ترتاح
وليد:لالا لازم تعرف
دعاء:سامعاك يا ابوي
وليد:الولد الاتقدم ليك وشفتيهو عيبو شنو
دعاء:م عندو عيب وود ناس
وليد:طيب مالك يبتي عاوزة ترفعي ضغطي
دعاء:انا حأظلموا م بقدر والله خليني قاعدة كدا
وليد:مؤتمن لااا لو انطبقت السماء على الارض وجاء م حتعرسي فاهمه
سامية:صلي على الرسول
"صلوا على الحبيب💙✨"
وليد واصل كلامو:خلاص هو طوالي بضرب وبسأل وانا حأديهو الرد النهائي على موافقتك
سامية:والله البتعمل فيهو دا حرام
وليد:حرام علي اناا؟
ولا حرام على بتك والبتعملوا ف روحها
دعاء بإنكسار:اي شئ برضيك اعملوا انا م معترضة
سكتت بعدها وقفت على حيلها وقالت برجفة صوت:ا.ا.انا موااافقة
سامية:دعاء يبتي م تستعجلي دا م لعب
دعاء ودموعها ف عيونها:خلاص انتهينا من الموضوع دا مف زول يديني رايو تاني وجرَت على غرفتها
"بحنجرتكِ تتحشرج ألف لا
لما قلتِ نعم؟"
يتبع..
أنت تقرأ
شتات آلروح .. 💓
Romanceروايه سودانيه ..- دائماً أنتِ في المُنتصف .. أنتِ بيني وبين كتابي بيني وبين فراشي وبيني وبين هدوئي وبيني وبين الكلام ! 💛
