شتات الروح 💜
*20*
محمد طلع من المطبخ عشان يتكلم برواقه
محمد :خيير ف شنوو
:لالا م تقلق انا حسام كنت معاهو ف الشغل
محمد بلهفه:كيفو وكيف صحتو طمني عليهو
حسام :م عندو عوجه هو زاتو اداني رقمك عشان اتواصل معاك لو محتاجين شئ
محمد :الحمد لله م بتقصر
حسام:عندك طريقه نتقابل بكره
محمد:تشرفني ف البيت إذا حابب
حسام:تسلم ي خال بكره بكون معاك
انتهت المكالمه ومحمد زرع ف قلبو حبة امل انو مؤتمن حيرجع ويجبر كسرهم
*عند كنان*
كنان:م عاجباني الليله ف شنو
ام كنان: دايره اشوف لي شغله اشتغلها
كنان بخلعه:كيف الكلام دا يا امي
ام كنان:اختك راجلها الضغط عليهم كتير وما حتفضى لينا وانت حيلك مهدود ف الجامعه وانا قاعده ساي م عندي شئ وعندي القدره اشتغل
كنان :ف حاجه محتاجه ليها وانا م عملتها، اي شئ ناقصك دا على رقبتي لكن من مكانك دا م بتتحرك شبر كان اموت
ام كنان :ما حاوجني لشئ والله لكن... قاطعها
كنان :كتررري من الدعوات دي وانا م بتجيني عوجه أن شاء الله
*عند ناس الاء*
ناس خالد جوا ورحبوا بيهم ترحيب شديييد
آمنه بتوسوس ل ريم :خالد لكن طلع م هيين دي شنو السماححه المنتشره ف الاسره دي
ريم بإبتسامة :حاجه تلبش بنات على اولاد ي حبوبه
آمنه :انتي عاد بعينك الزايغه دي م بتلمي ف البلوله زاتو
ريم كحت عشان م تضحك
سوسن بتتكلم مع محمد
سوسن :هنديك ساميه يحليلها
محمد :جابها مصطفى شكلو
ساميه سلمت عليها وقعدوا
سوسن :دعاء وين م جات
ساميه بتمتم:وليد تعبان شويه قاعده معاهو
سوسن :سلامتو والله
بعدها قعدوا الاء وخالد يلبسوا ف الدبل
خالد:اوفيييت بعهدي وبقيتي لي
الاء بخجل:مما عرفتك سيد رجال❤️
ريم جات جنبهم
ريم :الناس تحاول تتماسك
خالد:خاربه اللحظات الجميلة دايما
ريم وبتعاين ل الاء
ريم :اولاد اهلك زي حلاوه ماكنتوش ديل م بتفوتوا لكن نقول شنو الدنيا قسم
ضحكوا والناس بدت تبارك
سوسن :عيني بارده عليكم
محمد:ي رب تتهنوا ودايما مبسوطينن بيكم
رجعوا البيت مبسوطينن
محمد :ي ود ي خطير
خالد:تربيتك ياااه
ريم طلعت فوق بعد مشاغلاتهم لخالد
ضربت ل ميامن
ميامن:مساهره عشان شمار الخطوبه والله
ريم :وااااي اسكتي بس حاجه كدا ف قمة الرهابه
ميامن:انا لو م القرايه كان مشيت
ريم:الله يديني زي ضميرك دا
ميامن:نفسني بي
ريم:دقيقه ساره داخله لي ف المكالمة اصبري نشوف ف شنو
ساره وصوتها برجف:ريييم الحقيني علييك الله
ريم:مالك الحاصل شنوو
ساره:م بقدر احكي اسي هو مرق وقفل الباااب
ريم: هو دا منو والمكان وين عارفه شكل الحته
ساره وبتبكي:ريييييم م عندي غيرك دا مدثر ي ريم
ريم رأسها جاط وللحظه اتذكرت كلام كنان
فتشت رقمو ف تلفونها لقتو مسجل
*عند كنان*
وهو شغال ف المطعم استغرب من اتصال ريم
كنان:ريييم!!
ريم بخوف :محتاجااك ضروري شدييد عندك عربيه اي حاجه الموضوع م بستحمل
كنان:فهميني ف شنوو
ريم :مدثر ي كنان تعال لي انت عارف الشقه المهم اتصررف.
ريم وصفت ليهو المكان الحتلاقي
فيهو
كنان استأذن من واحد معاهم ف الشغل يشيل عربيتو ويجي
ووصل ل ريم
كنان بعاين ليها :م بحصل شئ م تخافي
ريم بإنفعال:كيييييف م حيحصل شئ أسررع يخ
وصلوا المكان العارف كنان انو دا هو
كنان:م تنزللي
ريم :دا م وقت تحنييس
كنان :داك هو ياداب داخل على العماره
دخلوا وراهوا وهم بتسحبوا براحه براحه لما مدثر عاوز يفتح الباب كنان لزاهو على الباب والباب اتفتح
ساره وجاريه على ريم
ريم بقت ماسكاها عليها
كنان:دا آخر م اتوصلت ليهو تغدر بي ناسك البتعرفهم
مدثر وعيونو شرااار:ما تعيش دور المثاليه لأنك معاي خطوه بخطوه
كنان ضربوا:والله عارف اني عندي عرض وأم بخاف عليهم وما بعمل كدا
ريم مسكت مدثر:مدثر خلينا نطلع الله يرضى عليك م تعمل فينا كدا
مدثر لزااا ريم قوووي لمن وقعت على ضهرها
ساره :ريم ريم
مدثر جرااا بعد م لزاها كنان عاوز يلحقوا لكن بعد شاف ريم ما ممكن يخليها كدا
كنان:كويسه انتي ف حاجه واجعاك
ساره:م ممكن يكون عدواني كدا
ريم خانته يدها ف وشها م اتكلمت
كنان:رددي علي
ريم :كويسه ودوني البيت بس
كنان:أوديك كيف وانتي بالحاله دي
ريم بكلمات بطيئه:رجعوني
ساره مسكتتها وسندتها لغايت العربيه وكنان اكتفى بالسكوت لغايت م وصلهم
يتبع..
أنت تقرأ
شتات آلروح .. 💓
Romansaروايه سودانيه ..- دائماً أنتِ في المُنتصف .. أنتِ بيني وبين كتابي بيني وبين فراشي وبيني وبين هدوئي وبيني وبين الكلام ! 💛
