شتّات الرُّوح💜🌬
*16*
محمد:عمك كورك وهاج قبل م يمشي
امنه:كلو مني انا دي
خالد:بقيتي تتشالقي الايام دي شايفك
سوسن:يااااااااا ولد
امنه:حاجات بيني وبين حفيدي م تدخلوا
خالد:ضربوا ياا حككم
سوسن:والله انا ربيتكم لكن براكم بترَبوا في عمايلكم
محمد:فععلا
امنه:كدي خلينا منهم انا قلت لعمك ان شاء الله نتلمى ف عرس مؤتمن ودعاء انفعل وقال ما عندي بت للعرس انا
خالد:اصلا دا المفروض يحصل وليهو حق
امنه:كيفن يعني
خالد غيّر الموضوع
حتتلموا قريب م تستعجلوا وقام
عند ريم ف سابع نومه صحت ب رنّة تلفونها
ريم بصوت ناعس:الوووو
..:ريم كيفك
ريم عدلت صوتها:اهلينن
:ما اكون ازعجتك انا كِنان
ريم:ولايهمك،خير إن شاء الله
كِنان:عارف دا ما وقتو لكن فاضية تسمعيني؟
ريم:ايوه اتفضل
كِنان:فكرتي ف موضوع مدثر
ريم:عاين يا ود الناس انا م حصل شفتو منو شئ كعب وما حأصدق اي شئ يتقال في النهايه هو زميلي وانت صاحبو
كِنان صنَّ مسافة واتكلم:لا صاحبو ولا بعرفو
ريم :طيب مركز مع الموضوع لي ولا جر كلام بس اصلا كلكم شبه بعض
كِنان بتنهيدة:طيب يا ريم شكرا ليك ..وقفل
ريم جدعت التلفون وبقت تتكلم مع روحها:هل انا اندحت شديد هل ولا م هل
قاطعها تفكيرها صوت خالد وهو داخل
خالد:عندي ليك خبر من الموووت
ريم: سلام قولا من رب الرحيم ف شنو ي ود
خالد:ي عرييييس لو سمحتي
ريم نططت عيونها:حأبقى عمه اخيييييرا
خالد:عمت السجم والندم والله
ريم:دي منو الحظها زي وشها دي
خالد:حاجة كدا زي القمر والله
دي زميلتي الاء ف الشغل يخ قدر م اقول ليك انا لوا اشوفها قلبي على قول فضيل:تف تف تف شغال بالكبده بس
ريم ضحكت الضحكه البرجعوا ليها ورا ديك
ريم:حتزبط الامور بتين
خالد:جاااهز الجمعة الجايه خطوبة وهي عندها امتحانات اخوها ممتحن شهادة يخلص ونعرس واتخارج منكم
ريم:اخت الهناء انا كان عايزة اموت م بتشتغل بي
خالد:امتحاناتك الجايه دي بليها واشربي مويتها عشان م حتنجحي وحتجهزي معاي الحاجات
ريم:عندي كم خالد انا لكن بشرط
خالد:اديك عيوني زاتها
ريم:اسي تعزمني وتطلعني اي حته
خالد :منتظرك برااا
ريم:الله يديك العافية ي الاء
حاموا كدا وبعدها مشوا المطعم
خالد:بيتزا كالعاده
ريم:والباقي على زوقك
خالد:الله يعدي اليوم دا
ريم وبقت تعاين للناس وأي كابلز مع بعض واتمحنت ف ولد لفت نظرها من السيرفيز
ريم بهمس:لالامستحيل بكون بشبهو بس
خالد:الشاغل بالك يتهنَّابو
ريم:شايف الولد الهناك دا
خالد:اايي السمح دا
ريم:دا معاي ف الجامعة اسمو كِنان
خالد:سبحان الله الناس بتقرا وبتسعى ل رزقها ف نفس الوقت
ريم:خلينا نمشي
خالد:عندك انفصام انتي يبت؟
ريم:لالا بس م عايزاهو يعرف زول شافوا ولا يشوفني
خالد:احسن نمشي ناكلوا مع ناس البيت
يتبع..
أنت تقرأ
شتات آلروح .. 💓
Romansaروايه سودانيه ..- دائماً أنتِ في المُنتصف .. أنتِ بيني وبين كتابي بيني وبين فراشي وبيني وبين هدوئي وبيني وبين الكلام ! 💛
