شتات آلروح .. 💓

البارت 8

شتّات الرُّوح💜🌬
*8*
مدثر ي ستي بتاع شقق وبنات وعدم جيّتوا الجامعة دي م ضغوطات دي حاجات تانية في غنى اني اذكر ليك
ريم ومصدومة من كل كلمة قالها كِنان
كِنان:انتي سامعاني
ريم قبلت عليهو:وسارة علاقتها شنو
كِنان:مُرَبِطه معاهو ليها كم شهر ما قاعدة تكلمك ولا شنو
ريم ختت يدها ف فمها وهزت رجلينها
ف لحظة السكوت دي سمعوا صوت بقول:مندمجين شدييد شايفاكم
كِنان:قاعدين لسة انتوا ي سارة
سارة وبتعاين ل ريم:والله قضينا كم شغلة ولمحناكم قلنا نجي نشوفكم
ميامن:ريييم مالك
ريم شالت شنطتها وخلتهم من غير م تتكلم

عند خالد ف شغلو شركة الاتصالات ومندمج ومشغول تلفونو رنَّ
خالد:الوو منوو
:نسيت صوت اخوك م عيب منك
خالد بفرحة: جيت السودان بتين ولي م كلمتنا وجيناك ف المطار
مؤتمن:كدي براحه اخد ليك نفس
خالد:اسي ف البيت هناك خلاص اقفل جايي عليكم
مؤتمن:لالا انا لي يومين وحأرجع  بكرة بليل
خالد:ماجايينا يعني
مؤتمن:والله معندي فرصة احك راسي اصلا لكن بحاول بس م تكلمهم اني ضربت ليك
خالد:ايوااا ربنا يسهل عليك ي اخوي م بتقصر
خلصت المكالمة وخالد الدنيا بقت ضلاام ف وشو استأذن ودوّر عربيتو وطلع

*عند مؤتمن ف الفندق*
حسام:بالمناسبة انا زهجت منك م.ممكن كلامك كلو الشغل وامشي وجيب الخرطه واعمل
مؤتمن ومركز ف اللابتوب :انت عارف نحنا لو امريكا دي ادتنا دفعة ماديه تاني حنحطم الرقم القياسي ومشاريع البناء حتكون مبهرة
حسام:ي بني آدم ياخ امك وابوك م بتمشي خمسة دقايق تترمي ف حضنهم الاحساس انعدم
مؤتمن:لو حتنق كتير كدا حأمشي اخليك لانو عندي حسابات كتييرة مفروض اخلصها اسي
حسام طلع خلاهو ورزع الباب..

- كيفَ للقلبِ أن يتقلّبَ هكذا ، دون مُنبّه ، دون رنّةِ تحذير قالِباً كُلَّ شيءٍ رأساً على عقِب ...! 🖤
يتبع..