شتّات الرُّوح💜🌬
*هبه بابکر*
*15*
ف صباح اليوم التاني دعاء اتحركت على المستشفى بدري عشان عندها كم عمليّه
اتصلت عليها ساميه
سامية:وين انت من الصباح
دعاء:طلعت بدري عندي شغل كتير الليلة
سامية:بعد م تنتهي تعالي على بيتنا طوالي
دعاء: خلاص كلمي مصطفى يرجعك عشان م بقدر اجي بيت ناس ريم تاني المسافة بعيده
ساميه:خلاص مف عوجه
*عند كِنان ف البيت*
ام كِنان:الايامات دي م عاجبني
كِنان:لي ف شنو
ام كِنان:الجامعة بقيت م قاعد تمشيها كتير وبقيتي تمرق بعد المغرب تجي انصاص الليالي
كِنان ب رَبْكه:ما تشغلي بالك بس عندي أمور عاوزها تتصلح
ام كِنان:الله يسهلها عليك
*ف الجامعة*
ريم وميامن بشربوا ف الشاي بمزاج وفاتحين شيتاتهم
ريم:الشاي باللبن بتاع عمو دا بظبط كيفي من الصباح
ميامن:علييكك نوور حاجة سمححه شديد
تلفون ميامن رنّ
سارة:قاعدين وين
ميامن وصفت ليها مكانهم
سارة:خلاص جاياكم ف موضوع قبل المحاضرة تبدا
ريم:اصبحنا واصبح الملك لله ف داعي تردي
ميامن:اسكتي جايه علينا
ساره:منوريننن الجامعة والله
ريم:ياا مرااااحب
سارة:مالكم ساكتين كدا
ريم:زي م شايفانا ماسكين شيتاتنا وبنقرا
ميامن لكزتها
سارة:طبعا عاوزة افتح ليكم موضوع لكن م لقيت الوقت المناسب
ميامن بإبتسامه:خير ان شاء الله
سارة:طبعا مدثر وكنان امورهم جاطت مع بعض شديد
دا م المهم ،المهم انو مدثر بقى زوولي شديد وشبه رَبَّطنا وكدا وعاينت ل ريم
ريم:قصة مؤثرة والله واسي الحكايه دي لزومها شنو
سارة:عشان انتوا صحباتي وكدا لازم تعرفوا الاخبار اول بأول
ريم بقت تهزْ ف رجلينا
ميامن:بعدا نقوم لانو زمن المحاضرة قرررب
سارة:بجي لاحقاكم
ريم بعد سارة مشت
ريم:اححححي ي فشفاشي
ميامن:يخ خليك متماسكه م تظهريها كدا
رييم:بتعمل لي كورة شراب ف قلبي ماا بقدر وبعدين هي لما تجي تتكلم عن مدثر بتعاين لي لييه؟
ميامن:عارفة مدثر برتاح ليك
ريم:يخ بجازهم الاتنين
انا الولد دا م قاعد اتكلم معاهو كتير نادرا
ميامن:الدنيا بتوري العجب كدي انسينا منهم
*عند ناس محمد*
زي بعد المغرب خالد جاء داخل البيت ولقاهم قاعدين بتنقاشوا واي زول صوتو اعلى من التاني
خالد:صوتكم واصل اخر الشارع
امنه:بري هايجين ومنفعلين
خالد:لي مالكم
محمد:عمك كورك و...
يتبع..
أنت تقرأ
شتات آلروح .. 💓
Romanceروايه سودانيه ..- دائماً أنتِ في المُنتصف .. أنتِ بيني وبين كتابي بيني وبين فراشي وبيني وبين هدوئي وبيني وبين الكلام ! 💛
