شتات آلروح .. 💓

الاخيرررره 💥

شتّات الروح💜
*هبه بابکر*
*تکملھ ال25*
والأخيييييره🔥❤️

*نسارع الأحداث*
كنان بعد ما حسّن وضعوا وطرح على ريم انو عايزها ومشى لأبوها وكانت ردت فعلوا حلوة شدييد
*بحكي بلسان كنان بقول*
كنان:اول مامشيت كنت متردد من قصة انك انت ما حتكون مسؤول ووضعك عادي وحتلقى رفض من ابوها عشان ما حيرمي بتو مع اي زول هاجس الخوف كان مخليني اتردد كتيير بس فكرة اني اضيع ريم من يديي دا كان اكبر دافع يخليني اواجه اي شئ واحسن وضعي والشغل ماعيب
اتفاجأت بردة فعل ابوها القال
محمد:نحنا بنشتري رجاال يا ولدي والبسويها ربنا بتبقى

مرّت الايام واجتهدت عشان اقنع اخوانها لغايت ما وافقوا وانا م وقفت على كدا انا تعبت عشان احقق كلمة ابوها"رجاال"

والحمد لله بارك لينا الرحمن  وعافرنا عشان نكون لبعض

*بلسان ريم بتقول*
ممتنه جدا للحظات الشفت فيها كنان شغال ف المطعم وطلعت سريع عشان ما يتحرج إني شفتو..
ومفتخرة بيهو لمالقيتو ف الصالة وجاء سلّم علي نظام عادي انا ما خجلان من حاجة بعملها ورسميتو الكان بتعامل بيها معاي لما كان مصطفى معاي
واقتنعت انو الحب رضاا💕قبل مايكون شكليات وشوفونا نحنا بنحب بعض..

ف مرة كنت قاعدة ف الصالة بقرا كتاب وكنان ف الغرفة سمعتو بتكلم بالتلفون بس ما ركزت كتير
لغايت ما سمعت ف صوت زول ببكي وبشهق كدا
دخلت عليهو ولقيتو ببكي زي الشافع وانا رجليني بردوا خلاص وحيلي مات
ريم:كنان ف شنو ي كنان
كنان وبين كل كلمة والتانية بشهق:مدثر ياريم مدثر
ريم:مالو ضرب ليك بتين اتواصلت معاهو كيف
كنان:مدثر انتحر ياريم انتحر
ريم كأنوا ف صخرة جات واقعة على راسها بقت تتمتم:كيييف كييييف؟
كنان وهو بضرب المخده بالسرير:انا الخليتو من البداية انا الما سقتو ووقفت معاهو هو غلطت ف حقي بس انا ما مفروض اعمل كدا مفروض امسك بيدو بدل ما اخاف على نفسي منو ي ريم
ريم بتهز ف كنان:كنان الله يرضى عليك فهمني
كنان وببكي:بعد ماسافر مع ابوهو بالغصب وكان ضاغط عليهو شديد وداير يأدبو من اول وجديد ما قدر على دا كلو وبلع كمية من الحبوب واصلا مف زول لحقو الا بعد ما خلاص..وصوتو راح
ريم مدت ليهو الموية الجنبها وشربت ليهو
ريم كانت لاول مرة تشوف كنان منهار بالطريقة دي
ريم بصوت مبحوح:داير تعذبو اكتر من كدا
كنان:ماااقادر ماااقادر

كسره#
*ف مواقع التواصل وانتشار ظاهرة الانتحار ما كان نفسي اختم الرواية بموقف حزين كدا بس...
قال تعالى:"ومن اعرض عن ذكري فإن له معيشةََ ضنْكا"
اول سبب ف ضيقنا وتفكيرنا ف حاجات سلبية زي دي بعدنا عن ربنا
تدهور نفسيتك عمروا ما كان بالرفاهيه ولا تعيش حياه وااو وتسافر عشان تبقى مرتاح ..
الراحه بتجي من قلبك وايمانك بأنو الله قادر..
طيب انت حاليا حياتك مفتكرة جحيم ولجأت للانتحار يعني لما تموت حتمشي لعذاب اكبر من كداا..
ربنا ماقصر معاك بس نحنا المقصرين ف حق ربنا...
بالاضافة للاسرة واحتوائها لينا عشان نطلع ناس سويين ونقدر نواجه العالم البرا دا
وزي م بقول ف المثل:
*ولدك كان كِبِر خاويهو*
عشان نقدر نفضفض ليكم خلوكم سامعننا وما تستهزؤا بمشاكلنا البتتحكي حتى لو كانت صغيرة عشان حبه حبه حتبقى كبيرة
+يا انسان لو قدرت تجبر خاطر زول وتطلعوا من الحالة الهو فيها ما تتردد وتقول خليهو برجع لعقلو بكرة لانو يمكن بكرة ما تلقى..
خليكم خفاف على قلوب بعضكم عشان نقدر نعبر ونصل للهدف العايشين عشانو وهو الجنه

*مقتطف من الرواية*
ريم بتتكلم مع كنان
ريم:الحيجي حنسميهو مدثر
كنان:ماحصل في يوم فشلتي في إنك تسعديني❤️

النهاية..
Haboosh🐣💕