شتات آلروح .. 💓

البارت 7

شتّات الرُّوح💜🌬
*هبه بابگر*
*7*
  
للتذكير عشان ما تتلخبتوا

*محمد ابو ريم وخالد ومؤتمن وامهم سوسن وحبوبتهم امنه*

*وليد ابو دعاء ومصطفى وامهم ساميه*

كسره🌚🚶‍♀

ف المطار مع مؤتمن
حسام:ريحة البلد مريحه خلاص
مؤتمن بفتور:اااي والله
حسام:كلمت اهلك انك جايي؟
مؤتمن:قلت اعملها ليهم مفاجأة لو لقيت فرصة امشي
حسام بإندهاش:لقيت فرصة!!
مؤتمن:ي حسام هي كلها 3يوم وبعدين جايين من سفر دا م وقت للنقاش اسي

ف البيت الكبير عند ناس محمد
آمنه:مالك الليلة م مشيتي المستشفى
دعاء:قلت اخد راحه واتونس معاكم
آمنه: اي يبتي م ترهقي روحك عان اسي ريم دي لافه طوالي وم بتسمع الكلام
دعاء:قرربت تخلص م فضل ليها كتير
امنه:مؤتمن دا بعدا مفروض يجي خلاص
دعاء اتضايقت:اقوم  اساعد خالتو سوسن مسافة ما ريم تجي

*ف الجامعة*
ميامن: الجو ظريف الليلة نغير جوا رايكم شنو
سارة:فكرة حلوة زاتو تكون الختامية عشان الامتحانات قربت
ريم جات عليهم
ميامن:كنت وين يبت بتصل عليك م بتردي
ريم:والله كنت بتنقاش مع دكتور لايووق ندمني اتكلم معاهو
سارة:ارحكم
ريم:على وين
ميامن: عاوزين نمشي شارع النيل الجنب الجامعة دا
ريم:اعفوني انا م بقدر
مشت خلتهم وهي طالعه على البوابه لقاها كِنان
كِنان:ريم رييم
ريم اتلفتت عليهو: اهلييين
كِنان:وراك حاجة
ريم:لالا ف حاجة ضرورية؟
كِنان:ااي شدييد كمان نقعد ف البينشات دي ونتكلم م حآخد منك كتير
ريم:اتفضل سامعاك
كِنان:دايرة اشكي ليك من مدثر
ريم:بصفتي شنو؟
كِنان:صحبتو شدييد وبحكي عنك كتير
ريم سكتت
كِنان:انا حاولت اقنعوا بكل الطرق بس م بسمع كلامي قلت يمكن تفيديني
ريم:خش ف الموضوع م تشحتف روحي
كِنان:اول شئ خلي سارة صحبتك تبعد منو
ريم:ساااااارة هي عندها علاقه معاهو
كِنان:اااي وقووويه كمان
ريم:وانت مستفيد شنو
كِنان:دي اول خطوة حتساعدني اني اخليهو يخلي البعمل فيها دا وعشان اختصر ليك
مدثر ي ستي بتاع.....

يتبع...