شتات آلروح .. 💓

البارت 22

شتّات الرّوح💜
*تكملھ ال21*
حسام:فكرتي انو يصلوا خبر انو شغلوا الفي السودان دا فشل  وف اهمال حصل من العاملين ف حيطرا يجي ويشرف على الامور بنفسو بالاضافه لانو هو دافع فيهو راس مالو كلو وهو ذاتي جدا م بحب الخسارة ومقنع نفسو انو اي معركة حيدخل فيها م حيطلع منها خاسر ودي حتكون قرصة اضان ليهو عشان يراجع نفسو
خالد:وكيف حيقتنع بالتمثيلية دي
حسام:انا فاهمو كويس ومتأكد انها حتنجح الفكرة دي وانا حأظبط الامور كلها
محمد:والله مؤتمن دا م اظن تأثر فيهو حاجة تانية القساوة ملت قلبو
حسام:الا ف البيزنس دا بموت عديل
خالد:مدام كدا انا معاك ف اي حاجة حتعملها
حسام:ابشروا كلو حيتم زي م اتفقنا عليهو
محمد:كلموني بالبحصل اول بأول
حسام:اكيييد ي خال يلا بعدا انا اتأخرت
محمد:لالا الغدااااء جااااااهز ما بتتحرك من هنا
حسام:اعفييني والله عندي مشاوير مهمه لازم اخلصها الليلة لكن الجايات كتار

حسام طلع منهم وكانوا ناس سوسن منتظرين يعرفوا الحاصل
سوسن:قافلين عليكم الباب بالساعات قلقتونا والله
امنه:الولد دا جاء من وين اول مرة اشوفوا
محمد:دا صاحب مؤتمن
سوسن:مؤتمننن جاء السودان تاني؟
خالد:لالا دي تمهيدات لجيّتو لكن
امنه:انتوا بتلفوا وبتدوروا مالكم ما عاوزين تقولوا الحقيقة
محمد:لما الموضوع يتم حتعرفوا نحنا لسة م فاهمين حاجة
سوسن بقت ساكته م قالت حاجة
جوا نازلين ريم وصحباتها قعدوا معاهم
ميامن:كيفك ي حبوبة
امنه:الحمد لله يبتي ترا عايشين
خالد:المكسرره بقيتي كيف اسي
محمد:مالهاا؟
خالد:قبيل جاتا حاله كدا م عرفتها جاده ولا بتستهبل
سوسن:انا زاتي استغربت من الصباح م جيتيني ف الغرفة كعادتك
امنه:اسي زي الحصان مالكم انتوا
ريم:اسأليهم عليك الله

سوسن تلفونها ضرب أثناء القعدة
سوسن:اهلينن ساميه
سامية:م اكون ازعجتك معاك ناس
سوسن:لالا ياهم ناس البيت
سامية:قلت ليك دعاء دي عقدها بعد بكرة
سوسن وقفت على.حيلها وعلّت صوتها:كيف الكلام دا ي ساميه ونحنا ويين
بقوا كلهم مركزين معاها بالذات محمد
سامية:غريبة محمد م كلمك
سوسن:م تستعجلوا انا دعاء دي بتي ومؤتمن حيجي
ساميه بدون م تقصد قالت:منتظرة ولدك الجاء السودان ولا اشتغل بيك ورفع التلفون وضرب

سوسن بعد سمعت الجملة دي بقى اي شئ قدامها طشاش طشاش وجات واقعة

‏إلا باكر لما ترجع أنا بحكي ليك عن الحصل .. عن بعد المسافة وقربها ..
ولمن يفارق زول عيون غاليات عليه كتير خلاص ..وبحبها !!🤍
ريم وماسكه امها هي وخالد
خالد:السُّكر شكلو ارتفع زي كلو مرره
امنه:تودوها الدكتور اسسي دي
محمد ومدنقر راسو:م بحتاج الحبوب قاعده بمشي اجيبها
ريم وبتبكي:اميييييي عنو م جاء مؤتمن ياخ عذبنا
سارة ماسكه كتف ريم:اهدي ي ريم م كدا
سوسن ببطئ:م سمعتي الكلام القالوا لي ي ريم ي بتي
خالد:نطلع نخليها اسي دا م وقتو
عاين ل ريم
خالد:خليك قاعدة وانت ساكته وسيرة مؤتمن دي م تجيبها خلاص انتهينااااا
وطلع عشان يرجع صحباتها البيت
*ف الطريق اتصلت عليهو الاء*
خالد:بتحسي بي
الاء:والله قلبي قبضني عليكك شدييد
خالد:يسلم لي قلبك دا
اسمعيني برجع ليك بعد شوية ف مشوار
الاء: طيب خلي بالك من نفسك
خالد عاين للمكالمه وابتسم..

*عند دعاء ف غرفتها*
ومركبه السماعات وبتسمع في غنية كلماتها :
كنت قايل روحي ناسي لجرااحك والاسيَّه..
في غيابك انت قااسي💔جااارت الأيام عليّا..
اسيي خايف اشوف عيونك وابقى ما طايق فراقك..
لو طريق لماني بيك يا تسيبو ي اسيبو عشان بخاف في يوم نتلاقى
بعد ما انتهت العلاقة..

يتبع..