شتّات الرُّوح💜🌬
*هبه بابگر*
*11*
ف صباح يوم حلو ومغيم من بدايتو خالد صحى على رنّه تلفونو
خالد بصوت ناعس:يا خوّه
جاهو صوت ناعم: انا الاء ي خالد
خالد اتحنح وصنقر على حيلو:صباح الخيرر معليش م ركزت مع المتصل
الاء:وين انت المدير بسأل منك وبعدين اتأخرت شديد
خالد:والله يوم امبارح كان ضاغط شديد واسي م حأمشي
الاء: انت كويس؟
خالد:ف زول بصبح بصوتك م يبقى كويس
الاء:اسمعني انا عندي شغل م فاضيه ليك يلا لبعدين
وقفلت..
خالد رجع ل ورا وختا يدينو ورا راسو واتنهد وبعدها قال:ياا سلام يخ
*ف الجامعة*
ميامن:بضرب م بترد
سارة:معناها م جايه ولا نايمه انت المقلقك شنو اسي؟
ميامن:ساره انا كم مره قلت ليك م تتعاملي معاي بالاسلوب دا
سارة:عايني مدثر وصاحبو جايين علينا
مدثر وبعاين ل سارة:اشتقنا ليكم يخ
ميامن بقت تعاين ليهم بإستغراب
كِنان حاول يغير الموضوع اتلفت على ميامن:وين صحبتك الليلة
ميامن:والله بضرب ليها من قبيل م عارفاها مالها
كِنان:إن شاء الله خير
ميامن:يااارب
سارة:يلا نستأنكم ماشين المكتبه
مدثر عاين ل كِنان
مدثر:شنو يا مان شايفك بتسأل منها ومندااح كدا
كِنان:السؤال عيب؟
مدثر:لالا ياخ لكن ما تعاين لحاجات الناس
كِنان بضيق:وانت مفتكر دي حاجتك يعني؟
مدثر:عاين م تتغابى واركز
كِنان:وانت على الاقل خليك راجل
مدثر وقف على حيلو:كمان بقيت بتقل ف أدبك يا ود مريم
كِنان:حسّك عينك تجيب سيرة امي ف لسانك القذر دا
ف شلة شباب اتلموا حولهم
واحد من الواقفين:هدوا النفوس يشباب ف شنو نحنا ف بيئه جامعيّه دا م مكانوا
كِنان مشى خلاهم عشان م يخش ف اي نقاش تاني ورجع بيتهم
*عند ناس محمد*
ساميه:سوسن اصبحت كيف الليلة
امنه: محمد قبيل سألتو قال لي كويسة ومرق طوالي م اتكلم تاني
خالد دخل عليهم
خالد:صباااااااح الخيييير
امنه:م شاء الله م شاء الله عيني مليانه الجلابيه عاد جلابية الهنا
خالد ضحك:اول مرة تشوفيني لابس جلابيه يا حبوبه
امنه:بري ي ولدي لكن شكلك منور كدا م شاء الله م اسحرك
خالد قعد جنب حبوبتو واتكلم مع سامية
خالد: مصطفى وين الليلة م شايفو
ساميه:قاعد برا ف النجيلة من قبيل
خالد خلاص بمشي على امي وبشوفوا
دخل على سوسن لقاها راقده
مسك يدها:ستت الحبايب
سوسن بصوت باهت:كيف أصبحت
خالد:خليني اوديك الدكتور لو تعبانه
سوسن:اسي بكون رجع؟
خالد:الله يرضى عليك م تخليني اندم على كلام امبارح والله بتوجع الف مره وانت عارفاني م بحب اشوفك كدا
سوسن:ربنا يغطي عليكم ويهدي اخوك
خالد باس راسها :يلا فرفشي كدا عشان عندي ليكم حاجة ظريفة كدا
يتبع..
أنت تقرأ
شتات آلروح .. 💓
Romanceروايه سودانيه ..- دائماً أنتِ في المُنتصف .. أنتِ بيني وبين كتابي بيني وبين فراشي وبيني وبين هدوئي وبيني وبين الكلام ! 💛
