شتات الروح 💜
*هبه بابكر*
*تكلمه ال24*
ريم بتتكلم مكالمه جماعيه مع ساره وميامن وبتحكي ليهم عن الحصل ف العرس
ميامن:يخ بلخم كنان دا
ساره :عجيب عديل انا ما عارفاهو كان صاحب مدثر كيف
ريم:انتوا مدثر دا خبرو مقطوع ليهو فتره
ساره :حاجه مريحه والله
ميامن:عندكم ي يمه كنان السرور
ساره :تسمحي لينا ننبرش ي صحبتي
ريم:افصلوها خلوني اشوف ناس البيت بيعملوا ف شنو
خلصت المكالمة بجاي كنان اتصل
ريم بقت تعاين للمكالمه مسافه بعدها ردت
كنان:ريم
ريم:ي هلا والله
كنان:ضارب ليك لموضوع ضروري
ريم:سامعاك
كنان:ما تطلعي من البيت براك خلي معاك زول حتى لو ماشه مكان قريب
ريم بإستغراب:ولييي يعني! ؟
كنان:مدثر بهددني بيك وبي امي ودي كانت آخر مكالمه لي معاهو انا بقدر احمي امي بس انت لازم تعملي حسابك لو بيدي أحميك م كان حأقصر والله
ريم متفاجأه من كلام كنان
كنان اردف:ما حطول عليك بس حأتواصل معاك للاطمئنان إذا حابه
ريم:شككرا شديد
كنان بعد خلصت المكالمة كان نفسو يقول كلام كتيير بس اكتفى بكدا وبعدها قام مشى ناس عمتو
*عند حسام*
وهو جايي من المطار
حسام:منور بلدك ياااه
مؤتمن:المغسه قاتلاني
حسام:كلو بتصلح الفي شنو والماف شنو
مؤتمن :موديني وين انت
حسام :اهلك وناسك
مؤتمن سكت وما علق
*ف البيت عند محمد *
متلمين مع بعض واي زول مبسوط وبعاين للتاني ماعدا آمنه وسوسن لانو ماعارفين شئ
سوسن:والله هي لمة خير واي شئ لكن ما ممكن نكون زي الأطرش ف الزفه كدا
امنه:برري دا لا سمعنا بيهو ولاشفنا
محمد :ماتستعجلوا
بعد دقايق جرس الباب ضرب
ريم كانت حتجري لكن خالد جراا ليها نوور عشان م تخرب الرصه
مشى فتح الباب
ومؤتمن اترمى ف حضن خالد طواالي وبقى ببكي شديييييد
كلهم جوا على الباب
وسوسن بقت تكورك:مؤتمنن مؤتمن
جرا عليها وبقى بقول ف كلام ما مفهووم والبيت اتقلب بيت بكا
سوسن تفكوا منها وتاني تقلدوا
مشى على ابوهو الكان تاكل راسو ف الحيطه وببكي برضو
مؤتمن واتكلم :اعفي لي ياااا ابووووي
وبعد ما خلص فضل ريم
مؤتمن:كبرررتي بعيد عن عيون اخوك
ريم وبتتنهد وهي غارز اصابعها ف كتفو وقالت:كبررتا وعرفت انو مف زول بحل محل زول، وانك حتحن رغم كل شئ، وانو ما دام فينا نفس طالع مصيرنا نتلاقى.. وبدى الصوت يقطع...
حسام واقف بعاين ف المشهد المؤثر شدييد كااان
وقعدوا
امنه:يااااحليلك يا مؤتمن ياا ولدي
حسام قاعد جنب مؤتمن وبربت ف كتفو
حسام :الحمد لله على رجوعك سالم
حسام عاين لخالد
خالد وبعدل ف صوتو:نحنا مفروض م نقول الكلام دا وما وقتو بس لازم يتقال
حسام اردف:مؤتمن انت كنت قاسي على نفسك قبل ما تكون قاسي على اهلك والراجينك ورجعتك عشان الشركه افلست دي مجرد وسيله عشان نرجعك ونوعيك عشان تكون مؤتمن الحنين الزمان شغلك ماشي تمام بس انت الراجع خلف
اي شئ في حياتك عندو عليك حق وانت لغيت كل الحقوق وضاعت من يدك فرصه بعد ما كان عندك القدره انك تملكها
سكتت حسام وواصل خالد:
خالد :دعاء عرست يا مؤتمن بعد ما بنيتو أحلامكم وسعادتكم وانت اختفيت وانجرفت وما عاينت للمدى البعيد وسألت نفسك
اها حيحصل شنو تاني؟
مؤتمن وفي كل كلمه بسمعها كأنو سكاكين ف قلبو
وكلهم ببكوا
محمد:ابدا ما قلنا الغربه ما منها فايده وما حتنفع الزول بس هي سلاح ذو حديين وانت بتحدد مصلحتك وين
حسام :يلا يا ابو الشباب الليله اخدت على راسك ضربه جامده كدا
كلهم ضحكوا والضحكه البتكون وسط دموع دي ليها طعم تاني
وتموا باقي اليوم مع مؤتمن المامصدقين انو جاء
الإنسان يشبهُ تلك الضحكات التي تعودُ برفقة أحدهم، يشبه محطات الأمان المصاحبة للقاء يسدُ حجم الشوق بعد أن طال الحنين وانعدمتْ سُبل اللقاء..
الإنسان يشبه روح أخرى سكنتْ بثنايا قلبه، وتفاصيله البسيطة التي بها يُقاوم بؤس الحياةِ..
الإنسانُ يشبه لحظات جبر خاطره بعد أن كُسر قلبه..
بإختصار يشبه كل تلك الأشياء التي تسللت خفيةً إلى القلب وصنعتْ تلك السعادة بروحه♥️✨..
#علا_جمال
يتبع..
أنت تقرأ
شتات آلروح .. 💓
Romanceروايه سودانيه ..- دائماً أنتِ في المُنتصف .. أنتِ بيني وبين كتابي بيني وبين فراشي وبيني وبين هدوئي وبيني وبين الكلام ! 💛
