شتّات الرُّوح💜🌬
*هبه بابگر*
*9*
خالد جاء داخل البيت وم اتكلم مع اي زول ولا سلّم على مصطفى اللقاهو ف وشو
مصطفى:دا مالو
سامية:مالك ي ولد واقف براك
مصطفى:متحيّر ف خالد البشوفني ولا كأنوا قاعد معاهو ف البيت
سامية هنا حسّت انهم م عاوزنهم وكتروها عليهم ف مشت تتكلم مع وليد
سامية:بعدا نرجع بيتنا خلاص
وليد :ف شنو ي سامية مما جينا انتي متحسسه
سامية:م متحسسه لكن البيت قرب يخلص نقعد فيهو لغايت م ينتهي وكتر خيرهم م قصروا معانا
وليد قام حيلو:الموضوع دا بَحلُّوا انا م تشيلي هم
ريم ف غرفتها
دعاء:مالك الليلة ساكته كدا م على طبيعتك
ريم:الامتحانات قربت والنفسنه
دعاء:كلامك م مريحني والله
ريم ابتسمت:كدي خلينا امشي اعمل لينا قهوة ونجي نتفاهم
ريم وهي طالعة تلفونها ضرب طلعت وقفلت باب الغرفة وقعدت تتكلم ف السِّلم
ميامن:يبت خوفتيني عليك مالك قبيل
ريم:الا احكي ليك ف الجامعة مف طريقة اسي
ميامن: م مطمنه ليك
ريم: خلاص بحكي ليك بعدين ف الواتسب
ميامن:طيب منتظراااك
وهي نازلة خالد فتح باب الغرفة
خالد:ريم تعاااالي
ريم:بسم الله مالو وشك محمر كدا
خالد:مصدع شدييد جيبي لي معاك قهوة
ريم:اكلت حاجة
خالد: لالا شبعان
ريم:خلاص رووق كدا وانا بجيك
مشت المطبخ لقت عمها قاعد
وليد:جيتي ف وقتك المناسب
ريم:تأمر ي سيدي
وليد:داير اتكلم ليك عن مصطفى دا والحاجات الغريبة البعملها
ريم:مكبر رااسسي دااايما
بدا يحكي ليها عن نرفزتو وما بتحمل زول يتكلم معاهو طوالي بهيج
ريم: م حصل وديتو لدكتور
وليد:ابدا والله انا م شايف الموضوع بستاهل دي قلة ادب منو ساي
ريم :لالا الموضوع دا عاوز قعدة دقيقة أودي القهووه واجي
جاء مصطفى داخل قبل م تمرق
مصطفى:اديني الكباية الجنبك ديي
ريم ادتها ليهو وبقت تعاين ليهو مسافة وهو بشرب
وليد:مشيت شفت العمال الليلة
مصطفى:لا
وليد رفع صوتو:انت كلو مرة معاكس وف الحاله دي وما عندك كبير لبتين يعني لبتينن؟
مصطفى وماسك الكباية رماها ف الارض
ريم:عمي اهدأ كدا م تتكلم
وليد:كمان وصلت تكسر ف الحاجات
خالد جاء نازل عشان ريم اتأخرت وبقى بعاين ف المنظر
سوسن:بسم الله ف شنو والكسر الكباية منو
وليد قام على حيلو ومشى على مصطفى:داير ليك اعادة تربييه
سوسن قبّلت على خالد:انت واقف كدا سوق مصطفى دا من هنا
خالد وخلاص عفاريت الدنيا قامت ف راسو: ما هو انا القاهاااا من وييين من البيت ولا من الشغل ولا من مؤتمن..وسكت
بعدها واصل:
ولا من مؤتمن الجاء السودان ليهو ثلاثة يوم وراجع بكرة من غير ما يفقد زول..
بعد كلام خالد البيت كلو كان سامعو
سوسن ماسكه قميص خالد:انت متأكد مؤتمن ولدي جاء وهزتو
ريم بصوت برجف:لالا ي امي ب.بس خالد دا تعبان وما مستوعب ف البقولوا
محمد: دي اخر تربيتي💔
سوسن وبتكورك:طيب ودوني ليهو اشوفوا ،أسلم عليهو بس ان شاء الله اعاين ليهو من بعيد و....
يتبع..
أنت تقرأ
شتات آلروح .. 💓
Romanceروايه سودانيه ..- دائماً أنتِ في المُنتصف .. أنتِ بيني وبين كتابي بيني وبين فراشي وبيني وبين هدوئي وبيني وبين الكلام ! 💛
