شتات آلروح .. 💓

البارت 14

شتّات الرُّوح💜🌬
*هبه بابکر*
*14*

ريم:دعاء ي دعاء لسة م صحيتي
دعاء صنقرت وختت يدها ف وشها:تعبااااانه ياريم راسي حيتفجر
ريم قعدت جنبها:بسم الله مالك
دعاء:هو ف غير مؤتمن انا نايمة صاحية ف المستشفى بفکر فيهو  ما قااادرة م قادره
ريم سكتت
دعاء:هو نحنا لي بنهون على الناس سريع كدا لي البنحبهم بيتعمدوا يؤذونا بالطريقة القاسيه دي انا قدر م حاولت اتناسى م قدرت ولما نرجع البيت ابوي حيسمعني ستين كلمه اني منتظرة حاجه م حتحصل ابدا ولا حنتقدم خطوه والعمر حيضيع
ريم ولسة ساكته لانو لأول مره دعاء تكون واضحه معاها بالطريقة دي
دعاء:ما حتفهميني لأنك م عشت تجربتي ولا حتحسي بوجع امك وابوك عشان م بكونوا عاوزين يدوك الحقيقة الكامله عشان م تشيلي هم عشان كدا حيكون ما هاميك ومافارق معاك
ريم:ماهاميني كيف ي دعاء؟
دعاء:حال اصغر زول ف العائلة دايما بكون كدا
ريم:لما تَمُر المواقف كلها قدام عينك وتكون بتتفرج بس وساكت معناها م فارق معاك؟
ولما خالد يغيّر تعاملوا معانا عشان يقدر يشيل امي وابوي ف كفه وانا ف كفه عشان م يحوجنا نقول يحليل مؤتمن
ولما اكون راقده مع امي واسمعها بتهضرب ب مؤتمن وابوي يقول م عندي ولد غير خالد وممكن يصل لمرحلة عدم العفو
لما تكون متماسك عشان كفاية الناس تشيل همك وهم غيرك معناها م بتحس وما فاهم حاجة؟
انا عارفة انو من حق البنحبو علينا اننا مرات نشرح ليهو يحبنا كيف ..بنحب شنو وبنكره شنو وشنو بيسعدنا وشنو بيتعسنا
لكن كمان بعد ما أشرح وافصِّل..بكون اديتك الامتحان واديتك الإجابات معاهو
كَوْنُ انك تسقط فيه ماعندها غير معنى واحد..
انت اصلا ما كنت ساعي تنجح!
ومؤتمن م كان ساعي لأي حاجة وماف مبرر لموقفو
م لازم اوري الناس اني فاهمه واعيش ليهم حياه دراميّه عشان يقولوا انا بحس وما فرض عين انك لما تكون اصغر زول معناها م حتبالي بالموضوع بالعكس انت اكتر زول حترسخ ف قلبك النّدبات دي
انا اكتر زوله محتاجه افضفض واحككي لخالد بدون م يفهم انو هو قصَّر معاي ولأني م عندو غيرو
ابدا عمرنا م كان ليهو علاقة بإحاسيسنا
ريم سكتت بعد م حسّت روحها مخنوقة و عاوزة تبكي وقامت على حيلها
دعاء:رييييم
ريم بصوت مبحوح:ارح عشان نقوم نفطر وانا ماشة لصحبتي
دعاء:ريم انا لكن.. ريم قاطعتها
ريم:فاهماك انا 
وطلعت من الغرفة طوالي ومشت لحبوبتها ورقدت ف حجرها
امنه:كررعلي يخواني فاقده حنان يبت
ريم:اشتقت ليك
امنه:حاسه بي حأموت قريب ولاشنو
ريم بخلعه:دا كلام تقولي

جاء داخل عليهم خالد وقااشر والريحة م تديك الدرب
امنه:الايامات دي شايفاك مجتهد ف روحك
خالد:داير ابقى قيافة وود ناس
ريم:ماشي وين
خالد:معزووم
ريم:عاين خمسة دقايق واجيك لازم توديني ل ميامن
خالد:ريم لااا حتأخريني
ريم جرَت لبست ليها عباية وشالت شنطتها حقت الجامعة وبقت مارقة
خالد:اللهم إن كان سحراََ فأبطله
كلمتي امي
ريم:اييي من قبيل
المهم وصلها ومشى مشوارو

*عند مدثر ف الجامعة*
مدثر:الليلة ناسك كلهم م جوا
سارة:احسن ريحوني
مدثر:كِنان بكون خايف مني عشان تاني يلعب مع ناس قدروا
سارة بخبث:شايفاهو الايامات دي مع ريم طوالي يتوسوسوا
مدثر:نهايتو على يدي
سارة:وانت مالك مركز مع ريم كدا
مدثر:خلينا من دا انا عاوز قبل الامتحانات تطلعي معاي
سارة:وين
مدثر:نتطلع نتعشى ف اي مكان كلو مره بحنسك م راضيه
سارة:بسس مع ناس البيت مف طريقة
مدثر:ناس البيت ديل بتلهوا بأي طريقة بس انت وافقي
سارة:طيب بحااااول

*عند ميامن ف البيت*
ريم:اها واااصلي
ميامن:السمعتو انو قالوا مدثر اتشاكل معاهو لكن م عارفة المشكلة شنو بالضبط
ريم:تاني م شفتيهو ف الجامعة قبل نهاية اليوم
ميامن:لقيتو كان ماشي على البوابة عملت روحي رايحة قام ناداني
ريم:عنصر التشويق دا م بنفع معاي قولي يخ
ميامن:وشال رقمك
ريم:نعععم يختي واديتي ليهو؟
ميامن:يبت دا كان كفتني طوالي ف اللحظة ديك م شفتي عيونو كانت شرار كيف
ريم:م قال ليك عايزو ل شنو
ميامن:برري م فتح خشمو ومشى طوالي
ريم:نحنا ف فتيل بالمناسبة
ميامن:بالنسبه لشنو
ريم:سارة عندها علاقة مع مدثر
ميامن:ولي م كلمتنا
ريم:م عارفة يخ وكِنان دا حيجوط الدنيا بعد الشكله دي لأنو اصلا شكى لي منو
ميامن:نحنا احسن نكون بعيدين
ريم بتنهيده:ايوه
ميامن:انا حاسه انو العبره خانقاك من قبيل مالك يبت
ريم:نفسي ابككي
ميامن:ابكي يبت الفي شنو والماف شنو نبكي على خيبتنا
ريم اتكلت على ميامن:يارب استر

قال تعالى:
"الأخلآء بعضُهم لبعُض عَدوُُّ إلا المتقيين"💘

يتبع..