شتات آلروح .. 💓

البارت 23

شتّات الرّوح💜
*هبه بابکر*
*22*
*ف بيت ناس.مدثر*
وهو طالع على الجامعة بتتكلم معاهو امو
ام مدثر:الليلة م تتأخر عشان ابوك جايي
مدثر:على حسب الليلة النتيجة م عارف المود يظبط ولالا
ام مدثر:خلي تلفونك فاتح م ممكن كلو مرة قافلو
مدثر:ما تضربوا وقت م اجي بجي انا حر
ام مدثر دخلت غرفتها بدون م ترد عليهو
مدثر ركب عربيتو واتصل ب كنان
كنان:خييير
مدثر:الخير جاييك وعلى يدي ان شاء الله
كنان:انا كلامي معاك خلص من زمان
مدثر:هه دي ياداب البداية ي حبيبنا وحأمسكك من اليد البتوجعك
كنان:ما حتقدر وما حتصل لي أي شئ
مدثر:ريم العاجباك دي والفضحتني قداما وأمك البتحبها حتعرف بعدين حأوجعك ف ياتو زول منهم     عشان تلعب مع القدرك تاني
وقفل الخط..

*عند ناس سوسن*
امنه قاعده مع سوسن
امنه:اسي كويسة؟
سوسن:الحمد لله لكن قلبي واجعني على دعاء
امنه:ي بتي م تحملي روحك فوق طاقتها راعي لمحمد عايني ليهو ساكت وكاتمها ف روحو كيف
سوسن:قلب الام ي امي
امنه:مصير الحنين يجيبك ي مؤتمن بس انت م تشيلي هم عشاني وعشان اولادك
سوسن:إن شاء الله

*ف الجامعةعند ناس ميامن*
ماشين على الكافتريا بعد ما شافوا النتيجة
ريم:هم وانزاااح جبناها كيف الدرجات دي
ميامن:حظوووظ بس يشهد الله
سارة:وااااي انتوا جادين انا م شايلة ماده
ريم:اليوم كلو تنبحي في راسنا انا ما حأنجح
ميامن:يجماعه والله حنيت على مدثر كان اجتهد كان جاب درجات ظابطة
سارة:يستاااااهل
ريم:استغفر الله اسي ف داعي للسيرة دي

وهم بيتكلموا كنان جاء ماري بجمبهم وما سلّم
سارة:ليك حق تفتري يا بروف الدفعه
كنان:اسف والله م انتبهت ليكم
سارة:مبرووك ياخ
كنان:الله يبارك فيك
ومشى
ميامن:نحنا قاعدين حيط هنا م اشتغل بينا
سارة:انا زاتي استغربت مالو سرحان كدا
ميامن:ريم اتكلمي قولي حاجة
ريم:الشطه حارقاني يخ جيبي البارد دا
سارة:اصلو م بتتطوري
ريم:يخوانا يمكن عندو مشكلة م تركزوا
ميامن:قوولي انها حرقتك وكاتماها ف حنانك
ريم:ما حأرد عليكم قوموا خلونا نتمشى

*عند حسام*
بتكلم مع مؤتمن:
مؤتمن:مما رجعت اموري كلها جاطت
حسام:لي الحاصل شنو
مؤتمن:كلو مرة ف مشكلة جديدة واستهتار وانا لو خسرت الشاغلين ف الشركة يلوموا الا روحهم
حسام:خليك قاعد م بتحصل حاجة
مؤتمن:لو المواضيع والشكاوي كترت لازم ارجع ماف حل
حسام انبسط من كلامو والخطه ماشة كويس وقال:طوول بالك يخ انت قدرها
مؤتمن:م مرتاح لكلامك دا
حسام ضحك:بتهيأ لييك
مؤتمن:  يلا لبعدين بوريك البحصل
حسام:اوك

*ف بيت وليد*
وليد بتكلم مع مصطفى
وليد:اها الكروت اتوزعت كلها
مصطفى:كلو جاهز م خلينا زول
وليد: مشيت لعمك محمد
مصطفى:لا
وليد بإنفعال:لييييي
مصطفى:ما قدرت والله حااره ي أبوي
وليد:انت ي ود م بتفهم اختك موافقة واي شئ نصيب

أثناء م بتكلموا جرس الباب دقّ

مصطفى:اوووو ريم منورانا والله
ريم:صفصف كيفك يااخ
مصطفى:كلو تمااام ملخومين بس
سامية:الفي الباب منو ي مصطفى
مصطفى:دي ريم
ريم دخلت لقت وليد وساميه كانت طالعه من المطبخ
وليد بترحيب:دي شنو المفاجآت دي
ريم:مبروك ل دعاء ربنا يتمم على خير
وليد:امييين وعقبالك كدا اتفضلي اقعدي
ريم:لالا مستعجله دعاء موجوده
مصطفى:قاعدة فووق
ساميه جابت ليها العصير
سامية: والله دعاء قبيل ف سيرتك انت وأمك
صحي بالمناسبة امبارح الخط قطع لما كنت بتكلم معاها ورجعت تاني مافي رد
ريم:تعبت شوية كان
وليد:سلامتها مالها؟
ريم:السكري ارتفع لكن اسي كويسة الحمد لله
ريم عاينت لسامية مسافة
وطلعت ل دعاء
ريم:العرووووووووس
دعاء حضنتها:ما بيدي يا ريم اعمل كدا
ريم:الحكايه ارزاق ورزقك ما مع مؤتمن
دعاء:تفتكري حأعيش مبسوطه بعد م اخترتي مصيري بيدي وانا معلقة حبلي لسة مع مؤتمن
ريم:ماهو انا جايه عشان اقول ليك الكلام دا
مافي زول عارف الخير وين يمكن ربنا شايل ليك خير  قدام ينسيك كل الهم المطير النوم من عينك هسساومحسسك انك شايله هموم الدنيا كلها على اكتافك يقينك بأنو ربنا سامعك وشايفك وعارف كل الإنت محتاجاهو  لازم يكون اقوى من يأسك وخوفك،لو عرفت العوض  المستنيك من ربك  عمرك م حتزعلي ابدا على شئ راح منك..
ولازم تواصلي مشوارك ومؤتمن ربنا يهديهو وحيعرف غلطو
دعاء:كلامك دايما بسكتني
ريم:هييي ها بعدا انا ماشة عشان اجهز ليك بكرة واجي اشوفك عملتي شنو 
دعاء:كنت عاوزاك تقعدي معاي لبكرة
ريم:ماف طريقة والله عشان امي وديل لكن من الصباح بكون معاك
دعاء:خلاص تمام

‏طول ما أنت مطمن إن ربنا حيقف جنبك ويجبر بخاطرك حتلاقي فعلا الجبر والعوض قريب💙

يتبع..