Unicode..........မဟာမြတ်မုနိ ဘုရားကြီးတွင် ဖြစ်သည်။
"မရဘူးကွာ ငယ်ပြောနေတယ်လေ နန်းဒီပန်းကို နှစ်ဆပေးဝယ်မယ်လို့ နန်းကို ဒီပန်းရောင်းပေး"
ဘုရား၏ ရှေ့မုဒ်ရှိ ပန်းဆိုင်တွင် ပဒုမ္မာကြာစည်းလေးကို ကိုင်ကာ ဆိုင်ရှင်အား ပိုက်ဆံအတင်းပေးနေသော သူမ။
နန်းရေးငယ်။
စော်ဘွားမျိုးနွယ်က ဆင်းသက်လာသူပီပီ နှင်းကဲ့သို့သော နူးညံ့သည့် အသားရည်ထက်တွင် မြန်မာဝတ်စုံ အနီရဲလေးကို ဝတ်ဆင်ထားသည်။ငယ်စဉ်ကတည်းက အလိုလိုက် အကြိုက်ဆောင် ခံခဲ့ရသည်သူမို့ အနည်းငယ် ဆိုးနေဟန်တူသည်။ယခုလည်း လိုချင်တာ မရသည့် ကလေးတစ်ယောက်လို အနည်းငယ် ဒေါသထွက်နေသဖြင့် ပန်းဆီရောင် နှုတ်ခမ်းလေး နှစ်လွှာမှာ အနည်းငယ် ဆူနေလေသည်။
"တကယ်မရလို့ပါညမလေးရယ် အမတို့ကိုလည်း မှာသွားတဲ့သူဆီက ပိုက်ဆံယူပြီးသား ဖြစ်နေလို့ပါ"
"ဟာ ဒါဆို ပိုက်ဆံပြန်အမ်းလိုက်လေ နန်းကိုပြော နန်းဘယ်လောက်ထပ်ပေးရမလဲ ပြောလေ နန်း အမ တောင်းသလောက်ပေးမယ် နန်း ဒီပန်းကိုပဲ လှူချင်တာ"
လက်ထဲတွင် တစ်သောင်းတန်တွေကို ဆိုင်ရှင်ဆီ အတင်းပေးထိုးပေးနေသည်။ဆိုင်ရှင်ကား မျက်နှာ အထပ်ထပ်ပျက်နေသည်။
"တစ်ခြားပန်းကပ်လိုက်ပါ ညမလေးရယ် အမတို့လည်း တကယ် မရလို့ပါ"
"တောက်စ် မေမေ မေမေယူထားတဲ့ ပန်းတွေပေး ဒီမှာ အကုန်ပြန်ယူလိုက် နန်းတို့ မယူတော့ဘူး "
နန်းရေးငယ်တစ်ယောက် ဒေါ်မာလာနှင်း ယူထားသည့် ပန်းတွေအားလုံးကို ဆွဲလုကာ ဆိုင်ရှင်ကို ပြန်ပေးလိုက်လေသည်။ထို့နောက် ဒေါ်မာလာနှင်း၏ လက်ကို ဆွဲကာ ဘုရားရှိရာသို့သာ ထွက်ခဲ့လေသည်။
.
.
.ယနေ့သည် ဖေဖေရဲ့ သေဆုံးခြင်းနှစ်ပတ်လည်နေ့မို့ ရွှေသင်္ကန်းကပ်ရန် ဘုရားလာဖြစ်သည်။ပဒုမ္မာကြာလှူချင်သည်မို့ သေချာပင် ပိုက်ဆံပေးကာ ကြိုမှာထားလိုက်လေသည်။ဘုရားရောက်တော့ ပန်းဆိုင်သို့ဝင်ကာ ပန်းဝင်ယူရင်း ပန်းသည်အဒေါ်ကြီးက ပန်းကို အားကိုးတကြီး ထိုးပေးကာ...
YOU ARE READING
ရင္နင့္ေအာင္ ခ်စ္ရပါေသာ...ငယ္(complete)
Romanceနန္းေရးငယ္။....။ညီ႕ရဲ႕ အားနည္းခ်က္က ဘာလဲဟင္ ေရျပင္ညီ။......။ ညီ႕ရဲ႕ အားနည္းခ်က္က ငယ္ကိုယ္တိုင္ပဲေလ Girl love Yuri