ရင်နင့်အောင် ချစ်ရပါသော...ငယ်(complete)

part 10

အခန်းထဲတွင် ငယ် အိပ်မပျော်နိုင်။အရုပ်ကို အားရပါးရ ထုကာ သောင်းကျန်းနေလေသည်။ပါးစပ်မှလည်း

"လူယုတ်မာကြီး"
"ငါ့ကို မယူပဲ အပျော်ပဲ ထားမယ် စိတ်ကူးနေတာလား မသိဘူး"
"လာမချော့ပဲ ဆိုဖာ​ပေါ်တင်အိပ်နေတယ်"
"အေး အိပ်နေလိုက် ဝင်မလာခဲ့နဲ့"
"ဂါး လူယုတ်မာကြီး"
"မရခင်တစ်မျိုး ရပြီးတစ်မျိုးနဲ့ "
"စိတ်မမှန်တဲ့ဟာကြီး"

အတော်ကြာသည်အထိ ရေပြင်ညီ အခန်းထဲသို့ ရောက်မလာပါ။ငယ် ဒေါသထွက်ကာ ဧည့်ခန်းထဲသို့ ထွက်လာခဲ့လေသည်။

ဧည့်ခန်းက ဆိုဖာပေါ်တွင် ခေါင်းအုံးမပါ စောင်မပါ အသာအိပ်နေသော ညီ။

ငယ်နှုတ်ခမ်းလေးထော်ကာ ကြည့်နေရင်း ရေရွတ်လိုက်သည်က

"လူယုတ်မာကြီး သူကျ အိပ်ပျော်ပြီး ငါကျ မအိပ်နိုင်ဘူး အိပ်အိပ်...အဲ့မှာ တစ်သက်လုံးအိပ်နေလိုက်"

လက်ထဲက စောင်လေးကို ပစ်ချကာ ခြေထောက်နဲ့ နှစ်ချက်လောက် တက်နင်းလိုက်သည်။ပြီးမှ ဖုန်ပြန်ခါကာ ခြုံပေးလိုက်လေသည်။

(အကျင့်ကို ငါ့လိုပဲ ကောင်းကို မကောင်းဘူး)

ငယ်အခန်းထဲပြန်ဝင်ကာ ကုတင်ပေါ်က အသစ်စက်စက် အရုပ်ကလေးကို ထုရိုက်ရင်း အတော်ကြာမှ အိပ်ပျော်သွားလေသည်။

မနက်မိုးလင်းတော့ ရေပြင်ညီ နိုးထလာသည်။ကိုယ်ပေါ်က စောင်လေးကို ကြည့်ရင်း ပြုံးမိသည်။စောင်လေးတွင် ငယ့်ကိုယ်သင်းနံ့လေးကပ်နေမည်ဟူသော အသိဖြင့် နမ်းလိုက်မိသည်။

(နင်မို့လို့ မရွံ့ မရှာဟယ်😕😕😕)

စောင်လေးကို နမ်းကာ တယုတယ ပွေ့ပိုက်ထားသော သူမကို ဆံပင်စုတ်ဖွားနှင့်ငယ်က ထူးဆန်းအံသြ သလို ကြည့်နေလေသည်။ပြီးမှ မချိုမချဉ်လေး ပြုံးပြကာ အသာရှောင်ထွက်ရင်း ရေချိုးခန်းထဲသို့ ဝင်သွားလေသည်။

ရေပြင်ညီလည်း ရှက်ရှက်နဲ့ အိပ်ရာသိမ်းကာ ထမင်းပွဲ ပြင်နေလိုက်သည်။ငယ်တို့ ထမင်းစားပြီးမှ ရေပြင်ညီ အလုပ်သွားရန် ပြင်လိုက်လေသည်။ဝတ်နေကျအတိုင်းရိုးရိုးရှင်းရှင်းလေး ဝတ်ကာ အလုပ်သွားလေသည်။ငယ်ကား တဝှါးဝှါးသမ်းကာ အိမ်ရှေ့ထိ လိုက်ပို့လေသည်။