ساره: استني بس سها هتقولي لما دوري ييجي
روان:هنروح نستني قدام المكتب لحد أما دورك ييجي
ساره: طب..، ماشي
روان وهي تنظر لها بإستغراب فليس من عادة ساره أن توافق علي شيئ تقوله هي
روان: انتِ بجد موافقه
ساره: ايوه
روان وهي تعاود النظر امامها وتحادث نفسها'هي تعبانه،لأ، عملت مصيبة تانيه وخايفه تقولي، لأ بردو دي مبتخافش من الجن الأزرق حتي،طب،خلاص خلااص مش عايزه اعرف '
_أمام مكتب آسر....
روان: ها دورها جيه ولا لسه ؟
سها: لسه، منا قولتلها أما دورها ييجي هدخلها
ساره: أنا قولتلها نفس الكلام
ثم أشارت علي روان
روان: يا سها احنا بقالنا ساعه كل ده ولسه مخلصش
سها: هدخل أدخله الملف ده وأسأله
روان: تمام، هنستناكي
ثم تركتهم ورحلت
روان: هتدخلي تتكلمي عدل وتاخدي بالك من كلامك وتفكري مره وأتنين وعشره قبل ما تردي، فاهمة
ساره وهي تنظر لها بعدم إهتمام كأن الكلام لا يعنيها
ساره: من العين دي قبل العين دي، ده انتِ تؤمري
روان: ساره انتِ تعبانه حاجه؟
ساره: لأ
روان: انتِ كويسه يعني ؟
ساره: ايوه والله، في اي؟
روان: انتِ آخر مره كلتي فيها امتي؟
ساره: الصبح لما كنا في الجامعة
روان: مكلتيش بعدها؟
ساره: لأ
روان وهي تتحدث بداخلها
'مهو عشان كده، المزرعة السعيدة اللي في دماغك نايمة'
روان: خلاص
ساره وهي ترفع احدي حاجباها
ساره: خلاص
وهي تقوم برفع كتفاها معًا
_في مكتب آسر...
سها: ده الملف اللي حضرتك طلبته
ثم مدت يدها لتعطيه اياه
آسر: تمام، اتفضلي انتِ لما أعوزك هطلبك
سها: آسر بيه هو حضرتك مش هتقابل ساره؟
آسر: هي لسه بره ؟
سها: ايوه
آسر: تمام عشر دقايق ودخليها
سها: تمام
_في الخارج...
ساره: هااا
سها: عشر دقايق وهتدخلي
ساره: أخيرًا، ده ولا كأننا بناخد معاد مع رئيس أمريكا
روان: خلاص بقي، كلها عشر دقايق
ساره: وهو أنا قلت حاجه، وبعدين انتِ قاعده هنا ليه؟! قومي شوفي شغلك
روان: أنا خلصت وخدت إذن إني أمشي فآدم سمحلي لأنه مشي قبلي اصلًا
ساره: ها،عشان كده
روان: عشان كده إيه؟
ساره: لا متخديش في بالك
روان: ده انتِ بارده
ساره: شكراً
روان: عفواً
_في فرنسا...
﴿الكلام المفروض بالفرنسية﴾
"يحيي بيه الكلام اللي بتقوله ده غير منطقي البته"
'ايه اللي في كلامي غير منطقي، أنا إديتك مهله عشان تظبط أمورك وتجهز أموالك يا إلا شركتك هاخدها،مسمعتش الكلام وطنشت،أنا أسف مفيش قدامي حل تاني غير إني أخد الشركه'
"يحيي بيه لو سمحت، فرصة أخيرة، مهله يومين كمان أجهز فيهم الورق اللي هنقل بيه لبلد تانيه "
يحيي وهو ينهض ويقوم بغلق أزرار الجاكيت الخاص بيه
يحيي: للأسف معنديش يومين لإني مسافر بكره، مع السلامة ديمتري
ديمتري وهو يلحقه
ديمتري: أرجوك، ليس عندي مكان أذهب إليه، أرجوك
سما وهي تنظر له بحزن
سما: حسنًا، السبت القادم سيتم أخذ الشركه والبيت وكل شيئ إذا لم تقدم المبلغ
ديمتري وهو يمسح دموعه
ديمتري: شكراً،شكراً جزيلاً لكي
لينظر لها يحيي والغضب يتطاير من عينيه' كيف تعصي كلامه، كيف تفعل هذا'
ثم ينظر لها وهو يقول
يحيي: لن يمر هذا مرور الكرام انسه سما
سما وهي تخفض رأسها فليس هناك ما يمكنها قوله
................
ساره: ها، أدخل ولا هدخليني علي الفجر كده
سها: استني، أدخل أشوف
ساره وهي تقوم بسحبها
ساره: لأ استني انتِ وأنا هشوف
سها:بس..
ساره: سها،دماغي بتوجعني، اقعدي هنا ده ولا كأننا بنشحت منه
ثم قامت بسحب الملف من روان ثم دخلت
روان: إحنا لو سمعنا ضرب وتكسير، إحنا ملناش دعوه، مشفناش حاجه
سها: ايوه، بالضبط كده لتجلسا بجانب بعضهما
سها: تاخدي لب؟
روان: معنديش مانع
لتبتسما سويًا
_في المكتب ...
قامت بفتح الباب ثم دخلت وهي ترتب أوراقها، ليرفع رأسه عن أوراقه ويقول
آسر: انتِ مين سمحلك تدخلي
ساره وهي تقوم برفع رأسها لتفاجئ بهذا الذي أمامها، لم يكن عجوزًا أو أصلعًا وليس لديه كرش ولا يرتدي نظارات، لحظه لقد رأته من قبل لتتذكر علي الفور من هو
ساره: هو انتَ ؟!!
آسر: مش عاجبك ولا إيه؟
ساره وهي تتمتم 'تعجبنب ولا ماتعجبنيش هو انا هتجوزك '
آسر: بتقولي حاجه؟
ساره: لا، مبقولش، ثم أعطته الملف وقامت بالجلوس
آسر وهو ينظر لها يود لو..
آسر: مين سمحلك إنك تقعدي ؟!
ساره : نفس الشخص اللي سمحلي إني ادخل، ممكن بقي نعمل المقابلة عشان اتأخرت ولازم أمشي
آسر: تمام، كلميني عن نفسك، اشتغلتي قبل كده فين؟ معاكي شهاده ولا لأ؟ ليه محتاجه الشغل ؟؟
ساره:مع حضرتك السي في، فيه كل الإجابات اللي حضرتك محتاجها
آسر وهو يكز علي أسنانه
آسر: وأنا مش أعمي، بس عايز أسمع منك
ساره: تمام، اسمي ساره آدم الصياد، لسه متخرجتش، في كلية طب، محتاجة الشغل عشان والدي الله يرحمه وكان لازم أعين أهلي ومكنش عبء عليهم، حاجه تانيه
آسر:آدم الصياد يبقي والدك!؟
ساره: أيوه، بس مش آدم الصياد رئيس شركات الصياد، لان آدم بيه استغرب لما قولتله كده فحبيت أوضح
آسر:أمال يبقي مين ده؟
ساره: والدي كان بيشتغل في احدي شركات المقاولة بتاع حضرتك وحصل حادث انهيار البرج اللي كانوا بيشتغلوا فيه وده اللي ادي لوفاته
آسر: أنا فعلاً سمعت عن الحادثه، بس مكنتش اعرف ان لآدم أولاد بنات أنا أعرف ان كلهم أولاد ومسافرين بره
ساره: اييوه، مهو انا كنت بره ورجعت لما سمعت بالحادثه وقررت أقعد هنا
آسر: وليه تشتغلي انتِ، اخواتك التلاته ميقدروش يعينوكوا انتوا الإتنين؟
ساره وهي تود لو تقتلع رأسه الأن
ساره: هما عايشين بره لأنهم متجوزين هناك، وبعدين حضرتك مش هتعرف أكتر مني
آسر وهو يتفحص الأوراق
آسر : مشتغلتيش قبل كده، أعرف ليه؟
ساره 'هو حمار، منا لسه قايله كنت بره'
ساره: عشان كنت بره مصر، لسه قايله لحضرتك
آسر وهو ينظر لها ويقوم بتضيق عينيه
آسر: أنا فاهم ده، سؤالي ليه مشتغلتيش؟
ساره وقد فاض بها
ساره بنبرةٍ عاليه قليلًا: عشان مقابلنيش ظرف يستدعي إني أشتغل، حاجه تانيه ؟
آسر وهو يبتسم ثم يقوم بالوقوف ومد يده لها
آسر: تقدري تبدأي شغل من بكره
ساره وهي تمد يدها
ساره: لسه في حاجه ولا أمشي؟ ليتصافحا ثم يقول وهو يشير لها بالجلوس
آسر: لازم نتفق علي مواعيد الشغل لأنك لسه بتدرسي مش كده ولا إيه؟
ساره وهي تجلس
ساره: ايوه
آسر: تمام، أظن إنك بتخلصي كليه الساعة ٣ صح؟
ساره: ايوه
آسر: تمام، شغلك هيبتدي من الساعة ٣ للساعه١ عشر ساعات، عندك مشكلة
ساره: ايوه طبعًا ده متأخر جداً
آسر: مظنش إنه متأخر، أنا بمشي الساعة ٣ ومعظم اللي في الشركة بيمشوا الساعة ٢ وبعضهم بيمشي بعد أما أنا أمشي،وبعدين انتِ في القاهرة، القاهره مش بتنام
ساره بإنفعال
ساره: بس أنا بنام، وبعدين المعاد متأخر أوي
آسر: خلاص يبقي نشوف حد غيرك
ساره: اديني مهله أفكر
آسر:تردي عليا بكره
ساره: تمام، عن إذنك
آسر: اتفضلي
_____________
تشااااو
ايه رأيكوا ؟؟
أرجوا تحطوا فوت لو سمحتوا بيفرق فعلاً معايا ...
سـو...🌸
أنت تقرأ
"والقلبُ وما حوىٰ ."
Romanceلِمَ رَحْلَّتَ وَتَرَكْتَنِي؟ لِمَ خَالَفْتَ وَعْدَكْ وَهَجَرَّتَنِي؟، ألَمْ تَقُلْ اَنَّكْ لَنْ تُذِيقَنِي عَذَابَ (الْفُرَاقِ )!، وَلَكِنْكَ خَالَفْتَ هَذا الَوَعَّدَ، لَكِنْ انَا لَنْ اَنْتَظِرُكَ، لَنْ اَبْقَى اَحْلُّمُ بِعَوْدَتِكْ، لَنْ اَذْرُ...
