ساره: سِت الكُل، عامله إيه وحشاني والله
نور: بس يا بكاشه انتِ، إيه الحكايه قولي
ساره: أولاً الحجه نرمين بنت أختك جايه تبرطع معانا هنا قيمة ٥ شهور أو أكتر ولا حاجه
نور: تنور، دي حبيبتي عسل أوي وقمر كده في كلامها وطيبه وهبله زي ناس كده عارفاهم الناس دول
ساره: إلَّا عارفاهم، ثانيًا بقي، دكتور مازن كلمني انهارده وحكالي علي الموضوع وقالي إنك عارفه
نور وهي تنظر لها بقلق هي لم تكن تود أن تعرف ساره بالأمر الأن ولكن لقد آن الآوان
نور: وانتِ إيه رأيك؟
ساره وهي تترك مابيدها وتجلس قبالة أمها
ساره: رأي في إيه بالضبط، في حكايه بابا والجوابات وعدم معرفته إنه يرجع ولا لأ،ولا أخويا اللي ماسك معظم الشركات ومعرفش عنه حاجه
نور وهي تنظر لها بحبِ ثم تُربت علي يديها
نور: إيه رأيك نتكلم في الموضوع ده لما أختك تيجي
ساره: تمام هستني، بس.. في حاجه تانيه عايزه رأيك فيها
نور وهي تنظر لها ونظراتها تَحُثها علي التكلم
ساره: أنا قدمت في شركة آسر الصياد
نور: أنا عارفه الموضوع ده، المهم أتقبلتي ولا لأ؟
ساره: بصراحه، قبولي مرهون بشرط..
نور: إيه الشرط ده؟
ساره سردت لها شرطه مع عدم موافقتها عليه
نور: بس ده متأخر قوي يابنتي
ساره: قولتله كده برضو قالي القاهره مش بتنام' وهي تقوم بتقليده بطريقه مضحكه'
نور وهي تضحك
نور: ماشي موافقه بس نخلي رجوعك الساعه ١٢،١١ كده
ساره: ماشي هتكلم معاه في الموضوع ده
لتجلسا معًا ويشاهدا التلفاز بإنتظار إكرام ونرمين
_في المشفي ...
قامت نرمين بمقابلة المدير وتم الموافقه علي عملها وأخذت الإذن بالبدأ بالعمل اليوم لتذهب مباشرةً لعملها
نرمين وهي تقوم بتفحص أحد المرضي مع إكرام في الإسعافات
نرمين: كوكو، هو في دكتور هنا إسمه دكتور إياد جمال؟؟
إكرام: اه في، بس ليه؟
نرمين: ها ولا حاجه،حمد الله علي السلامه ياحج
' الله يسلمك يا بنتي'
إكرام: أنا هروح أجيب التحاليل وانتِ هتروحي تشوفي الحاله اللي في الأوضه ٢٥٨٨، ماشي؟
نرمين وهي تقوم بحمل الأوراق
نرمين: ماشي، خدي الورق ده وديه بقي وانتِ راحه لقسم التحاليل
إكرام: هاتي، عايزه حاجه؟
نرمين: مين الدكتور ولا الممرض اللي هيكون معايا؟
إكرام: هتروحي للحاله هتلاقي الطبيب المساعد اللي معاكي هناك
نرمين: ماشي، باي
إكرام: باي
_في الغرفه ٢٥٨٨...
نرمين وهي تقوم بفتح الباب لتجد الطبيب المساعد أو الذي سيكون مشرفًا عليها يقوم بإيصال الكنيوله في يد المريض
نرمين: السلام عليكم، انا دكتور نرمين هكون الطبيب المساعد مع حضرتك
ليرد لها السلام وهو مازال مديرًا ظهره لها
' وعليكم السلام، ممكن تجيبي اللزق اللي هناك ده '
نرمين وهي تقوم بإعطائه اللاصق
نرمين: اتفضل
ليقوم بأخذه دون الإلتفاف
' شكرًا'
نرمين: ازيك يا كتكوت انتَ يا صغنن؟
ليرد الطفل عليها
' انتِ هبله ولا إيه'
ليضحك الطبيب وتُفاجأ نرمين بهذا الطفل
نرمين:ماشي ياسيدي هبله هبله، اسمك إيه بقي؟
وليد: أنا وليد
نرمين: وليد، الله أسمك حلو هعجب بيك خلاص
ليلتف إليها الطبيب أخيراً وهو يقول
' هو أي حد إسمه حلو تعجبي بيه، علي العموم، أهلاً أنا إياد جمال هكون الطبيب المشرف عليكي في فترة اختبارك
ثم يمد لها يده
لتنظر له بذهول وتمد له يدها في حالة من الذهول والإستفهام
نرمين: ها، اه اه أهلاً وسهلاً أهلاً وسهلاً، إيه فترة الإختبار دي، هو مش أنا أتعينت خلاص
' ده انتَ طلعت احلي في الحقيقه بعشرات عشرات المرات'
إياد: هو انتِ فعلاً اتقبلتي دي بتبقي فتره بنقيمك فيها هنشوف هتقدري تكملي معانا هنا في المستشفي ولا مثلاً تروحي قسم تاني او مستشفى تانيه
نرمين: طب والفترة دي قد إيه ؟
إياد: حوالي أسبوعين
نرمين: بحالهم، وطبعًا طول الفتره دي هبقي متراقبه وأي غلط روحت في الباي باي، مش كده ؟
إياد وهو يبتسم علي طريقه كلامها لتُهيم هي في ضحكته
إياد: إن شاء الله مش هيحصل أخطاء
ليبدأ بتعريفها علي المريض ويأخذها في جولة في المشفي ويعلمها قوانين المشفي وتقوم إكرام أيضاً بأداء عملها ليرحلا أخيرًا عند الساعه ١والنصف
_عند مدخل البيت ...
نرمين: أخيرًا، هستريح ده أنا اتهديت
إكرام وهي تقوم بإستخراج مفتاح المنزل من حقيبتها وتفتح الباب ثم تدلفان
إكرام: انتِ عارفه أوضتك فين ولو عايزه تنامي مع ساره مفيش مشكله، أروح أنا بقي استريح عشان معدش فيا حيل
ليأتيهما صوت ساره من ورائهما
ساره: يلا يا حبيبتي انتِ وهيا كده كل واحده تدخل حمام تستحمي وتطلع علي محط الأكل وإياك أشوف واحده عالسرير، يلاا
نرمين: مفيش حمد الله علي السلامه طيب؟
ساره: مفيش، يلا عالحمام
لتنصاع الإثنان لكلامها لتخرجا لتجدا الطعام علي المائده لتجلسا ويقوما بتقبيل يد أمهما
نور وهي تحتضن نرمين
نور: أهلا ببنت الغاليه نورتي البيت يا روحي
نرمين: منور بأصحابه ياخالتو
لتسمعا تريقه ساره
ساره: منور بإصحابه يا خالتواا، اقعدي اطفحي
نرمين: اطفحي!! إيه اطفحي ديه؟
ساره: به مش انا اللي يتعدل علي كلامها
لتقترب من اذنها وتقول
ساره: وهعرف إيه سر الزياره السعيده دي إن ماكان وراها إياد ابقي أقطع دراعي من هنا
لتقوم بالطبطبه علي ظهرها
ساره: كُلي كُلي، عندنا سهره صباحي
ساره وهي تقوم بإحتضان إكرام
ساره: حمد الله علي السلامه، يومك كان عامل إزاي ؟
نرمين: أنا اللي المفروض يتعملي كده علي فكره
لتقوم ساره بإحتضانها هي الأخري
ساره: وهو أنا عندي حد هينقطني زيك
إكرام وهي تضحك
إكرام: اليوم كان حلو، إنما إيه الحكايه عايزه إيه؟
ساره: ولا عايزه حاجه خالص، كُلي وفوقيلي بس كده عشان ورانا قاعده
إكرام: أنا قلت كده برده
______________
تشاااو...
ايه رأيكم؟
فوت لُطفًا وليس أمراً...
سُـو...🌸
أنت تقرأ
"والقلبُ وما حوىٰ ."
Romanceلِمَ رَحْلَّتَ وَتَرَكْتَنِي؟ لِمَ خَالَفْتَ وَعْدَكْ وَهَجَرَّتَنِي؟، ألَمْ تَقُلْ اَنَّكْ لَنْ تُذِيقَنِي عَذَابَ (الْفُرَاقِ )!، وَلَكِنْكَ خَالَفْتَ هَذا الَوَعَّدَ، لَكِنْ انَا لَنْ اَنْتَظِرُكَ، لَنْ اَبْقَى اَحْلُّمُ بِعَوْدَتِكْ، لَنْ اَذْرُ...
