" قُـلتُ لـ أحلامي تعالـي ؛ فـ تعالـت .. !! "
_________________________________
هبه: أنتِ مش إديتيهم العجين اللي إنتِ عاملاه إمبارح ليه؟ كان سهّل عليهم شويه
نور: قُلت أخليه لو حاجه باظت، وبعدين إنتِ عارفه ساره بتحب تعمل العجينه وتشكلها، وكمان خلينا نشوف هيعرفوا ولا لأ
في الجهه الأخري تقوم نرمين بلكز ساره بمرفقها
ساره: عايزه إيه؟
نرمين: أنا خايفه، باين عليهم بيعرفوا يطبخوا وهننهزم إنهارده، وهيسونا
ساره: فعلاً، بس خفي بس إنتِ
لتقوم ساره بالنظر للإطمئنان علي سير فريقها لتصدر منها شهقه كبيره وهي تتجه إلي رؤي وجيلان وسما اللذان كونا فريقاً معاً
ساره: أنتوا هتعملوا إيه؟
جيلان: بنعمل عجينه! ليه؟
ساره: وأنتوا هتحطوا السكر ده كُله؟!
رؤي: قليل..! صح؟، أحط كمان؟
لتقوم ساره بالإنفعال عليهم
ساره: هو إيه اللي قليل! ده أنتِ هتحطي نص الكيس يا ظالمه، هي ربع معلقه بالكتير، مش بنعمل حلويات هنا
سما: خلاص متزعقيش طيب
ساره: أعملوا اللي قلت عليه ومتبظوش حاجه
ليومئوا بالموافقه
آدم: علي فكره اللي بتعمليه ده غش
ساره: ياعم إتنيل..، إلحق بس المايه اللي في إيدك ديه
مازن: خليكِ إنتِ في شُغلك ملكيش دعوه بينا
ساره: ساعدهم يا وقّاص، هيخلوها صلصه
وقّاص: آسر هيساعدهم هو وإياد كانوا واخدين قرص عجين
ساره: ليه؟
ليقرر آسر التكلم ليقاطعه آدم
آدم: عشان آسر لما كان مسافر البلد اللي كان فيها مكنش فيها مخابز وكده، كان المخبز مابينه وبين سكنه ساعتين ونص، فكان بيعمل العيش بتاعه بنفسه
ساره: لا بجد! لا طلع حلو وبيعرف يتصرف، مش مدير ماشي يهزق في اللي رايح واللي جاي
آسر: سااااره، هرفدك
ساره: أنا مش بتهدد، وسرّع إيدك شويه خليك حركي
ليقوم آسر بقذفها ببعض الدقيق
آسر: غوري ياساره
لتشهق ساره علي إثر فعلته
ساره: متفقناش علي كده
ليجيب مالك ببعض الماء علي وجهها
مالك: كده ناقص البيض واللبن وتخشي الفرن
ساره: خلي أخوكي يتلم يا روان
لتقوم روان بتحذير مالك
روان: ماالك
مالك: نعم!
روان: معايا سيديهاتك
ليسئل الجميع في نفس واحد
' سيديهات إيه؟'
ليقوم مالك بتحذيرها وهو يمسك مطرقه العجين
مالك: عارفه لو شُفت بوقك ده بيتحرك
لتفهم هي الباقي دون كلام
_بعد ساعه إلا ربع....
كانوا قد إنتهوا من صنع العجين ووضعوه ليختمر، وثم قاموا بالذهاب ليستريحوا
قاموا بالجلوس علي الأرض العشبيه مكونين دائره،
لتأتيهم نور ببعض الفطائر والكيك
نور: خدوا كلوا عشان المجهود اللي عملتوه
آدم: تسلمي يا...، أناديلك بإيه؟
نور: نادولي بإسمي نور أو هدي
ساره: إلا أنا طبعاً
إياد: طب إحنا هنعرف مين الكسبان ومين اللي هيتعاقب إزاي؟
أنت تقرأ
"والقلبُ وما حوىٰ ."
Romanceلِمَ رَحْلَّتَ وَتَرَكْتَنِي؟ لِمَ خَالَفْتَ وَعْدَكْ وَهَجَرَّتَنِي؟، ألَمْ تَقُلْ اَنَّكْ لَنْ تُذِيقَنِي عَذَابَ (الْفُرَاقِ )!، وَلَكِنْكَ خَالَفْتَ هَذا الَوَعَّدَ، لَكِنْ انَا لَنْ اَنْتَظِرُكَ، لَنْ اَبْقَى اَحْلُّمُ بِعَوْدَتِكْ، لَنْ اَذْرُ...
