"كُل إنسان جميل بشكل ما"
_________________________________
لتنظر ساره لأياد وتستأذنه ليأتي خارجاً
ساره: أفهم بقي
إياد: تفهمي إيه بالظبط؟
ساره بغضب مكبوت
ساره:إياد أنا روحي في مناخيري أصلاً، إخْلص
إياد: كل الحكايه أنه فقدان ذاكره مؤقت مش أكتر،وبمرور الأيام وأنا وانتَ والشباب عنحاول نرجعلها ذاكرتها شويه شويه
ساره: أنا هروح أحكيلها كل حاجه وهي هتتفتكر
إياد: ساره الصدمه وحشه عليها، هي هتاخد فتره قصيره جدا، حاولي بي توريها صوركوا وصور لبلدها وهي هتفتكر بس بهدوء يا ساره
ساره:هتخرج أمتي؟
إياد مزمجرًا بغضب
إياد: أومال أنا عمال أقول إيه من الصبح، فقدان ذاكره، شلل إرتجاج في المخ، كسور، إيه كل ده وبردوا هتخرج أمتي؟
ساره: طب وأنتَ بتزعق ليه طيب؟
إياد وهو يتركها راحلاً
إياد: ياااارب
_إنجلترا ...
تحديداً في أحد المقرات السريه
:يجب علينا أن نجد حلاً قبل فوات الأوان
:يجب علينا أولاً أن نعرف من بيننا هو الخائن، إذا وجدناه سيتم كل شيئ بسلاسه
ليدخل عليهم أحدهم، ينظر لهم بتشفي
يراهم كما الحمقي لا يستطيع أي منهم التفكير
: المشكله أنكم دائماً تنظرون من نفس الإتجاه وتنظرون دائما للنصف المظلم
: حسنا، لايهم من أين ننظر يجب أن نعرف ماذا سنفعل الأن
لينظر لهم مرة أخري ويتركهم ذاهبا
:نلتقي الساعه الثانيه بعد منتصف الليل وراء الملهي الكبير سأرسل لكم الموقع الأن، لا أريد أن يتعقبكم أحد، إذا تم وكُشفنا هذه المره ستكونون أمواتاً تحت التراب
ليتركهم ويذهب ويذهبون كل واحد في طريقه
ليهمس أحدهم في الهاتف
:اللقاء الساعه الثانيه بعد منتصف الليل وسأرسل لكم الموقع الأن
:يجب أن تتوخي الحذر، لا نود أن يتم كشفنا وإلا ستقُتل كل عائلتك فرداً فرداً، وداعاً
:وداعاً
_في مول العرب ...
آسر: مش يلا نروح بقي، أنا تعبت، خدي شيلي حبه طيب
رؤي: أمال أنا جايباك ليه يا حبيبي، وبعدين أنت أخويا حبيبي، هجيب مين يعني؟!
آسر: أنا ممكن أتبري منك عادي، وبين حد يشوفني من الشركه يقول إيه؟!!
شغال مرمطون...
رؤي: طب خلاص، هخش أشوف حاجه هنا وأجي أستناني
لينظر إليها من ورائها ويقوم بسبها داخله
لتخرج له بعد مده وبجانبها آدم ليبحثوا عنه ليجدوه أخيرًا
رؤي: فكرتك مشيت
آسر بحنق
آسر: منا متّلئح أهو
ليضحك آدم عليه ويقوم بإستفزازه
آدم: مش عيب علي راجل كبير زيك صاحب شركه وإسم يقعد القعده دي، طب ما الديسك هناك أهو
آسر: لأ أنا عاجباني الأرض عندك مانع؟!
ليقوم آدم يرفع يده علامة علي الإستسلام
آدم: أبدًا
لينهض أسر قائلاً
آسر: أقدر أروح بقي ولا لسه عايزه تهينيني كمان شويه؟!
لتقوم بكتم ضحكاتها
رؤي: لا كتَّر خيرك
آسر: حشراها ليه؟ طلعيها مش هتيجي عليها يعني
لتنفات منها الضحكه ليصدح صوتها في المكان،
لتنظر لهما لتري أنهما ينظران لها كأنها قامت بتفجير ما،
ليقولا الإثنان في نفسٍ واحد
'يلااا'
لتمشي أمامهم مُنَكّسَة الرأسٍ
آسر: ناس ماتاجيش غير بالعين الحمرا
لترد عليه سريعاً
رؤي: لا باجي بالخضرا عادي علي فكره، أو الزرقا
آسر مصتكاً علي أسنانه
آسر:قدامي يا بنت تهاني، قدامي
رؤي: علي فكره إسمها نهله
وثم تسرع بقدمها إلي الباب قبل أن يسحقها بالحائط الأن
آسر: يابنت...
آدم: روق، أمال هتعمل إيه لما ربنا يبتليك بواحده هتقضي معاها عمرك كله
آسر: أولاً هكون بحبها فهيهون كل ده
آدم: وثانياً؟
آسر: مش هتبقي زي مقصوفة الرقبه دي
لينظر له آدم ضاحكاً
آدم: ربنا يبتليك بواحده زي ساره، أو روان الإتنين يطفشوا بلد
عشان تقول حقي برقيتي
_________________________________
_سُـو...🌸
أنت تقرأ
"والقلبُ وما حوىٰ ."
Romansaلِمَ رَحْلَّتَ وَتَرَكْتَنِي؟ لِمَ خَالَفْتَ وَعْدَكْ وَهَجَرَّتَنِي؟، ألَمْ تَقُلْ اَنَّكْ لَنْ تُذِيقَنِي عَذَابَ (الْفُرَاقِ )!، وَلَكِنْكَ خَالَفْتَ هَذا الَوَعَّدَ، لَكِنْ انَا لَنْ اَنْتَظِرُكَ، لَنْ اَبْقَى اَحْلُّمُ بِعَوْدَتِكْ، لَنْ اَذْرُ...
