"أنا لا أنسي،
أنا فقط أترُك الأشياء جانباً💔"
_________________________________
_في صباح يوم الجمعة أستيقظ الجميع وذهبوا لصلاة الجمعه، إلا بيت واحد
ساره بصراخ
ساره: قومي يا جزمه منك ليها عشان تصلوا ونروح عند أمي
لتقوم بالذهاب إلي سرير روان
ساره: روان يا روااان، أنتِ يا زفته، نايمه تحت الأرض قومي بدل أما أعمل فيكي زي المره اللي فاتت
لتتذكر روان ماحدث لتقوم علي الفور من مكانها وتقوم بالذهاب إلي الحمام دون أي كلمه
ساره وهي تقول بصوت عالي نسبياً لكي تسمعها
ساره: الجردل عامل شُغل، عشر دقايق وألاقيكي قُدامي
روان وهي تتثائب
روان: في الحلم إن شاء الله
ساره: هنشوف
وثم تتركها لتذهب إلي نرمين
ساره: وأنت يا أخت جليله هانم، مش هتصحي
لترد عليها نرمين ناعسه
نرمين: ساعتين وتعالي تاني
ساره: ساعتين، من عيوني
وثم تتركها وتذهب إلي آيلا لتجدها قد أستيقظت
ساره: بجد!؟، لا مش معقول! قولي والله كده
آيلا: هقوم راحه نايمه تاني ومش هتشوفي خلقتي غير الفجر
ساره: خلاص يلا بس بسرعه، هاتي ورقه من دي
لتقوم آيلا بإعطائها ورقه من مزيل الشعر
آيلا: هتعملي بيها إيه؟
ساره: تعالي وأنتِ تعرفي، ونادي علي روان، وجهزي التليفون
ليقوموا بالذهاب إلي غرفة نرمين بعد مناداة روان وتقوم ساره بإلصاق الورقه علي قدمها
ساره بصوت خفيض
ساره: جاهزين؟
ليوقوموا بالإيماء لها علامة علي الموافقه وهم كاتمين ضحكاتهم لما هو آتٍ
لتقوم ساره في جزءٍ من الثانيه بسحب الورقه، ليسمعوا صراخ نرمين المتآوه
نرمين: ياولاد...، آه، آه
ليدخلوا في حالة من الضحك ليتوقفوا فجأة ناظرين لها بذهول ليتراجعوا ببطء وهم يرون في أيديها تحفه من التحف الموضوعه بجانبها والأخري ممسكه بمضرب الناموس
ساره: إستهدي بالله كده وصلي علي النبي، وبعدين بنهزر يعني، متقفشيش
نرمين وهي تنظر لآيلا
نرمين: أخرجي أنتِ من الليله دي عشان مترجعيش المستشفي تاني، والمرادي مش هتخرجي منها
لتنظر لهم آيلا بحزن علي ماهو قادم لهم
آيلا: طب أستأذن أنا بقي
لتقوم بالإسراع إلي الحمام وغلق الباب عليها
نرمين: نسمي الله، وحدوه
لتقول روان وساره في نفس الوقت
'لا إله إلا الله'
وثم يبدءان بالركض خارج الغرفه ونرمين ورائهم حتي وصلا إلي الصاله لتحول بينها وبينهم طاولة السفره
روان: ورينا بقي هتجيبينا إزاي؟
وفي أثناء ذلك كانت قد دارت حول الطاوله وقامت بمسكهم من مؤخره عنقيهما
ساره وهي تنظر لروان
ساره: كان لازم تتكلمي يعني؟!
روان: مكنتش أعرف أنها سوبر هيرو للدرجه دي
نرمين: خلصتوا؟! أعمل فيكوا إيه بقي؟
ساره: ولا أي حاجه، ده أنا حتي بنت خالتك، وبينا عيش وملح، وكده يعني
وبعدين أنتِ قلبك طيب وهتسامحينا
نرمين: لأ، مش بسامح، قلبي حجر
ساره: بقي كده..!
نرمين: أه كده
أنت تقرأ
"والقلبُ وما حوىٰ ."
Romantizmلِمَ رَحْلَّتَ وَتَرَكْتَنِي؟ لِمَ خَالَفْتَ وَعْدَكْ وَهَجَرَّتَنِي؟، ألَمْ تَقُلْ اَنَّكْ لَنْ تُذِيقَنِي عَذَابَ (الْفُرَاقِ )!، وَلَكِنْكَ خَالَفْتَ هَذا الَوَعَّدَ، لَكِنْ انَا لَنْ اَنْتَظِرُكَ، لَنْ اَبْقَى اَحْلُّمُ بِعَوْدَتِكْ، لَنْ اَذْرُ...
