_في منزل روان ....
تجلس في غرفتها تتصفح أخر الأخبار لتتقلب علي ظهرها
روان: إيه الملل ده؟ أنا هلبس وأروح لساره
وما كادت تقف حتي سمعت نداء والدتها
هبه: يا رواان، انتِ ياللي مرحتيش الجامعه يا فاشله، هتسقطي
روان وهي تخرج مجيبةً علي والدتها
روان: انتِ لو كنتِ عاوزه تعرفي الشارع إني مرحتش الجامعه وإني فاشله ومليش مستقبل، مش هتعملي كده
هبه: يلا يا لمضه قومي في طبقين في المطبخ أغسليهم
روان: وهو كل حاجه أنا، عايزه تنشري هدوم تعالي ياروان، عايزه تلمي هدوم تعالي يا روان، عايزه تغسلي المواعين تعالي ياروان، هو مفيش ألا روان في البيت ده، مليش دعوه خلي مالك يغسلهم هو
هبه: مين ياختي، وانتِ مش مروحتيش الجامعه ولسه ساعتين علي الشغل خشي أغسليهم، وبعدين مش هقول لأخوكي حاجه ده كفايه إنه بيروح المستشفي ويرجع يا عيني مهدود
روان وهي متجهه إلي غرفة أخيها
روان: مااالك يا مااااالك
هبه وهي تلحقها
هبه: جاي تعبان من إمبارح، متصحيهوش حرام عليكي
روان: هتغسليهم انتِ؟
هبه: لأ، انتِ اللي هتغسليهم
روان: خلاص بقي
لتتركها وتركض لغرفة أخيها وتغلق الباب من الداخل
هبه: روان متصحيهوش، طب ماشي أنا مستنياكي أهو
لتتركها روان وتذهب لإيقاظ أخيها، لتقوم بهزه ليستيقظ
روان: مالك يامالك، اصحي بقي يا أخي منستنفعش منك بحاجه
ليستيقظ فورًا فهو معتاد علي هذا، لينهض وهو يفرك عينيه
مالك: نعم، عايزه إيه؟
روان: أغسل وشك وتعالي وأنا أقولك
ليقوم بتركها والذهاب ليفتح الباب ولكنها توقفه
روان: لأ أغسل وشك في الحمام ده، أمك مستنياني بره وحالفه لتموتني
مالك: عملتي مصيبة إيه؟
روان: وانتَ تعرف عني كده
مالك: ده انتِ أم كده
روان: طب خف بقي، ماشي!؟
لتقوم بدفعه لداخل الحمام الملحق بغرفته ليغسل وجهه ويخرج
مالك: ها، خير؟
روان: انتَ هتروح الشغل أمتي؟
مالك وهو يفتح الدولاب الخاص به ليُخّرج ملابس يرتديها
مالك: دوام ليلي
روان: الله ينور عليك، يعني هتمشي الساعه ٧،٨ كده
مالك: ايوه، خير بقي، عشان عايز أغير
روان: في طبقين في المطبخ عايزين يتغسلوا وفي هدوم علي الحبل عايزه تتلم وبصراحه أنا شاده مع أمك وهنضرب بعض بالفازات ف ..
مالك: ف إيه بقي؟
روان: ينفع تغسلهم وتلم الهدوم؟
مالك: وانتِ هتعملي إيه؟
روان: أنا هلبس وأروح الشركه بدل ما أمك تقتلني هنا وتخفي الجثه تحت السرير
مالك: وهو انتِ مش معادك الساعه٣
روان: ما ساره هناك، هروحلها
مالك: ماشي، وسلميلي عليها
روان: ماشي، هنخرج إزاي بقي؟!
ليذهب ليفتح الباب ويخرج ليجد والدته أمامه وبيدها الشبشب
مالك وهو يضحك
مالك: هو انتِ واقفه ومستعده بالسلاح
هبه: هي فين؟
مالك: خلاص، سامحيها عشان خاطري، وأنا هغسل الأطباق وألم الهدوم وشوفي لو في حاجه تانيه وأنا هعملهالك
هبه: ضحكت عليك بكلمتين بردو، ماشي ياسيدي عشان خاطرك انتَ بس
مالك: تسلميلي يا غاليه
أنت تقرأ
"والقلبُ وما حوىٰ ."
Romanceلِمَ رَحْلَّتَ وَتَرَكْتَنِي؟ لِمَ خَالَفْتَ وَعْدَكْ وَهَجَرَّتَنِي؟، ألَمْ تَقُلْ اَنَّكْ لَنْ تُذِيقَنِي عَذَابَ (الْفُرَاقِ )!، وَلَكِنْكَ خَالَفْتَ هَذا الَوَعَّدَ، لَكِنْ انَا لَنْ اَنْتَظِرُكَ، لَنْ اَبْقَى اَحْلُّمُ بِعَوْدَتِكْ، لَنْ اَذْرُ...
