Esta Guerra (COMPLETED)

32

Secretive

"Liyag", gabing-gabi na ay nakuha pang pumunta ni Cade. Paano kasi ay hindi siya makatulog ng ayos dahil sa nangyari kanina. Hindi kasi ako nag re-reply sa kanya kaya kung anu-ano ang pumasok sa isip nito.

Hindi niya alam ay nagcharge lang ako ng cellphone kaya pati tawag niya ay hindi ko nasagot. Kusa kasi itong nag sh-shut down kapag lowbat na.

Buwan ang nagbigay ng liwanag upang mapansin ang mata niyang namumungay.

Humikab siya bago ulit magsalita.

"Yung kanina... Patawad... Nabigla ako. Hindi ko intensyon na masaktan ka"

Pilit niyang inabot ang palapulsahan kong namula dahil sa ginawa niya. Pero iniwas ko iyon.

"Naiintindihan ko", matamis akong ngumiti.

"Tara na't matulog. Wag ka ng mag aalala. Hindi ako galit. Nainis lang ako"

Tinitigan niya kong mabuti upang makasiguradong hindi ako nag sinungaling sa sinabi ko.

"Ayokong may negatibo kang nararamdaman sa akin bago ka umalis", kinagat ko ang aking ibabang labi para hindi mahalata ang kilig at saya na nararamdaman ko.

Humugot ako ng paghinga. "Wag mo ng alalahanin yon. Lipas na yon. Good night. Matulog ng mahimbing"

"Ikaw rin, Liyag. Matulog ka ng mahimbing. Mag iingat ka para bukas", hinaplos niya ang aking kamay bago siya umalis.

Nakakalungkot isipin na hindi ko siya maabutan bukas ng umaga dahil may pasok siya. Ang alam ko ay performance ngayon ng kanyang klase bilang final requirements sa kanya.

Ako naman ay bumalik ng kwarto at nagpatuloy sa aking pagtulog. Nag dahan-dahan ako sa paghinga dahil mahimbing ang tulog ni Letty.

Maaga akong nagising at tila yata natutunan ko na ang body alarm clock sa isa't-kalahating buwan na paninirahan ko dito.

Umupo ako sa tabi ni Letty na nagpapalaman ng tinapay at iniabot niya ang isa sa akin. Si Manang Evy naman ay binigyan ako ng gatas na nasa tasa.

"Kailan ang balik mo dito?", maagap na tanong ni Letty habang ngumunguya.

"Hindi ko pa alam pero hindi naman ako aabutin ng buwan"

"Bakit? Hindi ka ba sasama pauwi?", dahan-dahan pag tango nito.

"Baka kung anong magawa ni Kuya dito habang nag iisa siya", taka naman akong sumimsim ng gatas sa sagot nito.

Si Mang Ben naman na kakalabas lamang mula sa banyo ay kinakaligkig ang katawan. Inabutan siya ng isa pang towel ni Manang Evy bago tuluyang pumasok sa kwarto nila upang magbihis.

Naalala ko yung pumunta kami ng Baguio para mag shooting sinama ko doon si Mang Ben. Nalaman kong lamigin siyang tao. Ilang patong kasi ng damit ang palagi nitong suot. Ilang beses lang yata siyang hindi naligo sa loob ng ilang buwan na pag stay namin doon.

"Piper, ikaw muna ang maligo. Pinagmamadali ka ng Donya Leonora. Tumawag siya sa akin kanina lang", saad ni Manang Evy.

Minadali ko ang pagkain ng tinapay at diretsong ininom ang gatas. Patakbong kinuha ko ang towel saka naligo sa banyo. Hindi ako masyadong nagtagal dahil sa pagmamadali. Si Manang Evy na nag aabang sa may pinto ay pumasok ng banyo pagkalabas ko.

Si Abel ay bumungad sa harap ko bago ako pumasok sa silid. Takang tumingin siya sa akin. Humikab siya at ilang beses kumurap bago ako nakilala.

"Ingat ka. Balik ka dito mangungulila sayo si Cade"