فى منزل عبد العزيز البدرى وبالتحديد فى مكتبه ،،،
وقع كوب العصير على الأرض وبدأ جسد سمية ينتفض فقام عبد العزيز من مكتبه ووقف أمامها وحاول تهدئتها قائلاً : سمية متخافيش انا فى ضهرك وهاخدلك حقك وهجيبلك حق بنت اخوكى و هدور عليها وأجيبهالك كمان ومش هسيب حد يأذيكى أبداً ولا يأذوها وأنا خلاص وصلتله وعرفت مكانه وعينت حد يراقبه ويعرفلى تحركاته لحد ما اوصل لكل حاجة عنه وأعرف كل المعلومات اللى عايز أعرفها عنه وبعد ما اعرف كل حاجة هجيبهولك زى الكلب راكع بيتمنى تسامحيه وبعدها هسلمه للبوليس بكل الأدلة اللى مجمعها عنه هو و ابنه و زى ما قدرت أوصله هقدر أوصل لبنت أخوكى مهما كان مكانها هوصلها برده متقلقيش وهمرمط حسين ومش ههدى إلا لما ألف على رقبته حبل المشنقة ، اللى يأذى حتة من قلبى أمحيه من فوق وش الأرض يا سوما .
سمية وقد بدأت تهدأ : ربنا يباركلى فيك يا عبده وميحرمنيش منك أبداً يا حبيبى ، طول ما انت موجود جمبى انا مش خايفة أبداً .
عبد العزيز بابتسامة : وانا عمرى ما هخليكى تخافى ابداً وهفديكى بروحى ، انتِ استحملتى معايا كتير أوى يا سمية وانا هعوضك عن كل دا .
ثم أمسك رأسها بين يديه وقّبل اعلى رأسها ( جبهتها ) وقال : يلا روحى عرفى الأولاد إن عندنا حفلة بعد بكرا .
-----------------------------------------------------------
دقت ساندى باب منزل غالية لكى تجلس معها وتودعها لأنها سوف ترحل فى توقيت الفجر ، فتحت لها غالية الباب وصافحتها وبعد السلامات والتحيات جلست على الأريكة وقالت بتعجب : هى ندى فين يا لولو ؟؟ دا أنا توقعت إنى هلاقيها قاعدة معاكى من الصبح .
غالية بحزن : ندى سابت أشرف يا ساندى ومنهارة على الأخر .
ساندى بصدمة : اييييييه؟ إزاى دا حصل ؟ وحصل إمتا ؟ وفين ؟ وليه ؟
غالية : معرفش اى تفاصيل والله أنا خبطت عليها الصبح وطنط سعاد اللى فتحتلى وقالتى انها سابت أشرف امبارح وقافلة على نفسها وكل ما حد يكلمها تقولهم انا كويسة بس سيبونى لوحدى ولما جربت أدخلها الأوضة لقيتها نايمة ، هدخل اخبط عليها دلوقتى أشوفها لو صحيت .
ساندى بحزن حقيقى على صديقتها أو الأدق اختها : ماشى متتأخريش .
ثم وبعد قليل دلفت ندى إلى الداخل وعينيها منتفخة من كثرة البكاء وأنفها ووجنتيها حمراوتين اللون ووجهها شاحب بشدة ،
فنهضت ساندى واحتضنتها بخوف ممزوح بقلق على هيئتها وقالت لها بقلق شديد : فى ايه يا بنتى ايه اللى حصل ؟ وليييه عاملة فى نفسك كدا ؟؟ حرام عليكى نفسك والله واللى انتِ عاملاه فيها دا ، صلى على النبى كدا واهدى وفهمينا ايه اللى حصل وليه سيبتيه؟ وسيبتيه امتى أصلاً وانتِ معايا طول اليوم إمبارح ؟؟؟
أنت تقرأ
مفيش مستحيل
Romanceرواية رومانسية اجتماعية ، باللغة العامية ، مواعيد النشر هتكون كل يوم هنشر فصل ، أول رواية ليا واتمنى انها تنال اعجابكم وياريت تقرأوها وتقولولى رأيكم . بقلم / هنا رأفت .
