كانت تقاوم نومها بشدة وتحاول أن تفتح عينيها ، و كانت تستمع إلى صوت بجانبها يحسها على المقاومة والنهوض والرجوع للحياة مرة اخرى ؛ فبدأت تقاوم وبدأت تفتح عينيها فوجدت ضوء قوى أمامها فبدأت ترمش بعينيها حتى اعتادت على الضوء وفتحت عينيها فسمعت صوت بجانبها يقول لها : حمد الله على السلامة يا مدام سمية .
وسمعت صوت أخر يقول : قومى يا حبيبتى حمد الله على سلامتك يا حبيبتى .
وصوت اخر : وحشتينا أوى حمدالله على السلامة يا مامى .
فحركت رأسها لليمين فوجدت أبنائها الثلاثة ينظرون لها بسعادة ممزوجة بالحب ، ثم نظرت إلى يسارها فوجدت زوجها وبجانبه الطبيب والممرضة ؛ فقالت بصوت خافت متعب : عطشانة .
فقال الطبيب للممرضة : منار روحى هاتى ميا بسرعة .
أتت الممرضة سريعاً بالمياه ؛ فوضع عبد العزيز يده خلف رأس سمية وبدأ فى رفعها وإسنادها لكى ترتشف المياه ، ارتشفت جزء كبير من المياه ثم نظرت لأبنائها فقالت لها رانيا : حمدالله على سلامتك يا مامى ، كنا هنموت من القلق عليكى ، وحشتينا أوى .
قالت لهم سمية بابتسانة حنونة متعبة : متقلقوش يا حبايبى أنا كويسة الحمد لله ، عينيكوا وارمة يا بنات من كتر العياط ، وانت يا چو يا حبيبى وشك بهتان خالص وعينك حمرا يا حبيبى ، متقلقوش والله أنا قومت وكويسة أهوه .
انصرف الطبيب والممرضة بعد أن اطمأنوا عليها فحاول عبد العزيز تلطيف الأجواء فقال بمزاح : كدا يا سوما صاحية عمالة تكلمى ولادك ومفيش وحشتنى يا جوزى يا حبيبى ومفيش متقلقش يا عبده أنا كويسة ؟؟ ههههههههههههه .
ابتسمت له بحب وقالت : انت دايماً فى بالى يا حبيبى متزعلش منى .
ضحكوا الأبناء فقال يوسف بمزاح : يا سيدى يا سيدى على الرومانسية ههههههههههه .
رانيا بضحك : سيبهم يا چو بقالهم يومين مشافوش بعض هههههههههههههه .
بسمة بضحك : ايوة ودلوقتى يقولولنا أخرجوا عشان يتكلموا براحتهم وشكلنا مش هنروح النهارده ههههههههههههه .
عبد العزيز بضحك ومزاح : بس يا عيال عيب كدا متكسفوناش ههههههههههههه .
سمية : ههههههههههههههههه .
يوسف : أنا هخرج أسأل الدكتور هتخرجى امتا يا ست الكل عشان وحشتينا والبيت مبقاش ليه لازمة من غيرك .
سمية : ربنا يخليكوا ليا يا حبيبى .
عبد العزيز : متتأخرش يا چو .
-----------------------------------------------------------
كانت عليا تجلس بجانب أختها وتحكى لها وتقول لها : وسمعت صوت الفون باعتلى مسدچ واتساب ففتحت أشوف لقيت رقم باعتلى بيقولى أنا معجب بيكى من زمان ونفسى نتعرف فإتخضيت يا علا وعملتله بلوك على طول مش ناقصة وجع دماغ ، دى ناس فاضية وبتطلع الفراغ اللى عندها على بنات الناس .
أنت تقرأ
مفيش مستحيل
Romanceرواية رومانسية اجتماعية ، باللغة العامية ، مواعيد النشر هتكون كل يوم هنشر فصل ، أول رواية ليا واتمنى انها تنال اعجابكم وياريت تقرأوها وتقولولى رأيكم . بقلم / هنا رأفت .
